小一時間分配 (請有經驗的媽媽弟享下)

細細粒媽咪

大家好, 小女今年就要升小學了, 想聽下大家既時間分配, 因我是working mama, 開頭都想試下不補習可不可以.  請大家給點意見我可怎樣安排時間.

女女放學3.15, 回到婆婆家 3.45p.m
吃晚飯時間約7.00 p.m
由婆婆家回我家約要30 min, (已計等車時間)
我放工回到家約7.30 p.m

如我的時間表如下可以嗎?

3.45 - 4.15 pm---> 女女回來休息一下
4.15 - 5.45--> 做功課.
5.45 - 6.15  --> 沖涼.
6.15-7.00 --> 休息一下.
7.00-7.30 --> 吃飯.
7.30-8.00 --> 坐車回家.
8.00 - 8.30 --> 我看功課.
8.30-9.15 --> 溫,下習, 看下圖書.
9.15 --> SLEEPING,

其實我真是粗略估計, 以上時間表可行嗎?? 因為其他如有有默書測驗時, 真是不知時間怎樣安排, 大家可否給我一點意見?
有經驗的媽媽請分享下.

kp_sin2001

如果你個女係快手和肯做功課既人, 應該係無問題, 但9:15分比較趕了, 一星期默兩次書, 又要做功課, 完全明白就不用父母煩啦..自問我個仔係快手之人, 功課不用一小時可完成, 八點開始温習, 如無問題九點搞掂, 之後執書包, 刷牙等等, 都要最快九點半才可上床

momama

半個鐘食完就即搭車走都幾辛苦！默書測驗最好星期六日搞掂，每日做得完d功課已好好，夜晚一齊休息吓！

雪雪媽

回復 細細粒媽咪 的帖子

學校可能因鼓勵一體一藝，安排放學後的課外活動（比坊間平好多），所以要預留一D時間，小一生可以多嘗試。
得嗰6歲人仔，仲好鍾意玩，樓主大可將飯前休息時間定位為＂玩耍/自由活動時間＂，令小朋友有更強動機完成功課。

hoihoima

回復 細細粒媽咪 的帖子

Shower should be finished within 10 min.  Don't let children waste water.

kaychu

我個女既schedule都係差唔多（今年升小二），其實ok 架，不過你預埋拖下時間，傾下，意外等，佢大約會10先可以瞓。一定比幼稚園瞓得少架喇！
同埋好睇佢自我控制能力，會唔會專心做功課，會唔會自己溫定考試默書先，慳好多時間

Haz-mama

囡囡每日都有6-7樣功課, 平均約1.5小時完成, 因為中文閱讀理解對她來說比較難, 所以要花多些時間做, 我也是在職媽媽, 放工回家check功課都要1小時, 有時要10點前才睡覺...

candytsy

我囡一定唔得,佢唔使坐車,每晚都成10.30-11.00才有得瞓,她平日1-4大約有十樣功課左右,另外還有中英數網上功課,又有課外活動,又要温書每周中文同英文,完成所有野都十點半.

marcuscyrus

細細粒媽咪 發表於 13-6-27 15:43
大家好, 小女今年就要升小學了, 想聽下大家既時間分配, 因我是working mama, 開頭都想試下不補習可不可以.  ...

我唔知行唔行得通(因唔知婆婆家有冇其他因素影響)，如果是我，可能會這樣3:45-4:15       休息/茶點
4:15-5:45       功課
5:45-6:15       叫女女自己溫習(最簡單，所有當天教過o既課文朗讀3次，加深記憶)
6:15-6:45       沖涼
6:45-7:30       晚飯
7:30-8:30       對功課+溫緊急野，有時間才同女女go through一次佢自己溫左的
8:30-9:00       回程

不過還未計其他課外活動，學校有冇功課堂?測驗考試可能媽媽要請半天假會好d啦。
另外，開學初期如果可以放幾日假訓練下女自己點樣對齊家課，咁可以減少你7:30-8:30的時間。
加油~~~~

kwan1981

我冇定時間表，總之返到來就食小小野，跟住做功課、做完沖涼、自由時間、食飯、溫書，9點左右上床訓覺

細細粒媽咪

謝謝, 請問marcuscyrus, 有默書時怎樣安排?

瑩瑩老豆

細細粒媽咪 發表於 13-6-27 15:43
大家好, 小女今年就要升小學了, 想聽下大家既時間分配, 因我是working mama, 開頭都想試下不補習可不可以.  ...

跟我囡差不多, 但晚上看功課+溫習=1小時, 半小時玩或睇TV, 9:30-9:45 睡