荔天,原來「你」是這樣的

cellon

daphneleung 發表於 13-7-3 17:04
事緣今天致電荔天表示小朋友另有學校不去就讀,因要返工緣故,看看可否星期六(無指定那一星期六)去取回註冊証,點知未講完,負責處理的同事(相信應是校長口中的林主任)就話 (有點呼喝語氣)「你聽我講先好唔好」,我呆一呆話好, 之後嗰位女士就斬釘截鐵表示「星期六唔得!我唔得閑,無人幫到你!」,並表示只可於星期一至五辦公時間到學校領取,於是我向佢表示唔好意思,我要返工,平日黎唔到,佢又問我係唔係去其他派位學校,我話唔係,佢再問我經乜途徑入學,我話統一派位,佢問咁有無朋友幫到我攞,我話無,佢再問我幾時可以攞返註冊証,我再話我平日黎唔到,再問可否星期六取,佢又再講佢呢個星期六唔得閑,於是我話我無要求呢個星期六取,佢再叫我(係命令式)先寫封信fax俾佢地做野先,到呢個時候我就問點解我要跟足佢講去做？我由頭到尾都無話一定要黎緊星期六攞,點解佢唔可以態度好啲同我傾下第二個星期六攞？於是呢位小姐就講咗好多次「對唔住囉」「對唔住啦」,我話可唔可以唔好「囉」同「啦」,我再講我唔係打電話黎要聽你講「對唔住」,我話我原意係想盡早通知你地學校安排通知其他學生,佢再話只係想幫我(幫我乜？),我話只係一件咁簡單既事,點解可以咁差態度去處理？係咪係唔讀就唔駛理會我感受？於是我問有無其他人可以幫我？佢話好呀,hold咗我一陣,最後cut埋線,我唯有再打去學校,已經好克制(自問都唔係一個好脾氣既人)好有禮同校長反映(對話主要內容與上重覆,不再多寫),但校長態度冷淡,唔算有禮,亦非無禮,只解釋因黎緊星期六小一迎新,嗰位女同事唔得閑,我再講可以安排任何一個星期六,但校長只話唔緊要,黎囉,問咗我幾點會去,就想打法我收線,完全無打算要同我傾下嗰位女士既態度,我見校長咁既態度,我亦唔想再浪費時間便收線,我知荔天喺40網深受愛戴,我對此學校亦無任何褒貶之意,但對該女士及校長處理手法實不敢恭維!!

「可以星期一至五辦公時間到學校領取嗎?」
－－我要返工，只可以星期六！

「可以叫朋友幫你攞嗎?」
－－無！

「可以先寫封信fax俾我地做野先嗎?」
－－點解我要跟足你講去做？

「對唔住囉...對唔住啦」
－－我唔係打電話黎要聽你講「對唔住」！

校長：「唔緊要，黎囉，你幾點會黎呢？」
－－你想打法我收線！完全無打算要同我傾下嗰位女士既態度！收線！

karen55407

依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒！

baba3506

現在香港社會嘈嘈敝，就是缺乏了同理心，個人利益大於一切，不去思考自己的行為或要求有否影響他人。
妳有情緒，他人也有情緒，當人家提議方法，妳又不去遷就，當人家不耐煩，妳又說人家態度不好，當人家說對不起時，妳又說人家用"囉"而不滿。其實妳付出咗什麼，要人家恭恭敬敬？人家提出平日做，或Fax，或找代表，而妳只要人家星期六，試問誰在雕難對方？唉，不如樓主同她換換角色，思考當妳遇到這情況，妳如何合理處理？

cellon

karen55407 發表於 13-7-3 22:36
依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒！.

大錯特錯！

1. 不應送到公司，很明顯，樓主應該是一個公主，應該送到公主的堡壘。

2. 如果只係送註冊證到堡壘，明顯毫無誠意，只想打法公主收聲，完全無打算要傾下嗰位女士同校長既態度！校長應該親身押同嗰位女士，肉袒負荊， 至堡壘謝罪。

cautionchan

原帖由 karen55407 於 13-07-03 發表
我的學生家長，原來「你」是這樣的！

我想樓主就來delete title ! 估唔到唱人變唱自己！

lawsonmoon

cautionchan 發表於 13-7-3 23:34
我想樓主就來delete title ! 估唔到唱人變唱自己！

之前有報章報導有港人投訴海洋公園企鵝館冷氣太凍,我以為係作新聞；依家,我傾向相信係事實。

karen55407

投訴咗可能海洋公園將企鵝館轉營駱駝館呢！

siuyan1212

如果荔天是電訊公司，林主任係客戶主任，校長係客戶經理，你係消費者，可能好多人會幫您!

