用戶登入
用戶名稱:
密      碼:
搜索
教育王國 討論區 小學雜談 應否讓小朋友轉校?
查看: 3874|回覆: 23
go

應否讓小朋友轉校?

Rank: 1


21
發表於 13-7-13 20:02 |顯示全部帖子
心儀的小學收我小朋友做二年級插班生,禮拜五翻去原本就讀的小學退學,但校長遊說我地唔好轉校,話新學校雖然升中派位好,但競爭大壓力大;話小朋友響原本學校都生活開心,成績都好,叫我地唔好轉。但我地最擔心系升中派位個問題,原本的小學的派位實在唔多好,雖然好同意學校個教育理念,但始終擔心小朋友將來個成績。
各位媽媽,如果換轉系你地,你地會不會幫小朋友轉校?
我地而家比校長遊說到好煩惱😂😂😂

Rank: 3Rank: 3


207
發表於 13-7-13 20:21 |顯示全部帖子

回覆:miyamama 的帖子

俾我一定轉,你考得第二間學校即係話你而家嘅學校俾唔到一d你覺得好重要嘅嘢,揀小學目的係為升中&你心儀嘅中學做準備,仲有,入唔入到大學/易唔易學壞都係睇中學階段,校長梗係唔想你走啦,但你覺得你要為你小朋友交代or為而家嘅校長交代吖!

你嘅決定係唔好令自己/小朋友將來會後悔就ok。



Rank: 5Rank: 5


4884
發表於 13-7-13 20:27 |顯示全部帖子

回覆:miyamama 的帖子

比我會轉,插得入小二即通過筆試或面試,小朋友程度好學校先會收,一定比小朋友讀。講真,如到時小六升中小朋友係band 1, 校長會吾會同你講吾好比阿仔選band 1, 好辛苦嫁,選band 2/3 開心小功課既學校啦!



Rank: 5Rank: 5


1575
發表於 13-7-13 20:30 |顯示全部帖子

回覆:應否讓小朋友轉校?





Rank: 5Rank: 5


1065
發表於 13-7-13 20:38 |顯示全部帖子

回覆:靚靚C9 的帖子

轉!放棄了今次機會會後悔的!



Rank: 3Rank: 3


207
發表於 13-7-13 21:08 |顯示全部帖子

回覆:sschiu 的帖子

你接唔接受新學校的教育理念?如果無問題,轉!



Rank: 5Rank: 5


4624
發表於 13-7-13 22:02 |顯示全部帖子

回覆:應否讓小朋友轉校?

我會轉!為個囝將來嘅升中派位一定轉!





Rank: 6Rank: 6


5164
發表於 13-7-13 22:05 |顯示全部帖子

回覆:miyamama 的帖子

轉!



http://www.baby-kingdom.com/forum.php?mod=group&fid=5927

Rank: 4


863
發表於 13-7-14 10:17 |顯示全部帖子

回覆:應否讓小朋友轉校?





Rank: 10Rank: 10Rank: 10


25611
發表於 13-7-14 10:34 |顯示全部帖子

回覆:miyamama 的帖子

玩升中呢個遊戲係超級刺激,過來人或者會明白,你話小朋友就讀學校派位唔太好,但總有b1小朋友嗎,只係多與少問題。你小朋友成績好又讀得開心,而新校會辛苦同壓力大,我個人意見係你要考慮清楚做 小塘大魚、大塘小魚呢個問題? 做一線學校學生家長係須要好大支援小朋友,想清楚呢d問題先作決定。 Good Luck !  



點評

軒軒2008  觀念好正確,我就考慮到呢一點未幫仔仔轉校,他全級頭三名,已經轉了二個,但我堅持在原校就讀,就因為他讀得開心。  發表於 13-7-16 11:19

Rank: 5Rank: 5

醒目開學勳章


4101
發表於 13-7-14 10:39 |顯示全部帖子
既然你小朋友考到入去,証明有實力,我係你會轉。插班試卷一定唔會淺,我相信你小朋友入到去都一定係中上游果批。

Rank: 11Rank: 11Rank: 11Rank: 11


48932
發表於 13-7-14 11:14 |顯示全部帖子
插到班,程度應該係超班小小,吾會跟吾到。

校長留你,你一時心軟,好正常,但當然以小朋友發展第一考慮,轉!

Rank: 7Rank: 7Rank: 7


10664
發表於 13-7-14 11:49 |顯示全部帖子
考得入一定係叻的小朋友, 唔會應付唔到新學校, 正常就應該轉.

