已派 I 位幼稚園是否實收？

pinkdoll

idak 發表於 13-5-8 00:53
回復 pyalisa 的帖子

以家我係覺得唔知點算, 去面試唔好聽的說話我預左有, 但佢比我覺得唔收的感覺好強,  ...

未入學已經搞到咁唔開心, 你真係要諗清楚先, 因為你個女將會在入面生活起碼兩年, 佢係學校生活得唔開心, 不俾接納, 係會好慘的, 你都想小朋友在開心愉快的環境下成長, 是嗎? 你不如問下cac社工, 如果呢間i位唔收你個囡, 咁可以轉乜嘢service.

另外, 唔好對i位有太大期望, 話晒其實佢哋都係一間主流幼稚園, 只不過收6至12個有sen既學生, 你係佢哋會唔會為咗6至12個有sen既學生而放棄其他普通位既學生. 我既經驗係i位學校, 如果發覺有sen既小朋友發展追唔上進度, 或者有行為情緒問題的話, 佢哋就會叫家長轉s位, 因為配套唔適合小朋友.

bauhiniakan2000

回復 idak 的帖子

你幾時排,排左幾耐,同學校講今年S位巳派晒,若然佢地唔收,叫佢學校搵社署攪番個位比你,現在還有幾個月才讀,點知到時有幾大進步,同佢地講找平等機會委員會問這是否涉及歧視條例,亦真打去平機會問一下,因兒子讀的學校表明不會歧視我的小朋友,但在這段時間也要盡力幫你囡囡,因如你現在送她返幼稚園的情況,她真的不能去 I 位,跟不上一大班人學習真是不行,唯有要左個位再加訓練及找社工問可否讀 I 位等 S位,最好的 TRAINEER 一定是父母,專家只是教你技巧和提供專業意見.我兒子 21個月才識行, 2012年3月初2歲時評估是自閉症,AUTISM DISORDER 要排 S位,智能,認知,語言,大小肌肉都只有 9-12個月能力,只聴過講爸字 5次,什麼都不懂,完全沒眼神接觸除了和我這個爸爸,4月返私人 S位,5月尾我決定放棄做了 30年 22K 的工作去照顧個仔,2012年8月個仔巳進步到講出部份情景,如說落雨跟著地下並說濕哂,介理尿片,講到很多單字,服從指令,認得 A-Z並能讀出,數目字 1-10,中英文都讀到,到 2013 4月 30號兒子37個月的評估是 語言,智能,認知 33-36 個月,小肌肉及手眼協調技巧超越一般三歲小朋友的能力,大肌肉 34個月,囡囡媽媽你要努力,可能到8月囡囡能達到學校接受的水平.

bauhiniakan2000

回復 pinkdoll 的帖子

完全同意你的講法,請看我的帖子

idak

回復 pinkdoll 的帖子

我都唔會對 I 位好太祈望, 係度睇得太多, 都打算唔做或做兼職去湊女, 因為每次放假自己湊囡囡都進步得好快, 屋企人同以家間幼稚園真係有"幫鬼倒忙"的感覺, 其實 I 位我係想要佢地每星期兩次言語治療, 一次職業治療及心理學家。 連一向唔多過問的C6, 比佢問到我發皮四, 明天要問清楚個社工先, 真係多謝各位提醒﹗

fishcowcow

你講既資源, I位係無架喎, I位只有兩星期一次的30mins既ST, OT是3,4個月才有顧問落黎學校睇睇(不是做訓練), 另外就係I位老師每天20-30mins的單對單, 不過也不是每間都有單對單的, 要打去學校問清楚

idak

回復 bauhiniakan2000 的帖子

投訴我真係唔會, 因為個女有可能重要係度讀書, 投訴之後全校教職員會有無形壓力對住個小朋友, 人的心態會覺得多一事不如小一事, 個媽媽麻煩到時囡囡就會更加無人理, 而今次打電話比CAC社工我都係講出我擔心囡囡無書讀, 如果要等S位又要等唔知幾耐, 而唔係投訴﹗

bauhiniakan2000

回復 idak 的帖子

你住那區,我兒子在富昌中心庭恩兒童中心上ST 進步很大,中心創辦人黃先生和黃太很有心幫助這些小朋友,在沙田乙明村也有,若你辭了工經濟有困難可打電話去問,中心只收經濟不太好的小朋友,會先評估再決定給你多少堂數,我現在每星期一堂,你要找理精神科跟進囡囡,PT 及 OT 找社CAC社工搵醫生轉介. ST 電話:27288830,希望幫到你.

idak

回復 bauhiniakan2000 的帖子

庭恩我都有資料, 之前係e度d媽媽比我的, 我都諗住遲小小唔做先報, 精神科醫生及心理學家一路睇緊, 剛排到言語治療, 真係排咗好多嘢, 我連髗骶治療都排緊, 自然療法都睇過吓, 唔做可能申請到關愛基金卦, 每個月二千五都幾好架﹗

