剛剛升中派位結果...有感而發...共勉之!

Cookeryman

今日, 卒之可以回答 Baby Kingdom 的問題了, 昨日陳小的升中派位, 結果是比近年還要好, 派首志願和滿意度, 係近年之冠。大家應該都有睇新聞, 因為少左學生自然位便多左, 但我哋成班阿爸阿媽都知(因有聽講座), 今年的學位額是靠上年龍仔攞位的, 看了派位結果後, 就知道上年同學的 Pre-S1 考得有幾勁丶有幾好! 咁當然, 凡事無絕對, 當然梗有一d會結果不理想啦! 因好視乎家長選校時的排序和人人都唔知的隨機 number 呢! 但有這樣的成果, 有些老師和同學仔真是功不可沒的! 多謝您們的努力和付出, 實在感恩!

其實趁這時刻, 想回答我近來看到 Kingdom 家長的問題...我身為舊生 Daddy, 真係有感而發。。。
陳小由一開校(1973年2月), 已經是一間男女校的小學, 學生是男的較多(因有CSK書院聯繫), 而陳中「陳瑞祺(喇沙)書院」就一直都是男校。所以女同學一向都係無聯繫的着數, 本人的妹妹一樣無得留低。但以前中文名稱「陳瑞祺小學」， 只有英文才 show 「Chan Sui Ki (La Salle) Primary School」，但由新校舎開始, 中英文都已稱為「陳瑞祺(喇沙)小學」, 我見之前有d人在網指我哋扮係喇沙, 其實我們同屬一個喇沙會, 何須扮呢? 無此必要, 咁無聊。

校風嚴謹係由我小時到現在, 一直都冇變過 (因以前空地佔的石地較多, 又吾係運動會, 更加吾準跑啦 ), 我覺得相比我細過以前, 現在不之幾鬆添。在何文田長大的人一向都知, 陳小出名功課比較多, 相比我細過以前, 現在一樣已經不算了。因為d 家長成日投訴, 點敢多吖!

由我哋細細個, 已經街知巷聞, 最愛把陳小、當年的基浩、甚至乎愛民村領島相比較! 依家就與農官、紅馬、合一、獻主會等比較。其實, 這是不公平的。如同姓氏一樣, 邊有話姓咩勁d 呢? 有無話, 邊間銀行就係最好呢! 有無話, 好似我老婆d護膚品一定某品牌最好一樣, 啱佢又未必啱我....即係話, 其實真係好視乎用家的需要, 網絡上的傳聞, 真的不能盡信, 人哋話好, 亦不一定合自己。要用自己清晰的頭腦和細心地用眼睛觀察, 才是最精明的。

我們每個人, 都有機會犯錯的時候, 更有很多進步空間, 每所學校都係一樣, 最重要係如知道問題的所在, 繼而懂得改進及摌除漏習, 慢慢便能進步及改善!  亦要我們用家的合作, 有問題直接問校方是最清楚, 亦不要估估吓。我成日返工前揍小朋友就問, 自己係聽得最清楚的!

早前睇到學校所發出的通告, 新一任的校長, 不論是她的學歷和經驗都咁強, 我希望她能繼續 keep 住陳小啦, 家長和學校這樣都能 win win situation. 就是大家所願了!

有感而發...共勉之!

welcomewoe

csk家長jj

原帖由 Cookeryman 於 13-07-11 發表
今日, 卒之可以回答 Baby Kingdom 的問題了, 昨日陳小的升中派位, 結果是比近年還要好, 派首志願和滿意度,  ...

請問你是應屆小六家長嗎?今年升中派位的成績有公佈未呢?想知近屆之冠即是幾多%英中呢?thx

loklok0104

Cookeryman 發表於 13-7-11 04:19
今日, 卒之可以回答 Baby Kingdom 的問題了, 昨日陳小的升中派位, 結果是比近年還要好, 派首志願和滿意度,  ...

謝謝你的分享

Cookeryman

我係六年級家長，正式數字我真的不清楚，但今年有很多派去華芵丶旅港丶丘中丶陳中丶九華丶St. Joseph丶民生丶Maryknoll丶喇沙丶真光。。。好似有七十幾人，其實真的很不錯哦！什麽學校都係有好或不好，好視乎同學自己本身的動力！真係吾可以用名牌效應來判斷的！

wensi

Cookeryman 發表於 13-7-12 19:50
我係六年級家長，正式數字我真的不清楚，但今年有很多派去華芵丶旅港丶丘中丶陳中丶九華丶St. Joseph丶民生 ...

應該會有增加, 因為有同學仔叩門.

