2歲！唔肯學講野有咩辦法？

kikigal

唔講野...
我朋友個仔之前2歲都未講野...最多'爸爸''媽媽''奶奶'.
有次我去探呢個朋友, 先發現原來家長太少聽小朋友D "EE呀呀", 原來小朋友好努力想表達, 家長一係當聽唔到, 一係話"你成日都唔肯講好D, 我聽唔明你講乜"之類, 又成日同人比較("阿邊個邊個細過你, 講得好過你好多")...
結果個小朋友完全無勇氣信心學講話, 唯有靠自己去做, 乜都自己搞掂.....

果次我特登留心聽個小朋友講乜, (當然要坐低, 望住小朋友對眼, 扮聽得明, 估下, 老作都好. 或者畫圖畫)
個小朋友果日先發現, 原來呢個世界有人聽得明(估到)......自此經常痴住我玩, 拎曬D寶物比我....
至今3歲啦, 雖然講得唔清楚, 至少肯開口講, 肯用言語表達...

各位家長...加油!!

P.S.: 補充, 如果要小朋友開金口(語言突飛猛進), 第一步, 扔曬D i產品...Xphone Xpad...嚴重影響兒童發展.

csy_0101

去做評估，安心d

abbykong

回復 hotingmum 的帖子

可以去邊度做評估?

Piggy-Baby

我仔又係學嘢好快，原全聽晒指令，不過唔鍾意講嘢，性格有d自我，唔鍾意嘅人唔采。歲半去健康院，見姑娘做test係咁問佢嘢就暗住耳仔叫走。俾姑娘話佢有問題，要兩歲見醫生。見醫生後，話佢認知俾歲數多一年，但係講嘢又遲一年，又話我仔唔望佢，懷疑佢自閉，要轉介我個仔去做評估。但係佢而家只係返咗學一個月，突然間識講好多嘢，仲成日唱ABC同Twinkle Twinkle little star。以前要問佢佢先會講一兩個字，但係而家佢會自己主動講。我覺得要俾時間佢地……

shirayuki

same as my boy. 而家25個月啦。都唔系好識講野。發音又唔太準？好似哥哥，他就會叫多多，姑媽，他就叫um媽。good night 永遠只講個night字。太我覺得他思路很清晰，學其他野又快，但講野就好差。點算。

luo916

回復 shirayuki 的帖子

hello,我仔同你一樣,good night,就只識講night,現在26個月,好擔心語言發展有問題,不知道點算好!

kimmychau

我仔仔2歲1個月開始講野！一講野就咩都識講啦！！宜家距2歲半！識唱兒歌！！咩都識講識表達自己啦！！好開心！！！

teresa821

請問可以去邊度做評估？兩歲仔啱啱返雙語班，老師暗示唔適合佢，因為佢講好少野同流口水...

李豆豆

原帖由 kimmychau 於 13-11-02 發表
我仔仔2歲1個月開始講野！一講野就咩都識講啦！！宜家距2歲半！識唱兒歌！！咩都識講識表達自己啦！！好開 ...

恭喜你！有冇咩訓練方法？定係佢自然地開始講架？

露菲亞

2歲返健康院係做評估定見醫生呢?

Jimmie

我小朋友都同你小朋友一樣，樣樣都識只係唔講，家姐叫佢講佢寧願咬到咀唇流血都唔講，我一月時同佢去協X做左個評估，認知同語言都係DELAY 左10個月... 而家去左家姐間幼兒學校暫託已一個月明顯見佢音多左但都係堅持唔講，但老師就話佢認知, 大小肌冇問題，只係講野一定係遲緩，而家我地同佢排左協X, 廣華，健康院都寫信叫我地同佢去中九龍到做評估。睇下做左治療可唔可以幫到佢...

casspoon

same here, my son 2Y3M but not talk.  

yuenkate

都係做下言語評估穩陣d

namnamnamlolo

原帖由 breadbb 於 13-04-21 發表
我覺得唔洗迫 等佢慢慢學 小朋友講野有快有慢 我小朋友兩歲多d^ ^先識講野 一講就識講好多好長



  ...

想問咁樣有無影響佢搵k1呢？

breadbb

原帖由 namnamnamlolo 於 14-06-17 發表
想問咁樣有無影響佢搵k1呢？

In k1時 佢兩歲多小小 仲講緊單字 但so far佢都有幾個熱門學校既offer 所以我覺得唔係真係咁大問題 interview時老師問佢佢有答 所以識講單字都ok掛！一踏入兩歲半 佢講到停唔到 所以我自己覺得 唔算好大問題

kitthen

我仔仔同你小朋友—樣，而家2歲8個月，上了幾堂言語治療，話佢係言語失用症，我小朋友認知，指令都無問題，都賞試去發音，但有D音有D困難，治療師會用—D小工具幫仔仔點樣發出戊種音。話呢個症係天生的，唔关屋企靜，講得小野既关係，就萛同佢講好多野，有呢個症佢地都會遲講野