亞仔今次默書得5分, 點算好??

超正龍吐珠

他有讀寫邊緣障礙,普通話又聽唔明讀音,今次默書得5分, 點算好, 可以叫學校唔好比咁多默書範圍他. 我真的唔知點算

macracso

平日分開每日一小段一小段背默,(重覆又重覆默), 幾句幾句等佢習慣, 我有個學生之前都係咁, 但記得到佢有D進步時就勁讚佢, 同佢講佢自己其實本身冇問題, 只是要多D時就ok. 每次同佢set 一個新目標, 第一次同佢講來緊不如進步20，考25，多數小朋友都話太多，第一次就下佢(把口就ok), 但自己儘量計住D分(進步20分的目標）同佢溫，要慢慢來, 儘可能不要校方就小朋友, 對佢自信有影響  
之前打錯字, 係"佢其實本身冇問題"先對

suemei

可以自定細小的目標，每次給他一個細範圍，朗讀是必要的，因為意會聲音及字形，有家長介紹用師儀咭把唔熟的字寫落去，或貼在房門口，方便他溫習。學校的支援很重要，節奏輕鬆及本土語言（ 廣東話）學習較適合，如果是填鴨式及多功課量要慎重考慮。這是我個人的經驗及見解。

fishchow

是否學校程度太深？

alicemon

試吓問學校可否提供調適.(如範圍減少D)
另外,佢哋認識詞彙較同齡小,可能用"讀.默.寫:方法同佢儲多D詞語,可能有幫助

愛靚媽媽

你可以試下教佢一些字的字型結構，讓他明白和習慣每個中文字都由不同的結構組成，當遊戲玩，等佢慢慢習慣。加油

Flower

原帖由 愛靚媽媽 於 13-06-05 發表
你可以試下教佢一些字的字型結構，讓他明白和習慣每個中文字都由不同的結構組成，當遊戲玩，等佢慢慢習慣。 ...

將字圖象或故事化拆開，例如“靈”，下雨天時，巫婆向天大叫哈哈哈，係幫我孩子做
assessment的臨床心理學家教
我試過佢印象會深刻，英文又係拆字，不過要用的時間比較多，要有耐性
加油！

fitceo

有讀寫障礙的小朋友唔好訹讀普通話教中文的小學, 會難上加難的.

lammaggie

拆字真係好方法, 中文一定要讓小朋友明白部首意思, 例如"木"字部, 是意用木做, 如: 床, 枱, 椅, 杯, 森, 林, 樹等.
英文按發音拆, 例如: INTERVIEW =  in  ter  view
仲要日日分段溫習, 保持良好氣氛, 每日溫一兩段, 講好黙多少次便如實, 吾好越溫越急又越多, 小朋友一怕了便不願意合作.
培養閱讀興趣也很重要, 大個做閱讀理解容易些.
我囡囡讀中一,  係我成功的分享.