點可以容易d記到中文默書的字??

Jessy

我兒小9月升小一了, 但佢記中文默書d字真係好差, 有咩辦法可幫助他呢??

佢很討厭抄寫, 而且有d字真係抄左10次都係轉個頭唔記得.  

kinling

你要分折字比他，例如：用一個正方形格分左右兩邊（eg請、你，件），上下層(eg票，要，）比小朋友容易記得，希望幫到小朋友

Jessy

kinling 發表於 13-7-24 14:22
你要分折字比他，例如：用一個正方形格分左右兩邊（eg請、你，件），上下層(eg票，要，）比小朋友容易記得 ...

佢知道係拆開來記的, 但有時佢仲會誇到將某2個字的左右兩邊互相掉轉了再配埋一齊當一個字!!!

yy0601

今日響商務見到一本學好中文嘅書，你試睇下有冇一啲方法啱用

Jessy

yy0601 發表於 13-7-24 22:20
今日響商務見到一本學好中文嘅書，你試睇下有冇一啲方法啱用

請問書名是什麼？

Ashleykenneth

會唔會有讀書障礙？

Ashleykenneth

讀寫障礙

MrBeast

咁簡單的字如大小光，etc記到嗎? 認字有冇問題?

Jessy

MrBeast 發表於 13-7-25 07:33
咁簡單的字如大小光，etc記到嗎? 認字有冇問題?

你講呢d字記到呀!!! 係筆劃多記唔到, 即係佢岩岩抄完個字就梗係記到, 但刷完個牙就寫唔出了!!!

Jessy

Ashleykenneth 發表於 13-7-24 23:04
會唔會有讀書障礙？

佢耐唔耐會將個3字反轉左來寫, 大約1個月1次, 你覺得係咪?? 但我同事都話佢個囡2年班有次都反轉左s來寫喎!!

你地的小朋友係咪完全唔會架??

MrBeast

Jessy 發表於 13-7-25 09:54
你講呢d字記到呀!!! 係筆劃多記唔到, 即係佢岩岩抄完個字就梗係記到, 但刷完個牙就寫唔出了!!! ...

中文是像型字，咁我首先會拆開做部件eg 部首，然後作個小故事或圖畫或諗口王，來幫他記，eg, 聽-耳王十四一心，學-上半部似間學校，下半部子就是學生或阿仔。
其他方法如在沙紙上寫也可一試。

Jessy

gram 發表於 13-7-25 17:25
中文是有六種造字法，8成以上是形聲字，因此以象形方法记字是不化算

坊間有無d咩書講呢d??

tracy59c

我的方法是。。。。。玩玩玩玩玩，中文遊戲，自己依據字典部首，寫一些字出來，叫阿仔变成另一個字，例如：比個“日“字佢，佢变成“明“字。比個“木“字佢，佢变成“森“字。倒轉叫佢出字比番你。每次出十個部首比佢变字，讓他多動腦。

hinnga

小朋友記不起怎書寫中文字有很多原因。請問小朋友知道中文詞語的意思嗎?很多時候因為小朋友不太了解中文詞語的意思影響記憶方面。其次心理上太抗拒阻礙了小朋友學習,例如在抄寫方面重覆太多次記不起可能已經影響心理方面。讀音方面小朋友能否記得?情況一開始便是這樣,還是突然間? 平日教學情況是怎樣?可以說一說嗎?

Jessy

hinnga 發表於 13-7-26 09:24
小朋友記不起怎書寫中文字有很多原因。請問小朋友知道中文詞語的意思嗎?很多時候因為小朋友不太了解中文詞 ...

意思佢是知道的, 如"步行"的"步"字, 佢就係轉個頭唔記得. 佢一向不喜歡抄寫, 所以我不想逼他抄, 係上次默極都唔識個"步"字, 先叫佢寫4次, 但刷完牙又唔記得, 咪再寫4次, 之後瞓醒又不記得了,

都有d字佢好快記得, 就算"學"字咁難寫佢都記得.  

今年9月才升小一, 佢現只默過2次書, 具體情況要再慢慢了解, 但的確擔心.  

momama

幾多人都係上到小學先知有讀寫障礙，快去評估，搞清楚先。

hinnga

Jessy 發表於 13-7-26 13:44
意思佢是知道的, 如"步行"的"步"字, 佢就係轉個頭唔記得. 佢一向不喜歡抄寫, 所以我不想逼他抄, 係上次默 ...

小朋友未必是讀寫障礙,如果情況持續一段時間,就需要進行測試了。
暫時可從觀察中了解,基本抄寫是需要的,坊間有些練習作業有可愛有趣的圖案吸引小朋友書寫。
另外可帶小朋友到圖書館,讓他多些選擇自己喜歡閱讀的中文讀物,這樣也增加中文知識和興趣,
重要的是看得多自然便會有點印象和記憶。此外增加小朋友對中文的接觸性都是有幫助的。

關注的記憶問題也可從另外的科目和日常生活了解觀察。

倘若小朋友對某一些科目有興趣,接觸得多有關資訊,都有助小朋友對中文的接觸互動。

我教授的小學生有的是讀寫障礙,很多人會誤解了讀寫障礙的學生,其實分析和理解能力都可以很正常,有些學生更有卓越的表現,因此無需太憂慮。

Jessy

hinnga 發表於 13-7-27 15:52
小朋友未必是讀寫障礙,如果情況持續一段時間,就需要進行測試了。
暫時可從觀察中了解,基本抄寫是需要的,坊 ...

謝謝你, 我最近都開始同佢一齊睇多d中文故事和文章, 一陣諗住去書局搵下d教記中文宇的書籍看看有沒有幫助.

我都知急唔黎, 但怕一年級默書一開始就好低分, 會令佢無左自信心而失去學習中文的興趣和動力.  

我都很想快d發現佢對邊d科目有興趣, 但暫時未知, 好像科科都不太喜歡, 有時真懷疑....佢係咪真係唔太適合咁傳統的學校.