會唔會做IQ TEST?

raymondshum84

chowqv 發表於 13-7-16 05:52
港大要6歲；資優協會（果名唔太記得，類似）係5歲。我問過好多，都無2歲有得做。



  ...

我都好想知邊處有得做兩歲bb的IQ test 呀!

小寶貝兒

raymondshum84 發表於 13-8-16 14:31
我都好想知邊處有得做兩歲bb的IQ test 呀!

巴士上有賣廣告呀~某補習學校另外開既一個公司(實在唔知點形容, 佢有得TEST, 又有PG上, TEST完之後有得針對性地加強小朋友既PG上)
唔知開唔開得名~

raymondshum84

原帖由 小寶貝兒 於 13-08-18 發表
巴士上有賣廣告呀~某補習學校另外開既一個公司(實在唔知點形容, 佢有得TEST, 又有PG上, TEST完之後有得針對 ...

唔該哂

leungloklok

2歲半做IQ TEST 係唔準

有D 機構3歲會有做, 但都係以初步為主,
想認真既就等6歲啦

leungloklok

renrenbb 發表於 13-7-15 12:35
6個月又好似細得制喎~2歲幾應該好d~

6個月做果D 係小朋友既發展REPORT

係測智能/身體發展情況, 以3個月為一個層面去CHECK

而唔係CHECK IQ, 6個月係CHECK 唔到IQ 嫁.XD

Radiomama

有些東西叫廣告，盲目信任，只會被當水魚。小孩天資聰穎當然好，但早教也會令孩子在知識上比上一代優先好多。建議大家按步就班，不用介意什麼黃金六歲，正所謂活到老學到老。
越聰明的孩子越應及早進行愛的教育，學術知識太容易掌握。
小兒在將近八歲才做IQ Test, 然後在中大及CTY online上不同的課程，一切安好。

miriam

廣告宣傳實在太厲害

我囡囡都做左 WISC-IV, 佢係 P.3 時做, 係班主任要求我同佢做, 唔係我都唔會走去做.

到 P.4 時學校推薦佢去中大讀資優課程, 我係報讀前都有好多疑問, 到底收生標準係點, 同時都問左 WISC-IV 應該要幾多歲做, 中大職員答我要足 6 歲, 唔係份報告都唔會準, 之後最好 8 歲時再做多次, 咁先可以正式確實到小朋友係咪資優.

點解要定位係足 6 歲先可以做, 中大職員答我小朋友好多野都未發展得好, 到 6 歲時比較穩定, 同有一定理解能力, 否則做評估時都唔明問乜, 份報告邊會準.

中大都有資優課程讀架, 但唔好諗住係佢地度做完就一定有得讀, 所有小朋友都要有學校推薦信, 仲要做一個三小時既評估, 評估完覺得合適先會收.

出面坊間一條龍服務, 呢頭評完, 轉頭話資優, 有好多課程岩啵, 全部讀晒對你地既仔女百利而無一害架, 實則咪等收錢囉.

中大個課程係要收錢, 但收左之後合資格學員可以申請資助, 有得減免學費, 中大同坊間機構既分別係點, 應該唔使我畫公仔畫到出腸掛.

小寶貝兒

Radiomama 發表於 13-8-28 19:15
有些東西叫廣告，盲目信任，只會被當水魚。小孩天資聰穎當然好，但早教也會令孩子在知識上比上一代優先好多 ...

太耐冇入黎~
我只係見有人問, 又之前見到巴士有廣告, 咪順便告知囉........
而且我呢邊少入黎回, 得果幾百分係易D比人誤會係打手既~

浩霆豬豬

miriam 發表於 13-9-3 00:48
廣告宣傳實在太厲害

我囡囡都做左 WISC-IV, 佢係 P.3 時做, 係班主任要求我同佢做, 唔係我都唔 ...

無錯！由老師話我仔係資優到真係book期去check，我都考慮咗成兩個月，如果唔係見住佢情緒起變化都想慳返啲錢，由頭到尾都只考慮係中大或資優教育學院度做，坊間嗰啲我怕被人呃去報course。

miriam

浩霆豬豬 發表於 13-9-29 00:15
無錯！由老師話我仔係資優到真係book期去check，我都考慮咗成兩個月，如果唔係見住佢情緒起變化都想慳返啲錢，由頭到尾都只考慮係中大或資優教育學院度做，坊間嗰啲我怕被人呃去報course。

我囡評完之後好彩唔係資優, 但有部份分數都好高, 我壓力大到喊左出黎.

面對住佢我唔驚佢真係中獎係資優, 而係情緒控制同課堂上面既行為表現既問題, 佢唔係有問題老師邊會叫去評丫, 搞到我半年內做完資優評估, 即刻去精神科排期 (懷疑 ADHD), 跟住去學童保健要求轉介去 CAC, 諗返起個半年真係人都癲呀.

最愛小朋友

vivi2000 發表於 13-8-3 01:08
絶對同意！懷疑有問題的，越早check越好，如果冇問題，不如慳番幾千蚊！如果真的是資優，你自自然然會察覺 ...

同意

60219870716

原帖由 danielsrs 於 13-07-13 發表
回復 miumiu8888 的帖子

IQ TEST  6個月大就可以做  最緊要係比家長了解小朋友既發展進度  同個腦做body c ...

可以喺邊做？

anidacat

查實呢，我以前係中大讀心理學嘅，好記得讀到 IQ test 時，professor 已經話，韋氏 IQ test 係過時同埋唔全面，因為太過著重語言能力，好多自閉症但智力正常嘅小朋友會被界定為弱智。所以後來先有心理學家研究多元智能，因為 intelligence 應該包含好多範圍，包括但唔止係語文同邏輯推理能力。

估唔到十幾年後，仲有咁多私人機構 sell IQ test... 個人認為，你要知小朋友嘅潛能同點栽培佢，睇九型人格都好過做 IQ test! 你接受到的話，皮紋都可以睇到資質（只係資質，唔代表成就，要睇你點教）。聽到好似有學校話要睇 IQ Test report, 高過幾多分先收，就更加不齒！而家呢個年代，IQ 高又如何？冇好嘅 EQ，唔識同人相處，遇到困難唔識自己想辦法解決，唔通會成功嗎？各位家長真係唔好再信呢d 數字啦⋯

lulumelody

非常同意，現在的家長和學校都好功利，只睇數字!

evacalbee

原帖由 anidacat 於 14-03-23 發表
本帖最後由 anidacat 於 14-3-23 02:07 編輯

查實呢，我以前係中大讀心理學嘅，好記得讀到 IQ test 時， ...

下！？ 中大Professor話過時，但中大心理學院又幫小朋友做韋氏IQ test？

anidacat

咁佢話哂有咁多年歷史，點都有佢嘅價值係度，佢的確可以 test 到某方面嘅 IQ。只係，係呢個年代，IQ 已不能完全代表小朋友嘅能力，因為係呢個 test 之後，已發展出其他如多元智能嘅理論。所謂嘅過時係咁嘅意思。如果有間學校要睇你小朋友嘅 IQ test result 先決定收唔收，咁只得一個可能性，就係佢地係一間扮嘢嘅學店！