Marymount 同聖保祿天主教點揀？

chungtai

讀緊聖保祿天主教， Marymount收插班P.5，點揀？！好煩！轉唔轉好？

幸福女子

chungtai 發表於 13-7-16 18:55
讀緊聖保祿天主教， Marymount收插班P.5，點揀？！好煩！轉唔轉好？

P.5 仲轉校？聖保祿又唔係唔好，個女要由頭適應，適得其反喎，你女女點諗先？
是否中學轉直資係個問題？

smitty

又要報，收左又要煩？why?

kychanhkg

唔係諗好先報？其实自己想點？有應否先考虑個囡的意見？

Charlotte_mom

兩間都唔係直升中學, 聽講瑪利曼自行收自己學生唔多(定一個都唔收呢), 不過唔係猛龍唔過江, 你女女成績應該有咁上下, 更上一層樓都好正常
不過ST PAUL係中小瑪利曼係英小, 小5呈分你賭得咁大, 激左D WOR

chungtai

真系因爲轉直資，同個女傾好先去考，但依家個女又吾捨得同學！

karen55407

我唔會轉，一般轉校要適應，下學期便要呈分，唔多唔少有影響，留返完校，升中才再選其中學吧！

dlee_ca

不要太認真，只想比大家知啫。

幸福女子

chungtai 發表於 13-7-16 19:42
真系因爲轉直資，同個女傾好先去考，但依家個女又吾捨得同學！

佢講左唔捨得同學，你會想像得到佢入到去會點，能融入新同學嗎？教學模式呢？中轉英呢？等等。。

chungtai

我真系想問下人意見，如果吾系中學部轉直資，都無想過轉校。

little_woman

考吾到又煩，考到又煩，吾怪得香港人禁吾開心

dlee_ca

最初點解申請？
佢比唔比到您想要既嘢您吖？

chungtai

主要系個女，同佢講間學校要轉直資，不如轉校，佢話好，點知話收又哭，依家比佢自己决定，但仲系度考慮。

幸福女子

chungtai 發表於 13-7-16 20:25
主要系個女，同佢講間學校要轉直資，不如轉校，佢話好，點知話收又哭，依家比佢自己决定，但仲系度考慮。:t ...

將咁大個project交比個女決定。。佢小四咋，唔係中四。。

dlee_ca

轉係有小小小著數，你個女是否很容易接受新事物的一類？  同其他同學容唔容易打交道？

chungtai

佢比較獨立，老實講，我吾想佢讀得吾開心，會影响成绩。
至於原校中學轉直資，我個人系反對，吾系比吾起，系條氣吾順。當初入學講明系同中學系直屬關系，無端端話轉就轉……

lin624

我會轉瑪利曼，提早面對全英教學是好事。
你女轉得到瑪利曼代表成績不錯，應該好大機會在60%以內的，直上中學不是問題。

kenchtam

請問 Marymount 插班，考甚麼內容，係唔係中英數，Oral 面談，需要見家長嗎?

acaiberry

回復 chungtai 的帖子

俾你囡囡自己選擇啦，上到小五點會唔知自己想點....如果佢唔想而你格硬要佢轉，將來入到新學校唔開心，佢做乜都無心機，未必會有動力去克服困難，可能會影響成績

chungtai

只考中英数