Capricorn2521

記得讀緊S位時，中心社工安排我地去參觀一間I位幼兒中心，個I位校長同我地講，在這間學校讀書，小朋友嘅自理能力要有一定程度。當時，如果我吾係跟自己中心去的話，我會問：乜依家吾係好多自理能力差嘅港孩咩？原來依家D小朋友叻咗咩？

annaanna

其實I位又好，S位都好，間間學校都唔一樣﹗之前我仔讀果間S位，1星期有一次ST, PT, OT，但唔係人人有呢個安排，資源得咁多，佢話比有需要O既小朋友喎~
而I位果間，每日都有30分鐘個別，因為我要番工，老師會寫晒每日做D咩O係本訓練簿度比家長知道，仲有，會教D能力高D O既小朋友幫手，仲唔會因為我仔麻煩而對佢差，反而仲更加錫佢，我仔試過病左幾日冇番學，老師仲話冇左我仔唔習慣添呀

題外話，你排I位之前冇問清楚間學校對I位學生有咩安排嗎？

idak

回復 Capricorn2521 的帖子

我都知囡囡有d嘢唔得, 但佢已識自己著衫褲鞋襪, 重可以放番原位, 真係唔明d人點解要label A仔, 就算其他小朋友都有長短, 我去囡囡幼稚園觀課, 食茶點時有D同學仔都係老師倒水入茶杯, 但囡囡果枱同學仔都係自己倒水入茶杯, 一個做完到一個, 無人係十全十美架, 小朋友就係要學習, 我唔覺A仔自理差過其他小朋友﹗有時可能因佢地固執反而有"交帶"。

bauhiniakan2000

回復 idak 的帖子

報左名先,要等成半年架,再拖下去唔得,唔申請減費好易與,form 可以係佢個鋼 download

bauhiniakan2000

你囡囡做到的我兒子亦巳做到,佢衹是排隊去洗手間不守秩序,及小主動,老師和社工都要建議 S 位,覺得在 S 位會更好,其實我仲心大心細,因為2012年8月在協康讀 S 位時,部份小朋友能力比兒子高,但兒子比他們主動很多,見到小朋做不當的事會說,唔岩,要改,XX 小朋友哭,會說 XX,唔好哭,很怕去了 S 位,他的主動不及現在,兒子巳能主動同 XX老師,校長,姨姨主動講拜拜及早晨,在公園巳開始同小朋友玩,排隊輪候及讓給小朋友玩,去麥當努自己講到"我要一包個薯條同埋兩包茄汁,重識講"比20蚊,要找番15蚊".

Capricorn2521

回復 idak 的帖子

其實你講果個女人係吾係將來日日同你個女做訓練果個呢? 因為我仔果間I位冇社工，只有I位老師。

我仔個I位老師....我初初同佢接觸幾次時，未返學，佢講野都好"閂後門"，成日話我仔未上過大班，驚佢handle吾倒，又話吾知我仔能力如何，總之感覺吾太好。初初開學都有話我仔有d蘇擾，但1個月後左右，可能班內d老師好，handle到我仔，I位老師先開始有讚亞仔嘅說話。

既然你有其他back up幼稚園讀緊，又有私人訓練，可以考慮轉e位。我當時係S轉I，冇得簡，一定要去馬。

idak

回復 Capricorn2521 的帖子

可能係卦佢話自己係姑娘﹗

讀緊果間幼稚園我唔會再繼續, 私位實在太貴, 繼續的話就一定要返全職, 返全職就要奶奶幫手湊, 真係唔想再浪費時間, 試咗咁多嘢, 真係自己湊加訓練進步得最快。

我想問E位即係點情況, 太耐之前問唔記得。

Capricorn2521

回復 idak 的帖子

E位係你繼續返一般幼稚園，E位中心會安排你每星期去中心上堂，幾多堂人人吾同。

有D人讀開一間幼稚園，覺得適合，吾想轉校，就會簡E位。

申報：我冇上過E位，只係聽人講。

idak

回復 Surveyor 的帖子

今日打咗電話去cac社工度問, 個社署幼兒教師真係以安全理由唔建議囡囡讀佢間幼稚園, 我話如果以安全理由, 咁其他小朋友都有可能發生, 佢咁講就係歧視我個女, 我話如果佢唔收咁之會你地有乜安排, 社工話係再排或睇吓跨區有無位, 即時有想死感覺﹗ 要等下星期先知結果, 想問佢就算收咗係咪都有可能讀讀吓唔比我個囡返學架？

chowqv

I位咁複雜既。我個仔係2012年11月先排e位。我唸今年9月應該排到。好彩既係佢讀緊既幼稚園，校長話佢問題不大，我又排緊，所以由得佢讀到畢業。
佢家下都k2囉。

pocoyo123

現在適齡學童多, 好多KG都無收生壓力, 唔排除有些學校想淡出兼收行列, 遲下幼稚園免費實行, 再多10-20萬雙非兒童, 相信情況會仲差.

idak

回復 chowqv 的帖子

頭先同私位個老師傾開話囡囡情緒真係要跟得好足, 反而唔相信安全成問題, 因為囡囡都驚死唔會走咗去, 會返轉頭, 上咗大半年都無自己沖出課室, 相信果個人係老經驗, 一睇就知囡囡會令到佢好多嘢要做, 所以先會咁搵個唔成理由的理由去同上級申請﹗