K1或PN?

JH_Mama

我小朋友係2010年細仔，手頭有LH PN AM offer. 今日下晝學校打嚟話之前waitlist K1有位（因為小朋友PN同K1都有考），係PM英普班。聽日就要覆要唔要個offer.

屋企人意見兩極，一邊話PM class時間唔好用，如果K1細仔跟唔上，佢有挫敗感，出年repeat，讀返相似嘅嘢佢會悶。

另一邊覺得不妨俾佢試吓，話PM class啲時間都可以好好用。而且又係英普班。

好想請教細b媽媽們，細仔讀K1會唔會跟得好辛苦？Repeat K1係咪令個小朋友會悶？

另外，想問吓讀PM class啲時間係咪真係咁唔好用？

最後想請教大家，以細仔考直資小學會唔會差啲，因為學校情願收大仔？

先多謝大家意見！

honey6334

我囝囝都係2010細b,  如果我係妳，我一定俾囝囝讀k1, 如果係同一學校嘅話， 因為學校都收佢讀k, 俾機會佢讀，點解妳會對自己囝囝無信心呢，妳又知佢讀唔到，就算真係跟唔上，咪repeat 一年， 問題不大喎，仲有一樣就係起碼出年唔洗再in k 啦

immama

我仔都係2010細仔，放了LH PN am offer, 讀另一間K1 am, 因為我想阿仔早D學K1野，PN只會教排隊，自理，守秩序，常識，少D學術野教，repeat K1 當比多一年錢train 讀書寫字，打好底，3萬元一年學費repeat PN 好似唔係幾值得, 不過如果你小朋友冇讀過PN，我就覺得讀一年學群體生話兼變大B係值得

JH_Mama

小朋友冇讀PN，因為佢係超細b，冇學校肯收。所以如果今年讀PN都唔係repeat，出年直升原校K1就可以嘞。
只係諗係咪應該俾佢試吓做細仔。但今年考K1佢唔係waitlisted就係rejected，好怕考小一時學校都係情願收大仔先。

immama

我覺得如果間學校本身有PN，也要考慮小朋友適應融入問題

mandytanghk

回復 JH_Mama 的帖子

我諗人人唔同, 你比較清楚小朋友, 如佢大小肌肉好嗎 , 學野快嗎 ? 如果覺得可以, 咁可以讀k1, 但如果大小肌肉較差, 咁pn 可能好啲, 因為佢會見好多同學做到佢做唔到, 影響自信心.  仲有, 如果小朋友係比較開心B, 自信心好的, 都可以讀K1,  相反比較內向同多野諗的小朋友, 我估PN 好啲.

以家長角度, 其實讀多一年, 係佢人生既讀書生涯, 冇咩大不了.

mandytanghk

回復 mandytanghk 的帖子

我小朋友細囝來的, 佢學術OK, 但自信心不足, 我估係因為佢大小肌肉不是太好,動作冇其他小朋友做得咁好.