創閱學和創憶學坊？

yukai

請問2間有咩分別？邊間好？有用嗎？請有經驗媽咪分享。Thanks.

rosewong

我曾聽聞創閱學的“老細”與創憶學坊本是拍檔，後來拆夥另辦創閱學。

我的小朋友在創憶學坊上堂(之前在康怡，現時在北角分校)，我覺得成效不俗，小朋友又上得開心。

yukai

Thanks rosewong, 我知2間都係用特約形式，所以擔心在教學上每間都會有差距，你小朋友幾歲開始上？你小朋友上過2間，你覺得有分別嗎？請問學費多少？

SZE詩

我之前係創憶xx教過！我只可以講一句“
“唔好浪費金錢“

SZE詩

你試下要求入課室睇小朋友上課！係整整的個半鐘頭中,實際上課只有十五分鐘！其他時間都時玩玩具！冇太大的成效

rosewong

其實我覺得兩間分校都不錯，小朋友能認讀中文，從而愛上睇書，亦很喜歡上課，在街上能主動讀出招牌或雜誌封面的文字，這是我所看到的成效，；但康怡某些時段的課節的學生人數頗多，且我後來搬了家，所以轉往北角分校就讀，因為教材一樣，所以亦沒有銜接的問題。

hkdad

回復 SZE詩 的帖子

......

kathywong0807

原帖由 hkdad 於 13-10-03 發表
回復 SZE詩 的帖子

我考慮緊俾阿女讀呢間，但都聽到一些負面意見，朋友的小朋友好鍾意番，但原來因為有得 ...

我仔3歲開始係九龍塘學咗1年多，我覺得幾好，雖然知道玩的時間多，老師有講過會先教小朋友認得字才俾玩，玩完一段時間再考小朋友記唔記得，前後3次，這樣小朋友才有動力，又唔會太大壓力，最緊要小朋友鍾意開心。我仔仔由學到而家最少記得7成，我覺得已經好好。另有加埋寫字同拼音，都不錯。

KJAS

My kids studied at the Shatin centre. The result was very good! Thanks for those teachers and helpers. They have fun and learn chinese words there. They loves reading, too.  

happyFamilyL

即係第幾level？

siusin54

原帖由 hollymama1124 於 13-10-09 發表
佢地講明一半時間讀書認字, 一半時間玩, 因為一個鐘讀書小朋友應該冇咁好耐性. 囡囡每次返得好開心



  ...

我小朋友係康怡讀咗快兩年，佢認到好多字，未夠4歲時去酒樓飲茶時已經可以幫我點點心，現在佢好多故事書都識睇，我就覺得唔錯，我都唔介意係有玩具玩，因為老師都會睇佢當日學習情緒，如果是好都會教多些。  玩玩具只係令佢地輕鬆些，問題不大

py84ko

我仔由上年8月係太子創閱學到而家已經一年有多，現在已經K2了，的確佢識咗好多字，現在讀到一些短篇文章，亦因而喜歡看中文圖書。一堂1.5小時，頭半小時係小组遊戲，係用來温故知新，之後一小時係一對一教學，每堂通常学到4-5個咗右新嘅生字。

佢亦好中意返，每次佢讀到啲字俾我嘅時候，佢一编自豪滿足的樣子，令佢更有心機去學習，我也感到安慰！

Elmo_MaMa

我小朋友係沙田學,因為升小一暑假先學(上小一後,無時間再學),所以可以講返個字老師點教.

老師主要係教小朋友記一些"記憶線索" (有些我覺得好無聊或好R頭),但九成係記同音字,所以好多時有機會會錯別字.

例如: 學"倘"字,老師教有個人(人字旁)拎住粒"糖".

老師話一班小朋友一組玩遊戲時,會教字既意思或其他讀音.

利:記字音容易,好快"識"左個字,小朋友自信心大左.肯自己去閱讀,如果學完會用得返個字(即係課本見到),效果更好,所以我個人不贊成太早讀.

弊:如有多音字,一定要父母再提,否則會錯別字, 字形似既字都有機會混淆(因為佢地所謂既"記憶線索"好類似, 例如"富" 同"當")

以上係個人觀感,不喜勿插

大小肥豬

請問學費如何~???
我報左明天荔枝角分校試堂~
要比$150試堂費~如果即時報就可以減免~