比好朋友批評自己喜歡既學校好唔開心

chunchungirl

今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢選擇比佢仔的係最好個間，但我覺得好既小學就係最適合你小朋友的小學，這句是校長講的，我非常同意，因我選的雖然好多功課但好有愛心好有辦學精神的小學，而佢就只同意好嚴而中學派得好既小學，但我真係唔開心點解要批評別人揀的，自己揀既就最好，人地揀既就有問題，我話簡介會校長好有heart令我好感動，但朋友又話咩學校講一套做一套叫我唔好信，又話我個間近幾年先有多人揀，但我上網查過，好多年都一直好受歡迎，聽到佢既批評好hurt

angie0828

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

你朋友只不過係唔成熟，何需介懷，如果係你老公係咁冧就話啫，無最好的學校，只有最適合你小朋友的學校！

Bluegene

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

每人認知都唔同，好難話乜野決定係最好。總之自己當時決定有深思過就得。你或你朋友永遠唔會攞到全世界的資料再作诀定。面對學校資料，各人有不同分析同睇法，所以没有最佳答案，只有一個自覺啱的答案。

chunchungirl

多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔適合佢仔讀過間，我喜歡同適合我仔既學校，正如校長講既，就係除了用功讀書要著重生命教育價值觀既學校

cutienat

有啲識得尊重別人嘅選擇有啲唔識，既然大家各取所需，又何必太在意佢點睇呢？

LOVELY-BABE

原帖由 chunchungirl 於 13-06-22 發表
多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔 ...

我中頭獎，個個爭入的dream school,都比人話我間學校唔掂啦！不過我明，吃不到的葡萄是酸的，又管她說什麼！

happyty

相信自己

GIPW

Yes. 你幫小朋友選的是最好.  我本人覺得學校只是一部份 , 家庭教育很重要.  末來小朋友的路還很長.  別譲別人主導了你

dlee_ca

好簡單，這不是您的好朋友。

angela1229

最討厭就是那些看不起人的人，只要自己認為適合便夠了，唔係讀神級學校先會出人頭地，D朋友親 戚問起我都懶得講，費事煩，反正阿仔先最重要！加油

matthew_mama

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

別不高興、因你已經為小朋友安排最合適最好適的!
開閞心心盈暑假!!!!

familyhei

何須介懷呢！最重要是對自己有信心。其他人既言語，聽下咪算。

Bluegene

chunchungirl 發表於 13-6-22 19:01
多謝你們意見，好同意，只不過我從來對朋友好包容，但今日當佢講得太激進時，我一反常態駁返佢，亦話我仔唔 ...

一講到小朋友的事，如入學、學業及前程，好多人會好肉緊，流(牙)血亦流淚，失去理智，所以激進都好正常，你當佢第二個人都得。

goodparents

回復 Bluegene 的帖子

十分同意, 講到小朋友的學業/行為問題, 唔好話朋友, 連親戚都無得做呀!!!! 慎之, 慎之。

ferrari2007

我只覺得你朋友好無修養,踩低人地抬高自己有乜意思?仲話係好朋友,如果我係你我會費事睬佢,大家價值觀唔同,我唔會同佢再研究呢個話題!
take it easy

twcheung

原帖由 ferrari2007 於 13-06-22 發表
我只覺得你朋友好無修養,踩低人地抬高自己有乜意思?仲話係好朋友,如果我係你我會費事睬佢,大家價值觀唔同, ...

無需介意，自己喜歡梗有原因，各有所需。

teambuilder

你朋友可能係啱，也可能係錯，當幾年過去，你就知道你有冇幫你個仔揀錯。你是否對自己揀的無信心所以唔開心呢？你選這校一定有你原因吧，況且而家競爭咁大唔係話想讀邊間就邊間。俾番d信心自己，試著去欣賞下你朋友介紹果間學校，你可能發現佢講果間真係唔錯呢？不過總會有些地方係不及你揀果間吧？例如近屋企，細校可集中資源，無咁多功課，個website靚d，甚至乎係d老師靚d都可以係你喜歡的理由！

lazyqueen80

原帖由 chunchungirl 於 13-06-22 發表
今日同好朋友食野，講開小學，我其實好感恩我仔可以入到第一志願小學，但好友一直唔認為我揀的好，只認為佢 ...

不需理會，由小朋友未出世已開始好多三姑六婆話點點點生仔，點點點教仔，有人鍾意打仔有人鍾意同仔講道理，通常呢D人同佢講：「係你個仔果間學校最好，你個仔叻呀馬！」佢只想聽呢向，你講你間學校有幾好佢聽唔入耳。

ferrari2007

twcheung 發表於 13-6-22 22:26
無需介意，自己喜歡梗有原因，各有所需。

無錯,無需上心

happy_lavender

信自己分析，只有你才清楚孩子要什麼，對嗎？其他路人甲乙丙(包括我)的意見，其實可以不用理會。