鋼琴課, 你地大約學費多少??

心雨

ClaraC 發表於 13-8-29 00:12
什麼叫開放教四級？

Sorry, 打錯字, 係想講開始教4級, 佢之前係教3級的書, 而家開始教4級的書, 所以即刻話因為升級要加價.

心雨

hkspiderman 發表於 13-8-29 10:19
回復 心雨 的帖子

好明顯個老師係同你講金唔講心。

係啊, 個老師係講金唔講心的人, 如果講心, 我話照比$250, 想佢教多15分鐘, 佢都話唔得. 又話佢教皇家級, 出面都係收呢個價, 所以都冇辦法.(態度好像如果你唔接受都冇辦法, 佢就唔會再教), 而家D 人好像唔休做 .  呢個老師剛換左2個幾月, 一開始收$170 / 45分鐘.  之前個老師由K3 開始教到阿女3年班, 次次都係由入門口開始計時, 但佢入到來又去下厠所先開始教, 有時仲要早10分鐘或5分鐘就停教走了, 而且教得好慢, 而且好多基本野冇教到 (轉左呢個老師, 老師話我女如果學甘耐, 應該識埋xxxx, ), 得45分鐘, 又要去厠所, 又要早走, 扣埋長期係甘都唔見好多分鐘. (因為我要返工, 奶奶話我知老師次次未夠鍾就走), 有次仲要30分鐘就走, 我老公剛岩放假, 見佢走左, 就what's app問我, 阿女係唔係改學半個鐘, 唔係45分鐘, 我第2日what's app個老師問, 昨天教左幾耐? (諗緊係唔係佢有事早走), 點知佢答我45分鍾, 好唔老實.  之後先搵呢個.  之前個老師仲要係琴行教開的老師

ClaraC

原帖由 心雨 於 13-08-29 發表
係啊, 個老師係講金唔講心的人, 如果講心, 我話照比$250, 想佢教多15分鐘, 佢都話唔得. 又話佢教皇家級, 出 ...

聖三一演奏級都難，皇家更難。付出的時間金錢都唔少，加學費都會明。有料有心教的老師不但唔上門唔憂教，甚至可以揀人黎教，所以你老師唔憂教系合理。
至於她是不是似你當初講的＂有心教＂，你知啦？
你真係好好，長期早走都忍。有d你長期遲走，有次早5mins都無，即刻話你

四隻貓

回復 心雨 的帖子

覺得老師好, 孩子學到野, 自己又負擔到, 就繼續學下去.

覺得老師唔好, 孩子學唔野, 就幾平學費都唔會學落去.

我未試過老師會教唔足時間, 每堂都實在太多野要教同執, 次次都超晒時.
如果老師經常教唔足時間, 要同老師反映下, 或者都要考慮轉老師了.

心雨

ClaraC 發表於 13-8-30 00:11
聖三一演奏級都難，皇家更難。付出的時間金錢都唔少，加學費都會明。有料有心教的老師不但唔上門唔憂教，甚 ...

我自己返工, 個老師係下午6點來屋企教, 我返到去佢都教完了. 早走係奶奶發覺佢成日早走同我講, 我擔心老人家冇記性記錯時間, 所以都冇問個老師, 後來奶奶又成日講, 話每次老師來都特登再睇時間, 真係次次都早走, 好多時早10分鐘就走, 我聰完好唔開心, 諗緊唔知點問個老師, 點知老公放假係屋企, 佢都仲夠膽早15分鐘走, 呃我話45分鐘, 唉, 真係好過份.  我錢就使左一大堆, 野就學到個小小. 前後用左兩個老師,自問對老師好好, 好客氣, 新年都封兩封大利是比佢, 希望老師有心機教.  可惜暫時未遇到有遲走的老師,  自己又唔識, 老師有冇用心教, 係唔係教得好? 我真係唔識睇, 而家新老師教星期 日, 自己可以睇住時間同睇下佢係唔係全程都教緊, 只能甘樣, 佢話教皇家, 我只能相信佢, 再比少少壓力佢, 說想阿女6年班上學期考6級拿証書INTERVIEW 中學, 希望佢盡力教好.
請問你係唔係都係教琴?