除非你小朋友性格好唔受得到壓力啦, 但我覺得機會不大羅.  
希望每天開心渡過 ;-)

Rank: 1


21
發表於 13-7-14 13:12 |顯示全部帖子
回復 洋蔥頭媽咪 的帖子

唉,原本間小學系有b1學生,不過今年我住個區b1學位多過b1學生,連b2學生都派到b1中學。但今年派位又無得作准,因為黎緊幾年d 小學生出生率又高翻,競爭又大翻。小朋友喜歡原本個間小學,我地又系雙職父母,無甘多時間去跟小朋友d 功課=[

點評

軒軒2008  屯門區?  發表於 13-7-16 11:21

Rank: 10Rank: 10Rank: 10


25611
發表於 13-7-14 14:13 |顯示全部帖子

引用:回復+洋蔥頭媽咪+的帖子 唉,原本間小學系

原帖由 miyamama 於 13-07-14 發表
回復 洋蔥頭媽咪 的帖子

唉,原本間小學系有b1學生,不過今年我住個區b1學位多過b1學生,連b2學生都派到b1 ...
明白,你或者試吓分析吓,現在讀緊小學升中派位派往b1.b2成數高嗎?而新小學獲派b1英中又是否多好多?新校是否名小學又或者課程又是否教得會快?(例如書本教快半至一年)?你小朋友性格又是否可以摧谷?

我相信你揀得新校插班當然會覺得新校學術水平會比舊校高,如果你認為小朋友性格係接受倒摧谷而家長又有時間支援小朋友當然要比佢試. 當佢讀得上而成績又好當然係好事,好多人都會支持你轉.(但唔好介意我直言)如果小朋友入到去成績只是中等或中下,學校對小朋友支援足夠嗎?萬一真係跟唔倒或太辛苦,小朋友自信心都會下降,到時排名可能只係b2至b3成績,就真係唔轉好過轉,留响舊校可能係b1生,學校對佢都會睇高一線,你亦提到舊校與你理念相近,學校亦重視你小朋友,過去一年你又認為此校老師好嗎?要想清楚先好決定.

我仔係地區一線小學就讀,當然好多家長都想考入,我亦親眼見有同學仔跟唔上而轉去直資,更有家長小四時因發現小朋友留响度只會係b2生最後選擇退而求次,選番二線小學做b1生,结果派番b1中學。所以你要考慮清楚。



Rank: 5Rank: 5


2391
發表於 13-7-14 15:40 |顯示全部帖子

回覆:miyamama 的帖子

小二識應力比較強早轉好過遲轉,升中派位是一個問題,小學根基也重要,轉了壓力一定大,但基礎也會好,但要考慮你給他支援及雙方接受壓力程度。
在現有小學能夠繼續保持成績一定會比轉了容易成b1生升中,若你估計他是遇強越強轉也能保持b1,否則作用不大,或分析b1生比率,若現有的已有三分一b1生,但轉了只多一至兩成,到呈分時未必能如願,程度較深競爭也大。
現讀小學當然想留住他,他有能力轉校可能將來有能力為學校爭多一個英中學位,一個好員工公司會留,有潛質學生也一樣。



Rank: 5Rank: 5


1449
發表於 13-7-14 15:48 |顯示全部帖子
考到插班即是叻仔啦!轉!

Rank: 5Rank: 5


2391
發表於 13-7-14 15:53 |顯示全部帖子

回覆:安格斯媽媽 的帖子

當年我也有心儀小學,但我只能叩入1間只有三分一b1的普通小學,小一時也有家長因程度淺而轉校,我沒有考慮轉校,仔已升中,他及我可以毫無壓力下順利升b1中學,但若當年我能叩入一線小學,可能已是b3生畢業了,我仔是一個靠小聰明的學生,不會努力或緊張自己成績,但升中他自知休閒了六年,現在會懂發力,可是根基較差會比較辛苦,但其實根基好也未必能接受中學方式的,有時要取捨。
有時小學成績好根基好未必升中叻,但小學一般又未必無能力。



Rank: 5Rank: 5


3667
發表於 13-7-14 23:39 |顯示全部帖子

回覆:應否讓小朋友轉校?

要看看兩間學校是否天與地的分別。若然其實是差不多,純粹個人意願地心儀,那便要再考慮清楚,事關小朋友讀得開心,有自信心,會越讀越叻,事半功倍,一樣可以升 band 1.



Rank: 5Rank: 5


4550
發表於 13-7-15 00:55 |顯示全部帖子

回覆:應否讓小朋友轉校?

我覺得要睇小朋友性格,如果佢内向,轉咗好難融入新既同學仔,如果校園生活唔開心,會好影響成績。