矯 視 隱 形 眼 鏡

Rattie

答小韋寶：
我女小四戴咗一年眼鏡，度數由 125、50 跳到 225、150。小五開始戴，升中四，現在 keep 住 275、150。眼有血管增生。
當年配鏡時，爹哋覺得女第時都可能會做 lasik, 洗唔洗依家俾咁多$去配。我自己就唔想佢深到冇眼鏡就咩都睇唔到。咁依家百幾、二百幾度佢大個可以選擇戴唔算厚既眼鏡、普通 con. 唔一定要做 lasik，反正 lasik 亦唔係人人做得。
不過我亦知女有小學同學戴咗一段短時間整親一隻眼，之後要改戴眼鏡。所以要睇自己小朋友是否適合。

小韋寶

回復 Rattie 的帖子

Rattie,
多謝你答覆。我都覺得做LASIK太深近視都無咩作用。咁你女女個同學點整親眼? 嚴重嗎?

Rattie

小韋寶 發表於 13-8-14 23:21
回復 Rattie 的帖子

Rattie,

係阿女有日同我講佢同學因為整親隻眼要戴返眼鏡，咁有日我接女時見到個同學，一隻眼白有好明顯嘅紅點，我同佢唔熟所以冇問到佢家長。
亦因為我女配先過佢，最擔心嘅時段亦已過去，所以俾佢繼續戴落去。你問我如果未配而見到同學嘅 case 仲會唔會去試？hmmmmm 我真係答你唔到。最大可能係會等到阿女嘅度數加到去起碼 500度，真係唔想佢再深落去至會去考慮。

Rattie

回復 小韋寶 的帖子

昨天女女去視光師定期驗眼，咁我問咗幾個問題。
原來我自己一路攪錯以為眼白啲紅根就係血管增生，視光師話血管增生其實係喺眼珠（黑色）部位，佢話我女係冇血管增生，阿女已經戴咗五年。
戴矯視鏡對之後做 lasik 係冇關連/影響。
矯視鏡戴幾耐因人而異，中學/大學之後停戴都有。
這些都係視光師嘅意見，唔係眼科醫生，有冇利益衝突我就唔知喇。