仔仔錫錫你

我個2級，好似$170/45mins, 去老師家學，sofar 得1，2次係45mins先走，差不多次次學足1hr.

心雨

四隻貓 發表於 13-8-30 09:59
回復 心雨 的帖子

覺得老師好, 孩子學到野, 自己又負擔到, 就繼續學下去.

都學左4-5年了, 只能繼續學下去. 你好幸運,遇到好老師肯超時教,

四隻貓

心雨 發表於 13-8-30 15:34
都學左4-5年了, 只能繼續學下去. 你好幸運,遇到好老師肯超時教,

我意思不是停學, 是指老師不合心便不要跟那位老師學下去, 換過位老師.

不過想找肯上門又教學認真的老師真的不容易, 說真, 老師如果有經驗又教得好, 學生自然多, 又何來時間功夫上門教學?

四隻貓

webeheld 發表於 13-8-28 03:19
$1100 一小時，但是比值得更值得。

每堂都會覺得自己學到好多野, 每次都好期待上堂.
試過先會知果種"比值得更值得"的感覺.

radioma

四隻貓 發表於 13-8-30 16:34
每堂都會覺得自己學到好多野, 每次都好期待上堂.
試過先會知果種"比值得更值得"的感覺.

絕對認同!!!!!!

jollyma

成日聽人講咩好老師難搵，但難搵唔代表要忍受佢地啲冇品行為，好明顯佢人格有問題，搵次你請假放佢蛇，當場正法，等佢死得眼閉

熙媽媽

回復 心雨 的帖子

我都覺得好老師好重要，仔仔四級時$450/45分鐘，老師上門，不過真係好值得。

我睇過附近琴行，四級去琴行上都要$252/45分鐘。不如你睇下附近琴行收幾多錢。如果附近琴行OK，囡囡又大個左，或者可以考慮去琴行學。

你囡囡三級，老師收$170/45分鐘，如果照你建議，四級$250/60分鐘，其實只係加左$24/堂比老師，所以又唔可以講老師只講金，唔講心，因為其實真你加得唔多。我反而想，係咪老師一開始開價低左，而家想一次過調整返。

ClaraC

原帖由 熙媽媽 於 13-09-01 發表
回復 心雨 的帖子

我都覺得好老師好重要，仔仔四級時$450/45分鐘，老師上門，不過真係好值得。

但而家系老師話由$170／45mins加到$250／45mins，一堂加$80

miss321

加價太急會令家長難接受。 我自己不論升級與否2年會調整1次學費，有學生試過每堂調整over $100, 因2樣項目一齊學。
個人認為老師一開始開價可能太低，只是想加價到合理水平，家長看到只是加80太多，$250/45分鐘的確只是琴行價，如你老師好有學識又教得好，這價絕對超值。反而我考慮到老師上不足鐘的問題，其實無需超時，準時上下課就可以。

ecec1122

八級 45 mins $1,260/4 堂.

老師家中上堂, 當然偶爾會受外來因素影響而遲開始, 但老師間中亦會遲落堂.
最重要是你覺得老師 ok.  

如果想換就早 d , 一旦報名考試後張準考証寄比老師, 到時你想走都唔得.

柚子

我個女初學.老師上門教.45分鐘收$320.我自己覺得好值.因為個女越來越鐘意.我自己也好滿意.其實有料的老師真係唔憂做.至于幾錢至合理.真係無得定論！事實係越有料越貴！

lindakuen

lhingw 發表於 13-8-24 23:49
初學、上老師家學，$600／4堂，45 min / 堂

請問邊區啊？

我都想同我仔報名, 都係初學

lhingw

原帖由 lindakuen 於 13-09-09 發表
請問邊區啊？

我都想同我仔報名, 都係初學

老師住荃灣

lindakuen

lhingw 發表於 13-9-9 19:19
老師住荃灣

OK哦, 有冇聯絡電話啊