這六年我好滿意學校.

beyondcontrol

原帖由 Cookeryman 於 13-07-11 發表
今日, 卒之可以回答 Baby Kingdom 的問題了, 昨日陳小的升中派位, 結果是比近年還要好, 派首志願和滿意度,  ...

我是何文田人，你提到的小学我好有共鳴呢，當年我是讀基浩的，試過考陳瑞棋小一筆試，對我一個聖心幼稚園的学生而言，很深呢! 當年的陳瑞棋亦出名課程深，村內很有名呢! 我是k1家長，想問陳瑞棋是否還有當年水準呢？

townok

同感. 陳瑞祺(喇沙)小學絶對是一間好學校.好多人想入都未必抽中, 附近喇沙,培正更出名,想入名校的家長可以去試下.

Cookeryman

Re : beyondcontrol
我都係聖心幼稚園喎。

想起當年, 陳瑞棋真係出名比同村嘅課程深的! 但依家真的不能與當年相比 :

1. 以前是上丶下午班, 現在是全日際；
2. 我哋以前家景窮、家長大部份都不能提供樂器培訓。但現在全港九的小學都要實行一生一體藝。依家嘅家長, 就算幾貴都要學一種樂器。
3. 以前只要讀熟背熟便 ok, 但就算現在你讀熟所有課文, 都可能只可以得到合格或60丶70分, 因為大概有30%的係課外(閱讀理解等)。 而且, 還要答中要點才俾分。
4. 所以我都覺得, 現在嘅香港教育, 同學是要面對十分大的壓力, 不是獨立/個別學校的問題, 而是成個教育制度及大趨勢做成。攪到 d 小學生個個好似上班一族般, 返完全日, 放學要去補習班，星期六丶日要學多樣課外活動……

我個人真係不敢講, 陳瑞棋是否還有當年水準, 只係家長自己想要仔女得到是什麼?  

共勉之......

燁燁媽

原帖由 Cookeryman 於 13-08-19 發表
Re : beyondcontrol
我都係聖心幼稚園喎。

都有同感！
一體一藝其實有幾多小朋友可以做到？
十個小朋友九個都有學彈琪書畫， 幾多個家長小朋友去到呈分還能堅持下去的？
全日班害苦了兒女！
一體一藝更加害苦了爸媽！

燁燁媽

原帖由 燁燁媽 於 13-08-19 發表
都有同感！
一體一藝其實有幾多小朋友可以做到？
十個小朋友九個都有學彈琪書畫， 幾多個家長小朋友去到呈 ...

不過， 好彩我們學校係無強迫性！
都係自願性一生一體藝！

我仔在學校都是學習得開心！

最喜歡黃sir教數學有趣！

我兒由小一開始亦得到很多老師照顧！

來緊走了一個（我兒畢業）， 但又入一個(細女）希望新校長再為我們帶來新動力！
讓陳小的愛繼續傳下去！

whychan777

Thank you for your sharing.........

dianachau

我仔今年小四，老師都是有遠見又懂教書既好老師。以一間津貼學校來看，陳小實在令我喜出望外。作為一個私小畢業的家長，本校程度實在不深，但合理。最欣賞學校沒有強迫學生＂周身刀＂，讓學生能夠有點空閑時間發發白日夢，有助心智發展

OMGWTF

其實宜家既陳小冇以前甘勁，聽d老師講，以前最差班同宜家既叻班有得比。

燁燁媽

我不覺得！
今年小一比六年前的小一程度深左好多！
今年小一英文加了phonics, 中文多了閱讀理解， 數學多了文字題
我女初上小一， 認字不多， 但現在半年下來， 我女認多了很多中文字！

siuyan1212

會否因為現在有很多直資私校，勁人已去那裡,所以跟從往是有所不同時?

OMGWTF

原帖由 siuyan1212 於 14-01-16 發表
會否因為現在有很多直資私校，勁人已去那裡,所以跟從往是有所不同時?



  ...

其實我認為陳小叻既勁既band1大有人在,麻麻地既band2一定有,5讀書既band3都會有。陳小一向都係當d學生係band1甘教，不過d人5溫書上堂係到訓教就米講啦

kit816

原帖由 燁燁媽 於 13-08-19 發表
都有同感！
一體一藝其實有幾多小朋友可以做到？
十個小朋友九個都有學彈琪書畫， 幾多個家長小朋友去到呈 ...

估唔到有幾位和我當年一樣都是讀聖心。而我都係CSK 舊生

joemyt

我都係聖心 + 陳瑞祺 !!!!  

Cookeryman

好耐冇上 baby, 真開心有咁多聖心幼稚園和 cskps 嘅舊生, 大家好!