轉制後入學講家底 直斥忘本 名校校長 再反名校轉直資

redkoni

資料來源：蘋果日報


                 
■戴德正相隔13年，再挺身而出反對名校轉直資。何柏佳攝


【本報訊】兩所傳統女校今年啟動轉直資計劃，引起新一輪轉制潮。13年前反對任教學校轉制的現任聖公會鄧肇堅中學校長戴德正，近月不惜做醜人，再次高調站出來反對名校轉直資，指出直資入學講「血統」家底，資助清貧學生入讀的助學金，只是貴族化的「遮羞布」，直斥傳統名校忘本。
記者：倪清江  

於1960年創校的跑馬地聖保祿中學及1906年開校的聖士提反女子中學，今年先後啟動轉直資計劃，同樣遭校友和家長反對，當中聖士提反較激烈。港台節目《鏗鏘集》近期探討直資問題，片題《上品無寒門？》，引起社會關注直資貴族化。
戴德正13年前在聖保羅男女中學任校牧，因不同意校方轉直資憤而劈炮，轉到另一聖公會學校任校長。這次幼女以校友身份反對母校聖士提反轉直資，他再站出來發聲，哪管鄧肇堅與聖士提反都是聖公會學校。
「我唔係反對直資概念，而係反對名津貼學校轉直資，係忘本」。戴校長指這些傳統教會名校，當初是取錄孤兒，經數十年至百年來人們努力，才有今日地位，「百年基業唔係你嘅，但𠵱家一手抽走」。但他並不反對新創辦的直資。  

「唔係只為咗攞着數」

戴指出，升中學生派位組別由五個減至三個，收生差異擴大，危及英中資格；傳統名校轉制，也是為了避過成立法團校董會的「死線」。轉直資後，學校有完全收生權，又可全面以英語授課，兼不受法團校董會條例限制。
「轉制原因係valid（合理），但係咪一定要轉？點解喇沙、華仁唔轉？」他越說越火，「純粹市場主義，我冇嘢可講，但教會辦學係有自己原則同底線，唔係只為咗攞着數！」
「教育政策不濟，應該一齊同政府爭取，但佢哋反而獨善其身走出去。學校變成幫政府減壓，想小班，轉直資；想多個外籍教師，咁咪轉直資」。他指本港公營學校是全世界最出色，因津貼學校當中也有出色學校，而非如外國只見於私校，「提供社會流動機會，但直資即係半私立，教育界引以為傲嘅嘢一下子冇咗」。
教育局規定直資學校必須撥出最少一成學費收入，作為資助清貧學生入讀的助學金。不過2010年審計報告卻揭發不少學校助學金「滯銷」。

無法收太多窮學生

戴校長指出，傳統名校常有附屬小學，大部份中一學生從小學部升上，只有一、兩班收外校生，「小學會收乜嘢人？咪係行入嚟醒目、英文好，會唔會有深水埗長大嘅學生呢？如果屋企冇支援佢，會唔會小一就同你一齊起步？」
中一收生着重五、六年級成績，又是與家庭支援成正比。他相信，一定有苦讀清貧學生，「只要肯報呢啲直資一定收，並且會畀足咁多年錢（助學金）。點解？學校一定要收呢啲省靚招牌，但比率有幾多？」為達到收入平衡，學校無法收太多這類學生，「富學生一個都不能少，窮學生少啲都唔緊要」。

諷助學金是遮羞布

因此，戴校長諷刺直資學校的助學金制度，是「最後一塊遮羞布」，「遮住貴族學校呢個名，佢哋唔想要呢個稱號」。他說，本來所有人入讀這些名校，機會是均等，「但𠵱家起咗一面牆，你如果跳到入嚟，學校就繼續幫你，但你點解要起呢面牆？」
這次他支持女兒堅拒母校轉直資，沒想過有機會成功，但會爭取在聖公會會議上發言，要求澄清聖士提反校方所指的「津貼學校已完成歷史任務」，「我呢間都係津中，係咪都已完成歷史任務呢？」

silvia_ng

well said!

e12340

好!真正教育者的說話！

73662710

The principal is right but the school also has its agenda, the quality of students continue to deteriorate under this 3 band system......

Mukchilee

佢個"一面牆"嘅比喻真係中晒point!

bb86

ccspy

The biased policies of the EDB towards the DSS schools create this wave of conversion from aided schools to the DSS ones such as the admission of S1 students and the English medium of instruction. In order to maintain the prestige status of the schools and avoid the keen competition for S1 students, they inevitably need to change in this direction. We, as parents from ordinary families, should voice out to the EDB the unfairness in these policies and fight for our children in aided and government schools.

ANChan59

原帖由 ccspy 於 13-06-04 發表
The biased policies of the EDB towards the DSS schools create this wave of conversion from aided sch ...

妳搵啱對象了。

問題在EDB的DSS政策而非DSS學校！

jessimm

ANChan59 發表於 13-6-4 16:54
妳搵啱對象了。

問題在EDB的DSS政策而非DSS學校！

可惜名校食住上

KK07

轉直資的名校就係唔想再跟着政府朝令夕改既教育政策, 所有收生制度,學生banding 的劃分制度, 教學語言政策....無一樣有利名校, 尤其是傳統教會名校的發展, 跟本政府是在迫名校轉直資, 唔係既話,你咪變成一般津校囉, 有限資源, 無盡既教改。我覺得名校轉直資係求生存!  要鬧,就閙EDB,而唔係學校。

Mukchilee

政府縮骨就人人都知.

但係有本事收足學生攞盡政府錢嘅直資學校其實可以用不同嘅方法堅持佢哋嘅教育理想, 例如政府錢照袋不過收學生象徵式學費, 收生權照用不過用來玩抽籤..........

只不過佢哋最後選擇左另一條路, 所以有今日嘅局面啫!

www

KK07 發表於 13-6-4 17:54
轉直資的名校就係唔想再跟着政府朝令夕改既教育政策, 所有收生制度,學生banding 的劃分制度, 教學語言政策. ...無一樣有利名校, 尤其是傳統教會名校的發展, 跟本政府是在迫名校轉直資, 唔係既話,你咪變成一般津校囉, 有限資源, 無盡既教改。我覺得名校轉直資係求生存!  要鬧,就閙EDB,而唔係學校。

Agree.

vincentchiu888

KK07 發表於 13-6-4 17:54
轉直資的名校就係唔想再跟着政府朝令夕改既教育政策, 所有收生制度,學生banding 的劃分制度, 教學語言政策. ...

Agree! 教育多元化係好事多過壞事，除非有日通通變成直資。

cathyming1

可能有D家長鍾情大抽奖！

tttw1

原帖由 cathyming1 於 13-06-04 發表
可能有D家長鍾情大抽奖！

咁係咪變相共產？自由社會唔係各取所需嗎？

澤廷

這樣才是香港良心的教育工作者。戴校長感謝您！

grace_xian

希望EDB反省下啦，寶貴的教育資產應該優化，而唔係打壓

www

cathyming1 發表於 13-6-4 21:49
可能有D家長鍾情大抽奖！

更多舊生鍾情於官津小學的「世襲制」。

VKwan

好難講!舊制又話世習，轉直資又要$……
BTW，越來越欣賞喇沙/華仁的風骨