一間好嘅幼園，點會要排隊?

evilmei

回復 lorettamoon 的帖子

其實我都認同妳講既野...

雖然好多人都話通常GF IN得都會收...所以家長們都會擔心所以一早去排隊..
但我覺得...如果好似人地話... 付出勞力就可以換到一個位...家長覺得值得然後去排...其實都好FAIR姐...

如果係好唔認同呢個做法...就唔好去排去報嘛...
咁其他家長排.....都唔關你事啦......

evilmei

回復 crg 的帖子

其實我都有排...

不過想當係多一間back up 囉... 叫做排...可以有多個機會同保險姐....
其實GF都唔平....

lucas1031

原帖由 evilmei 於 13-09-03 發表
回復 lorettamoon 的帖子

其實我都認同妳講既野...

Agree. 將軍澳出名多新婚家庭同小朋友，而綠茵翠茵等係區內名幼，有教無類，連细B都收，（出面d學校一絛唔收細B表，一係d面試對細B來講難到嘔！）係一所好學校。所以如果家長唔like. 大可唔排唔讀，不過就請唔好話學校的申請方法有問題

evilmei

回復 crg 的帖子

其實而家個個爸爸媽媽都真係辛苦喇... 尤其龍爸龍媽.... 連龍b既四大長老都要緊張埋一份...

有時都唔明... 我地以前讀幼稚園....邊有咁恐怖架....
當年阿爸阿媽...點會話要報成十間八間學校.....

lorettamoon

crg 發表於 13-9-3 11:18
Agree. 冇辦法，無奈至極。各位父母都辛苦。小朋友2歲未就要去10間8間幼稚園interview。



  ...

我認架…我都係嗰啲一邊鬧人排隊痴線然後又一邊死死地氣走去排嘅家長排隊…無可厚非…你早三個鐘排，我要比你更早早六個鐘去排…
然後就搞到勁性循環…大家鬥早排…怕遲咗會蝕抵
但其實學校根本早就講明九點先收表……
我自己都好無奈…

坦白講，我報N班係當托兒…GF我知係貴但真係近我屋企方便家人湊阿囡
其實我想佢K1轉番去保良局讀…我對N班都有啲隨心…得就得唔得就算
我都會諗…以前我哋讀書…阿爸阿媽都無咁誇張…到底點解？

Blessingykll

要睇埋結果先知公唔公平. 根據以往經驗, 學校都知道要排隊收表的話, D家長一定會通宵逹旦咁排, 因為PN位有限, 家長為仔女求一學位, 點敢放鬆, 除非係小朋友面試同分,  要用先到先得選先係公平, 但面試唔係筆試,個個小朋友表現唔同, 點會分唔出高低呢?
如果學校接受郵寄報名, 但如果到時連面試機會都唔俾郵寄的學生, 咁就仲唔公平. 可能係呃報名費.
如果係先到先得只係用來分上下午班, 咁我覺得OK..因為面試過, 選出來的學生都QUALIFY啦, 但上下午校點分, 無理由按成績, 咁先到先得就一個好方法.
可惜學校無一個明確指示, 所以只能睇到時有冇郵寄報名的學生入讀先知公唔公平

花師奶2012

原帖由 crg 於 13-09-03 發表
我明白嗰種辛苦，睇唔過眼only
你們辛苦了。
不能說學校有錯，但希望可以体恤家長可以安排好d

對於我呢個細b媽來講，其實我好慶幸仲有GF呢d學校，人人話排得早多數有機，我咪排，一兩晚的勞力換得有位俾我細b, 我認為值啦，要知道细b喺其他學校係幾唔受歡迎

我都冇工人，冇長老幫手，我係同老公輪住排的，一个排，一个喺屋企睇b, 隔幾个鐘帶阿女落去shift, 有時我覺得要有收穫就要付出多少少啦

applecatcat

以前自己未有小朋友, 都會覺得排通宵隊去交份幼稚園表係好傻...
到今年要幫阿仔報出年既幼稚園, 仲要我個仔係細仔...
心儀既幼稚園間都話淨係收大仔, 心都灰埋.. 見到有一間近自己屋企, 唔駛坐校車, 又肯收細仔, 嘩! 仲唔去報咩?
的確, 喺香港唔會話無學校讀書, 只要你去教育局, 佢地都會幫你搵邊區邊間有學校仲有學額, 你連排隊都唔駛排, 拎住edb封referral letter就會有書讀..
但問題係, 呢間學校係咪你真係想個小朋友讀?

其實, 呢啲情況, 正等於出街食飯...
間餐廳你好想去食, 但衰在無得訂位...
點算好呢? 一係去第二度食, 一係就排隊等位咯~
有人肯喺餐廳門口等兩個鐘換一餐三小時既晚飯...
而家亦有人願意排一晚隊, 交份表, 換個可以讀三年既學額俾自己仔女。
即使見到佢個website話可以by post交表, 我嗰朝都6點去排隊~
我知個遊戲規則係咁, 如果認為呢個做法有問題既, 就唔會去排..
去得排隊既, 即係覺得值得啦。

我明白係會有人睇唔過眼呢啲安排,
但我覺得係鬧之前, 唔該花少少時間去了解清楚事情既真相..
唔好睇啲唔睇啲就走去鬧~

smrtkt

applecatcat 發表於 13-9-3 13:52
以前自己未有小朋友, 都會覺得排通宵隊去交份幼稚園表係好傻...
到今年要幫阿仔報出年既幼稚園, 仲要我個仔 ...

排隊等位呢個比喻幾貼身，，應該不是家長都會有體會，有人為一餐飯都可以等4-5個鍾 (某日本麵店)，為了子女三至四年，甚至一生教育，等通頂，不足為奇.

題外話，等位食飯一定等到，但排隊報名不是擔保一定收.

lucas1031

原帖由 花師奶2012 於 13-09-03 發表
對於我呢個細b媽來講，其實我好慶幸仲有GF呢d學校，人人話排得早多數有機，我咪排，一兩晚的勞力換得有位俾 ...

對好多其他人或家長，好難體會細B家長的擔心同無奈！如果冇這些學校, 封封reject letter的無助同擔心幾個月仲難過排隊。

lovebb2

原帖由 applecatcat 於 13-09-03 發表
以前自己未有小朋友, 都會覺得排通宵隊去交份幼稚園表係好傻...
到今年要幫阿仔報出年既幼稚園, 仲要我個仔 ...

講得好好，每人要求唔同。

lovebb2

爲什麼我們要受盡在幼稚園和小學找學位的折騰

http://www.edu-kingdom.com/forum.php?mod=viewthread&tid=2629017&highlight=%E6%8A%98%E9%A8%B0

cchappyforever

回復 crg 的帖子

Crg, 同意你的意見。不過而家睇嚟有啲家長係情願通宵排隊，唉...其實forum都係表達意見嘅地方，大家可以贊成，不贊成都可以發聲嘅。

lovebabyking

其實我都認同點解要家長親身去排隊呢??做一個system去比人網上apply好難既咩? 果日我老公6點幾去排都已經好多人, 仲要落住雨,做家長既真係好辛苦,跟住又話9月尾interview...我阿B到時歲半都未有...真係唔知點in lah...