沙田林裘謀及培英

winniekws

那一間比較好呢？

jennyjenny

培英

htts

jennyjenny 發表於 13-7-10 09:10
培英

Yes, I like this school.

grace_xian

我聽人講培英好谷, 校長話中意俾多啲嘢俾學生做

我有朋友嗰囡完全沒有娛樂

sadsam

培 英~

genpub

LKM is better I think

winniekws

原帖由 grace_xian 於 13-07-10 發表
我聽人講培英好谷, 校長話中意俾多啲嘢俾學生做

我有朋友嗰囡完全沒有娛樂 ...

咁讀培英是不是很辛苦呢？

grace_xian

winniekws 發表於 13-7-10 11:33
咁讀培英是不是很辛苦呢？

我諗好個人化, 想當初朋友囡囡也是好好成績入到, 不過真的讀得好辛苦,

但如果小朋友能力足夠也無乜問題

cobilau

睇你想要咩,水平就係培英高d

csy_ma

grace_xian 發表於 13-7-10 09:19
我聽人講培英好谷, 校長話中意俾多啲嘢俾學生做

我有朋友嗰囡完全沒有娛樂 ...

Grace_Xian：

沙培既情況比較特別：S1, S2/3會實行中英數分組教學（高中都有，好似係中英通識？），唔同既老師會有唔同既功課量，就算係同班，唔同組合既同學功課量都相距甚遠，加上同學對功課認真程度又唔同，所以不能一概而論。

我囡讀S1，佢好多時返屋企就瞓，瞓到七八點至起床做功課，連食飯梳洗同玩，通常十一點前就瞓到。有時好攰（佢踏入咗青春期好似要瞓好多？唔好意思！我信命，佢少年運由「帝旺」轉到忌入少年運既「衰」，所以精神同身體都幾明顯轉差），食完下午茶返屋企，假如冇乜功課既話，會瞓到第二朝四五點或五六點，視乎功課而定。

教我囡既數學老師，係容許學生如果明，可以響課堂上做功課，功課亦唔多，一般在白天已完成。佢中文既阿Sir要教高中考試班，之前都唔多功課，後來至俾多咗練習同作文佢地做。英文，老師自設既工作紙都多，但每日都係一兩頁，不難做。至於其他學科，真係唔見有太多常規功課？？

我囡懶，平常不溫習，試前來不及溫，測考成績不怎麼樣，所以比較輕鬆。但聽同班家長，佢地既子女確有晚晚九十點仲趕緊功課既。佢地有d可能係好認真咁做，有d可能係幾唔專心咁做（我囡班上既whats app，一晚閒閒地兩三百個訊息，都唔知d同學點解咁得閒用電話寫字傾偈），不大清楚。亦有同學成日寫小說或文章，放上沙培網上，可見，忙於做功課既未必係多數。

沙培係有好多野做，但d野相對黎講冇咁死板，阿囡又好樂於投入時間去完成。例如，沙培各科都有個人同小組既匯報presentation既功課，因為要響人前報告，阿囡唔想衰，事前搜集資料同做PPT，往往花好多時間。又例如小組寫劇本或寫小說咁，因為有對比心理，見隔鄰組寫三千字（規定係最少寫四百），自己都寫二千啦，結果，鄰組四千交貨，佢地都成三千，就算一人寫一部分，幾個來回，都幾花時間吓。寫完，仲要互評，我囡試過抄其他組果篇成四千字既小說、成段成段咁放在google翻譯上看中文，結果仲難明，惟有睇番英文黎評。

其實，小組功課都幾花時間。有次揀歌填詞，同組人不斷唔滿意阿囡揀既歌，阿囡又唔介意，不斷搵，連行路都諗點填詞……呢d咪製造咗個幾好既英文語境囉，所以雖然上到中學，我囡唔再成日翻佢既各種公主系列英文小說，轉睇中文書，但英文成績都係未致退步咗好多。

不過，我都懷疑，我囡比較得閒，係因為佢比較懶，唔係好溫書既關係？升上中學咁多科，每科若課前預習課後溫習，都應該好花時間。阿囡當初棄葵青區揀入培英，就係唔想太谷。阿囡參觀時見到一個小學師兄，話初中非常＂他條＂，又易攞好成績，佢先至好想入黎。入黎後，都覺其實冇師兄口中咁得閒，但因果d匯報功課都係阿囡鍾意做既，所以都冇咩投訴。

其實，花幾多時間去做功課，真係好睇一個個人。佢有個小學同學，原本已在級十名內，自行入到葵青既安柱，但發覺追唔上（意思可能係唔能夠像小學般入級十名），決定每日花八九個鐘黎KO學業，結果係仲做得到！！（以上係阿囡既小學老師轉述呢位同學回母校分享既發言）但之前我都撞到另一位入咗安柱小朋友既家長（以前大概級廿名內），家長卻話除初段較多功課外，中段已OK，在安柱課後果個零鐘溫習時段後，已搞掂七七八八既功課，回家就較輕鬆了……真係好睇每個學生既底子、做功課既集中度，同對自己既要求。

我在家長聚會分享女兒在學感受時，都提過原來沙培冇我地當初想像咁輕鬆，校長聽到，確實有講過如果而家太輕鬆，日後會後悔之類既話……我都相信一分耕耘，一分收穫，阿囡技不如人，都係因為佢多數時間都hea。但沙培既教法似乎已較一般學校活，而且小組教學，仲用最好既老師教補底班……我收貨囉！

grace_xian

csy_ma 發表於 13-7-10 11:54
Grace_Xian：

沙培既情況比較特別：S1, S2/3會實行中英數分組教學（高中都有，好似係中英通識？），唔同 ...

多謝你的一番說話可令到其他媽咪可以更了解沙培,

我上面都有提到讀得辛苦同唔辛苦真係好個人化, 真係讀到架,就唔覺得辛苦,

我朋友囡囡應讀中四了, 所以學業較重掛

winniekws

原帖由 winniekws 於 13-07-10 發表
那一間比較好呢？

謝謝你們！