新手媽媽 多多指教 小朋友幾歲開始上興趣班

jvcfamily

回復 HiuPui313 的帖子

唔使理人地, 人地既未必一定岩你既...睇返自己小朋友性格, 如果怕羞, 想大膽的, 可以搵小司儀, 話劇等講野的興趣班..
另外畫畫, dancing, 選一, 2 樣, 因為8月都開學啦.始終細, 唔使同時學甘多樣...睇定的佢鐘唔鐘意. 鐘意既可考慮長期學. 唔鐘意真係唔好免強同晒錢...

LeeCC

3歲可上音樂班,跳舞班玩下
4歲可加畫班,合唱團或樂器

griffinma

原帖由 HiuPui313 於 13-06-28 發表
咁幾時上語文訓練班？

我仔仔三歲開始學英文拼音，但我覺得佢三歲半開始才開始有進步，三歲半前完全講唔到或表現到佢學左乜，好似有點浪費時間和金錢。不過，每個小朋友唔同，你可以試下上。
另外，我仔仔三歲開始學跳舞hip hot，學下聽指令，節拍，記舞步，我覺得是不錯既選擇

chanmendy

HiuPui313 發表於 13-6-18 13:28
新手媽媽 多多指教
想請問各位而家小朋友幾歲開始上興趣班？ 我睇過好多不同既課程 發覺其實有各有千秋 都 ...

分享啲心得比你...
我都是不太應同過份吹谷啲細路....
不過我都有比我個仔2.5歲開始上下啲興趣班....
原因為我仔冇細路妹...佢份人喜歡同小朋友一齊玩....
佢都好羡慕個d 有細路妹0既朋友仔....
所以我有同佢報d興趣班等佢除左學校以外都有多時間同其他小朋友玩....
我重點係興趣班而唔係學術班...不用佢評估,亦不盼求佢去考什麼級數....
只要佢開心 中意 我都會同佢報下 比佢試下...從中讓佢搵下自己0既興趣係咩...陪養興趣之餘又可以建立自信心....
上課餘班...並不代表一定是谷....只要睇下你點同佢揀....
我個人應為能比佢有空間發展同埋在一個不太大壓力的環境中學習....會對佢在校內學習都會有幫助.....至少佢不會抗拒學習..當然希望佢可以陪養自發性學習就仲好la....
不用看別人點諗...適合個小朋友就得....大家努力ar....

Obiepapa

五歲前主要家，五歲后上一個英文會話班。

ddmmhk

For instruments, probably can start at five.

edpo

我亞b三歲開始學，一些是為了將來考小一有用的，一些是興趣班，但全部都係我guide住佢自己選的，過程十分有趣，所以佢好主動要求去學，本身我亞b係好坐得定的人，估唔到學左野後，老師comment係上課更專心…其實愉快學習就係佢將學習變為興趣，咁佢就會學得好開心、積極…幾多歲學唔係問題，要睇每個小朋友性格及能力，仲要係學習的種類、時間的分配

griffinma

edpo 發表於 13-7-1 00:21
我亞b三歲開始學，一些是為了將來考小一有用的，一些是興趣班，但全部都係我guide住佢自己選的，過程十分有 ...

我都好認同要小朋友要自己有興趣，唔係佢學得唔開心，反而令佢學習興趣大減，最後可能乜都唔肯學。我自己都係會比仔仔自己選擇，有D我覺得有用佢無興趣都會叫佢試下先，唯一一樣佢唔暫學既係畫畫，佢好堅決咁同我講"好悶"，我便沒有強迫佢學。

我仔仔上跳舞班個度有個小朋友，佢好似好唔鍾意跳舞，但佢父母要佢跳，跳左成年，佢都唔肯單獨入課室，要爸爸陪跳，又唔比其他小朋友碰他，最終跳左一年後佢至無再上。其實有時兩三個月都已經試到小朋友鍾唔鍾意，但可能因為上足一年有證書，佢地迫佢上足一年...

柏禧BB

我個仔升k3暑假幫佢報名，主要係唔想佢咁悶，果時幫佢報咗畫畫、魔術同Lego,報魔術係因為當時無線個魔術節目，佢成日magicmagic喺度講畫畫呢一年都有俾佢keep住學,半年前幫佢報埋田徑班,因為佢真係成日走嚟走去,諗住等佢可以消耗體力,
今年要升小一但都繼續以玩為目的，不過就加多個專注力訓練，全部都冇證書冇考試