高齡牛師奶

我是過來人。
我于2 星期前放了荔天。

聴電話那職員十分有禮，亦有表明要12：00 前到，因她放lunch

之後因為我自己安排不到，我再call ，另一位 ee 聴，說1：00 也ok

之後Hubby take taxi 去 . 但12：45 到了，那個 staff 去了lunch. 最後拎唔到。因為趕上班。
我唯有叫老爺2：00 再幫我取。我1：30 再打去問多次，2：00 ok 嗎，那職員午飯回來了，我說： Aiyo ! 又說1：00 可以，我白行了啦！

她： 我說了我12：00 會去lunch 啦！
我： 我之後有問，1：00 可以嗎，有個ee say ok 嘛。
她： 她不太了解的，你第一次是問我嘛。
我： 哦！明白，咁，我叫老爺2：00 到。
她： 你叩門定抽籤入？如叩入，可以拎埋張reciept , 我退回書簿費給你。
我： 叩的，多謝曬！

之前叩入成功那天，已經一早表明不會退 $$$

但荔天很有良心。我實在有愧，並且，只可以說，整個面試過程，她們以學生為本，老師及上下職員很有愛心！我們也很不捨得放荔天的！

Sorry ! 我不認為你有心放位。有心放唔係用這方式，亦不會拖到7／3 才放。

如果你叩到津校我可理解你不是有心 hold. 只是我們思想上有點文化差異而已。

高齡牛師奶

我強調一點，我們不是因為荔天退 $$ 便光說她有多好。

她們面試日及多次電話溝通，令家長感覺良好。有禮！ nice ! 好到不得了！10000000000 讚！

Jane1983

siuyan1212 發表於 13-7-3 23:52
如果荔天是電訊公司，林主任係客戶主任，校長係客戶經理，你係消費者，可能好多人會幫您!



  ...

一般人，對方道歉，已經收貨。
樓主咬住吾放，投訴到校長，仲吾忿氣。

要開名上EK數學校，真係自暴其短！

jacobkit

睇哂咁多POST，我其實有D身同感受。

我在醫院工作，部份病人同家人想約見醫生覆診果D嘢時，都會係用呢種態度，就係要就哂佢，但現實真係安排唔到。就唔到就起勢起度大駡，有時我地都要CALL保安來。

真係要多D諗下人地的困難，香港人，太過自我，以為咩都係講服務，你係消費者，對方要以你為中心服務你。但係，學校公立醫院呢D唔係商業機構，現在唔係要賣服務俾你。

ballmini

可能主任說話和EQ真的有点問題，但樓主的EQ比主任更下一層樓！

teresayc

原帖由 familyhei 於 13-07-03 發表
十分讚同。呢個年代，父母已經當學校變成消費場所了，以用家自居，學校是提供服務的地方。久而久之，學子已 ...

一百萬個認同！代老師們給你一百萬個Like!

hadwinboy

原帖由 Charlotte_mom 於 13-07-03 發表
拿, 平心而論, 職員無講過星期六唔駛返, 樓主亦無堅持話一定要星期六wor
如果星期六唔駛返, 職員講句我地星 ...

我睇到呢度，都想講你講的說話，個女士由頭到尾都沒有表明學校星期六不辦公，只是說「我呢個星期六唔得閒，冇人幫到你!」旁觀者，我覺得她態度語氣很有問題! 同一句說話，attitude makes the difference. 對唔住同「對唔住囉」會有分別. 我不知荔天是什麼學校，不過我去年接觸過八、九間直資私小的辦公室，包括放位詢問，都沒有遇到這種語氣...

嗅頭豬

原帖由 cautionchan 於 13-07-03 發表
我想樓主就來delete title ! 估唔到唱人變唱自己！

面就人哋俾, 架就……………。荔天就甩難啦, 但方圓五公里範圍內其他學校就

hadwinboy

原帖由 karen55407 於 13-07-03 發表
依家好多老師都係EK嘅擁躉，話唔定聽朝一早林主任會將樓主嘅註冊証親身送到樓主公司，咁就乜嘢問題都解決晒 ...

同一個 post 短短時間你都回應了4、5次，真的這麼大件事值得你去啄住人不放嗎? 似乎是你要冷靜點了.

Jessy

但或者林主任都很想樓主快快取回註冊證，讓學校可收其他人。

樓主唔急姐，但等位的人好急呢！

Ben2003

cellon 發表於 13-7-3 22:58
大錯特錯！

大錯特錯！

1. 不應送到公司，很明顯，樓主應該是一個公主，應該送到公主的堡壘。

2. 如果只係送註冊證到堡壘，明顯毫無誠意，只想打法公主收聲，完全無打算要傾下主任同校長既態度！校長應該親身押同林主任，肉袒負荊， 至堡壘謝罪。

3. 校長和林主任還要在全港各大報章頭版刊登道歉啟示，讓公主的怒氣消減！

4. 最好校長和林主任自拍道歉短片放上 Youtube，事件必可和氣收場，否則沒完沒了！走著瞧！！