可否介紹關于語言治療師的資料？

Why

大家好，我女兒27個月，未識講野，應該話區有興趣的事和物先會學人講，比如，區鐘意巨鴨就會見到鴨子就叫“BB”，如果你同區講系“鴨鴨”，區就會跟住講“鴨鴨BB”。但唔可以要求區一直學人講野，因為區跟著唔會睬人架！成日好多朋友見過都話區系有性格，但處于香港這個高效率城市，“有性格”系唔可以生存架。
        上個星期帶區去心理醫生度評估，因為之前懷疑區系自閉癥兒童，加上區唔同其它小朋友玩。最后只是評估到區語言發展遲緩，綜合發展只到22個月，語言就得18個月之前。平時完全聽唔明指令，眼耳口鼻手腳全部都分唔清（不過也可以講系問區區唔會答）但區想要玩的野區就永遠記得擺系邊
       昨晚發生一件平時經常會發生的事，因為事事落公園見到睇門口的姨姨都唔會叫，最多揮手示意“拜拜”（如果區知道出街系要講拜拜仲好D，平時系屋企都會無啦啦拜拜），昨晚個姨姨就覺得區好奇怪，所以用包餅干哄區開口叫姨姨，但我個女就點都唔叫，但又伸手去羅餅干；后來反到屋企，我老公話唔可以唔叫人架，一定要叫人先可以吃，點都唔肯開包餅干俾區吃，區就拉住我去開，我叫區講“不如你講”想吃“或者”餅餅“啦”；區知道我地都企得好硬，但區又系鐘意吃，就發脾氣甘扯住我哭，唔理區一意要區開口講一個字先得，區寧愿哭到趴系地下，都唔愿講一個字，我老公系隔離又堅持，果一刻，我懷疑我個女系唔知吃野同做區鐘意的事系要開口講任何一個字的，區想但唔會表達，唔會出聲；
       呢種情況之前唔系無出現過，經常我地叫區講，區唔講，我地就教區講幾次，區仍然唔肯講就算啦，費事有反效果，但昨晚我老公系企到好硬，應唔應該堅持呢？區畢竟系個兩歲細路女，但我地溫唔到去同區溝通的橋梁，，好迷茫！
       評估師建議我地先溫個職業治療師同區上課，等區對認知事物有一定改善之后再上語言治療師的課，是這樣嗎？我應該去邊度溫職業治療師？？評估師果度都有，但由于距離太遠，而且費用比較貴；而了解過庭恩的又要排半年先有得上課，請問眾位媽媽們，邊度有職業治療師或者語言治療師可以快d同區上課的；同時可以教授下我應該點返來屋企做家居訓練？？
   另外，因為畢竟上治療師的課也是一星期一堂或者一星期兩堂，平時幫區報名上playgroup有無問題?
   謝謝！

alexcmlam

睇到你囡囡的情況, 似乎最好搵個言語治療師做吓評估先, 因為畢竟排半年, 不確定因素多咗.

認識有上門嘅言語治療師服務, 朋友囝囝及老友記都用過, 口碑唔錯!

Why

回復 alexcmlam 的帖子

之前有懷疑過系自閉，就溫左個心理醫生做評估，報告未有得羅，都是語言遲緩之類的，但唔知去邊溫語言治療師會好D，見呢度的媽媽好似都幾有經驗，介紹下啦！

alexcmlam

已 "私人傳訊" 俾你一些資料.

Why

回復 alexcmlam 的帖子

收到，十分謝謝！

chengemily

我囝囝情況都係差唔多, 佢而家19個月, 但就唔肯講野, 爸爸媽媽都未識叫, 有時失驚無神叫聲"dad dad", 佢要求人做野大多數係捉住我地隻手去叫我地幫佢, 呢排我地成日迫佢要"講"出口, 但佢又係喊到lu晒地都唔肯講, 有時用食物引佢, 佢喊完一輪寧願唔食都唔開口

chengemily

想請問如果搵言語治療師之前係咪要先做評估, 定係言語治療師都可以做埋評估?

alexcmlam

經驗話俾我知, 同埋知道朋友囝囝用過, 言語治療師會第一堂做見面時做測試, 通常1個鐘, 叫做評估, 跟著按著評估就會提議之後的訓練方法同埋堂數.

有需要可去各大小私人言語治療中心, 聽過有媽媽講, 比較好口碑嘅第一次都要排個多兩個月, 而資肋機構更要排半年.

後來知道有上門言語治療服務, 口碑唔錯, 如果時間配合到, 有個媽媽話個多禮拜就安排到上門做評估.

你可以考慮下第一步先盡快做咗評估, 攞個安心, 之後嘅訓練及治療評估完再作考慮都未遲. 有需要可介紹.

chengemily

啱啱打左去一間言語中心查詢, 佢話阿囝而家都仲算細, 可以再觀察多幾個月先, 佢話阿囝的情況, 可以先試下同佢做多D用身體語言的指令, 教佢多D模仿的動作, 唔好急住要阿囝開口講...佢話到2歲如果佢仲係唔識講先做評估都唔遲.

希望同阿囝做多D練習會有用啦.