要決定了他的去向了

SKB

A仔暑假後升K3了，他一值在私幼讀N1-K2，成績中下，課程當然比一般學劵幼稚園深，社交最弱，分析抽象都弱，唔會主動講野同人玩，但佢係好鍾意返學，屬於守紀律果D小朋友，佢又返得好開心，我放工時佢會講返D特別事情比我聽。

啱啱收到K3 I位通知書，明天要註冊了，我仍然心大心細中好唔好幫佢轉校，唔係好想形響佢升小一既profolio，點算好呢? 放棄左唔知對佢有咩影響，請問有無小朋友返緊/返過I位既家長同我Share下I位有咩幫助呢?

感謝感謝

pocoyo123

講真一年I位讀唔讀都唔係咁大幫助, 以前亞仔讀左兩年, 我覺得係退步左, 經濟許可, 原校讀埋佢, 再加私人補訓練仲好, 上到小學再睇下學校有無支援再諗

chowqv

SKB 發表於 13-6-14 13:47
A仔暑假後升K3了，他一值在私幼讀N1-K2，成績中下，課程當然比一般學劵幼稚園深，社交最弱，分析抽象都弱， ...

首先，我唔同意私校既課程一定深過有學卷既學校。

小朋友返學，重要係佢應付到學校既課程。你小朋友既case，由你幫佢排既時間，有無問過，I位有咩不同？
我所知，呢種學校係多左針對小朋友既弱項，多加訓練，同時唔使父母另外帶佢去做訓練。如果你一路都有幫佢做訓練，成效如何？

至於小一既profolio，你會幫小朋友考咩學校？

私校-係要面試，講既係小朋友既能力。

直資，津校-係另一個計分方法去考。

我個仔都係9月k3，讀既係學卷幼稚園，的確要為佢升小一做預備，因為自行申請，9月尾就係。

會唔會安排一下，小朋友參加下不同既團隊，等佢學下同輩相處？我有幫個仔入基督少年軍，一d禮儀班，社交班。

小ot

你仔有其他私人training 嗎？I 位的ot 和pt  service 是社署治療師因應需要到訪學校，給予suggestion 俾老師和家長only! St 好d ,應約兩星期到訪school 直接為學生training!至於i 位老師點樣在校support 學生就依個別學校而定，問清楚！如果你說得一年，要看這一年是不是值得了。因轉校，都有適應ma!

CMH

I 位幾乎每天都有小組訓練，每個月有兩次言語治療，省下的錢可以另外參加校外的治療或訓練。

我小朋友讀了兩年全日制 I位，有很大進步。不過，K2剛轉校那年，差不多到聖誕節才可以完全適應，但適應之後就進步神速。

SKB

CMH 發表於 13-6-18 21:41
I 位幾乎每天都有小組訓練，每個月有兩次言語治療，省下的錢可以另外參加校外的治療或訓練。

我小朋友讀了 ...

請問你小朋友讀邊區幼稚園呢?

CMH

send you a PM.

SKB

最後都係決定比仔仔去讀K3 I位。

好老實，岩岩派Final Term Assessment份卷，佢既成績唔差，進步好大，真係唔係好想放棄佢由N1-K2累積响學業上既成績，奈何佢社交真係弱，希望佢轉校後社交真係有進步，書可以遲一年追返上，6歲前的黃金治療唔可以miss，大家都要加油呀。