剛有人比私人信息我問堅道真光o既問題, 相信亦會有其他人感興趣, 固決定公開有關本人之個人意見.
以本人自己角度去睇堅道真光, 整體上都係唔錯. 1.
校長係一個好有經驗o既教育工作者, 佢經常都比到好多意見我.其他老師及姨姨對學生都好有愛心, 當然有個別一兩個老師較COOL,但只係其本身性格, 實際上佢地對學生都唔錯. 由上年起共增至有兩個外籍老師, 一個專負責教高班學生. 另亦有一個普通話老師, 所以語言教育方面都算係咁. 但當然冇得同出面啲國際學校英普班比較, 原因係上外語堂之時間, 絶對冇國際學校咁充足同全面. 2.
學校會攪觀課日或節日親子活動及其他講座等等之活動, 校方o既出發點當然係好啦, 但對我自己而言覺得舉辦得略多, 家長們平均個半月左右就要向公司請假去參與上述活動. 而校長大多會點名睇父母有冇到場支持, 咁會對公司工作繁忙者做成一定壓力. 3.
我因經常參加學校活動, 所以我喺過去三年中, 會容易觀察校內情況. 從中睇到我囡囡果班o既同學個個都好開心, 而且從未聽過有人話唔開心唔想返學或因不滿學校而退學. 4.
真光本身之教育理念係唔想過早催谷學生, 所以學校功課較少同程度亦較淺, 如家長對自己子女期望較大者, 似乎要幫自己小朋友自行進補, 否則如將來出外報考小一o既其他私校或直資名校會較吃虧. 5.
以我所見, 堅道真光基本上都會全收學生o既弟弟妹妹. 相信對某啲家長而言這都算係好消息. 6.
以我觀察所知, 除非學生操行有問題或家長本身唔接受校方意見而大發脾氣, 否則堅道學生都可直上大坑小一, 除非係自己放棄學位. 另外, 一般學校都唔喜歡收超級細B,難得堅道校長卻肯比機會該等超級細B. 而真光中學o既學生大多為Band 1B級數, 而且校風出哂名好學生平均亦好乖, 所以此校絶對係一間好學校, 所以堅道真光係十分直得報讀. 7.
就算真光中學未必係某啲人心目中杯茶, 但有真光做BACKUP絶對會令家長安心好多.
希望幫到你 |