- 在線時間
- 276 小時
- 最後登錄
- 15-11-18
- 國民生產力
- 0
- 附加生產力
- 1230
- 貢獻生產力
- 0
- 註冊時間
- 13-6-30
- 閱讀權限
- 10
- 帖子
- 387
- 主題
- 9
- 精華
- 0
- 積分
- 1617
- UID
- 1249617
|
我所用o既方法未必人人認同, 同埋未必個個小朋友都適合, 但可以同大家研究一下.
1. 從細開始比佢定時學習好重要, 最緊要變慣性, 咁小朋友就唔會覺得每日學習係有嘜問題. 相反如太大個先開始, 佢就因玩慣而覺得辛苦, 亦未必肯坐定定合作.
2. K1太細, 在學術上, 我只會教佢念數目順序同數數目, 或A至Z等最基本認識, 如1-100念熟咗先至算. 又或念乘數表都得, 又或背英文Phonics o既基本發音, 佢唔一定要明, 慢慢比佢念入腦就可以.
3. K2時開始比佢睇簡單o既中英文書, 仲要小朋友認中英文字, 英文要正式教佢Phonics應用, 數學亦開始要佢計加減數. 當然讀物要由淺入深, 根據小朋友進度慢慢加深. 至於數學要佢日日計, 熟能生巧好重要, 當佢學識單數加減後, 就根據進度學雙位加減, 同埋連加及連減法等.
4. K3時相信小朋友已有一定認字或閱讀能力. 除要比多啲書佢睇外, 要開始同佢默書, 仲要喺書局買一年班o既中英數練習每日比佢做啲. 如果小朋友天資夠, 做完一年班練習就繼續比佢做更高年班o既練習.
5. 暑假同星期六日公眾假期等係學習黃金時間, 如可以的話最好加操. 同小朋友講如早上乖乖學習, 下午必定帶佢出去玩. 而喺平日時除溫習外, 必需預留時間比小朋友玩, 如有PLAYGROUND比佢跑跑玩玩就更佳.
6. 另外, 此點比真光堅道o既學生家長參考. 雖然真光堅道功課較少, 而每日最花時間o既野就係填顏色, 如某日學數數目98時, 學生係要填98個顏色波波, 英文科工作紙亦係有相同情況, 到K3時週記都係咁樣. 而小朋友太細油98個波波, 分分鐘要花成半個鐘頭, 咁大家可以想像如果多樣野加埋, 要花幾多時間去填色呢! 固此我就要求小朋友只填一少部份, 其他就由工人姐姐代填. 咁可以節省大量時間.
7. 而最後, 亦係最重要o既野, 父母本身自己都要有足夠毅力, 放工或放假後唔好怕辛苦, 都要幫小朋友溫習. 如果兩公婆能分工合作教唔同科目就更佳.
如唔認同者勿插
|
|