SC (am) or LH (am)

volar

2間路程差不多，好苦惱，應該點揀？

pretty_alien

SC for sure

supermom1

兩間都有人揀！快d决定那

lyhv

LH am 就永遠都會係am，除非自己要求轉，SC K2 係 pm，諗下到時湊會唔會唔方便

teambuilder

如target 一線學校, 一定係SC...

dwkw333

不如你唸下target邊D小學先啦...

volar

dwkw333 發表於 13-6-19 13:45
不如你唸下target邊D小學先啦...

如果想讀 CKY, TSL, APS 呢?

sbux

原帖由 volar 於 13-06-19 發表
如果想讀 CKY, TSL, APS 呢?

其實你可以上LH網睇考小一結果

dwkw333

原帖由 volar 於 13-06-19 發表
如果想讀 CKY, TSL, APS 呢?

咁兩間是但一間都ok。

el123

SC 已愈來愈商業化，而且硬件軟件多年冇革新，不進則退，令人失望！

volar

el123 發表於 13-6-19 20:59
SC 已愈來愈商業化，而且硬件軟件多年冇革新，不進則退，令人失望！

點樣為之愈來愈商業化？ 你小朋友讀SC嗎？ 可唔可以分享多D令你失望的原因嗎？

ddbjan

我都想知可否分享下 如果SC唔好我考慮轉啦

el123

除左每年兩次雜費，還有很多要另外開支票俾錢活動，例如影班相，表現和錄影費用，EVI(這個以我所知很多有學卷的學校都不用另收，包在學費內），每樣幾百蚊，又唔想唔俾因為唔想自己小朋友冇份參與。好老實，我寧願你一次過雜費收曬，好過成日要家長另外開票，感覺麻煩。
茶點要自備，非常頭痕，每日要安排。
英文堂時間每日只有二十分鐘，比預期中少好多。
設施頗舊，感覺多年沒翻新。
學費校車費非平，加幅高於通脹很多很多。以前收十期學費，大幅加價之後分十一期交。
學生人數太多，只有班主任會認識你小朋友，小朋友肯定少了歸屬感。

總括SC肯定不是一家差的學校，但以每年收$4x,xxx學費，我覺得可以辦得更好更貼心。都係個句，不進則退。

以上純粹個人意見，不喜勿插。

dwkw333

原帖由 el123 於 13-06-20 發表
除左每年兩次雜費，還有很多要另外開支票俾錢活動，例如影班相，表現和錄影費用，EVI(這個以我所知很多有學 ...

多謝你的分享。每人的要求及期望在不同階段都不同。既然選了SC, 就讓你小明友愉快地在所學校成長吧。

Ryan_baba

el123 發表於 13-6-20 00:27
除左每年兩次雜費，還有很多要另外開支票俾錢活動，例如影班相，表現和錄影費用，EVI(這個以我所知很多有學 ...

有得比你揀又唔滿意，唔得比你揀又話搶錢，真難服侍。  

herman0114

原帖由 el123 於 13-06-20 發表
除左每年兩次雜費，還有很多要另外開支票俾錢活動，例如影班相，表現和錄影費用，EVI(這個以我所知很多有學 ...

相信這位家長應該有小朋友曾就讀SC, 若仍未轉校，建議盡快轉校，免得繼續痛苦。

小洪寶

點解英文每日只有20分鐘？但佢地英文又出名好ga wor

cycream

如果最主要concern考小學, 我會建議樓主揀LH, LH 3年雙班主任制, 對考小一支援好多, 比起SC真係優勝好多.  

我自己係SC家長, 係BK 見好多人讚LH, 好少聽到人彈LH, 相反越來越多人彈SC. 我自己都會諗下SC係唔係咁差?

LH好aggressive地improve課程, 學校好大力支援考小一, 相對SC真係好保守, 但係如果係SC家長,你會知道SC都係改深緊課程, 我仔k2今個星期學校都有mock interview俾佢地, 我會認為SC係有改進, 不過唔係aggressive而已. 我同我仔同學d家長, 鍾意SC就係佢唔谷, 小朋友可以開心上學, 活動式教法去訓練小朋友independent thinking, 自信, presentation skill... 如果SC改到d課程好好好谷, 反而唔係my cup of tea!

我自己小朋友由KM轉SC, 未入之前SC既唔好, 我都好清楚, 註冊日參觀校舍,校舍之殘都俾佢嚇一跳, 但好鍾意佢有露天playgroup, 學校都係乾乾淨淨.  茶點好多kg都係自己帶, 反而好少學校提供, 我小朋友都係簡單帶d生果, 餅干, 唔駛花巧. 至於SC大校唔會好似KM細校咁, 老師校工都識小朋友個名, 呢一點before入SC已知, 咁SC咁多人係無可能會識晒d人名, 入前真係要adjust 自己既心態. 我仔仔除咗class teacher, 助教老師, 英文老師同washroom 阿姐, 返學當值幫手接學生既老師們都識仔仔個名, 可能我仔仔多口, 識多好多老師.

活動, 影相等全部optional, k1 fun day dvd係可以唔買, 你自己拍咗留念就ok, 我就唔覺係商業化.   k1 3千到尾, k2, k3 4千頭都可以接受, 我地屋苑kg都4千幾, 果d我就認為唔值, 所以呢間kg只有n班多, k1 d人走晒.  

To be fair, SC真係有唔好, 但幾十年既名校, 今日俾彈到咁(另有post見到有人講" 靠學校死緊"), 見到都好sad.  我仔仔K2, 呢個星期開始interview小一, 我唔知佢會有咩學校收, 但係就算仔仔無小學收, 我都覺得我無為我仔揀錯SC.  

最後樓主小朋友咁叻, 2間個校都收, 相信去間, 小朋友都會好, 唔好相差太遠.  希望樓主可以快D揀到合適幼稚園,放出個位俾其他等緊既小朋友.  

teambuilder

我係路過既, 唔係SC 也不是LH家長, 如果俾我揀, 我會揀SC, 首先讀幼稚園我唔係要小朋友叻到識飛, 所以程度我唔太介意, 反而我著重校長network和朋輩. 如果冇network, 識飛都冇用. 事實上SC同CCKG關係不錯.

taktakchichi

el123 發表於 13-6-20 00:27
除左每年兩次雜費，還有很多要另外開支票俾錢活動，例如影班相，表現和錄影費用，EVI(這個以我所知很多有學 ...

我都係SC家長, 其實所有你講o既活動, 都唔係強迫要你參加.
我返而好欣賞SC影個D班相, 係影樓Style, 絶對即刻可以攞去做 Portfolio.
好多而家D區私校, 學費可能俾SC仲貴.

20分鐘英文堂係少咗D, 但亞仔係學校風氣推動下, 好主動去睇英文書同講英文.
除咗學術, SC有好多活動鼓勵/訓練學生個人表達技巧, 如校內朗誦/講故事比賽, 同學小組討論英文故事書內容, 不定期做一D專題研究, 仲有一年一次班際表現.

個人覺得, SC係依家D學校嚟講, 學術一定唔係最深個批, 但對小朋友的發展, 絶對是一個不錯的選擇