醫生話囡囡似過度活躍, 唔知點算？

idak

早前去CAC個醫生問我有無擔心個女係過度活躍, 我話未知個女係自閉時, 覺得佢似過度活躍多D, 因為成日都覺得佢好忙, 但又唔知佢忙乜﹗前兩日去兒科覆診個醫生話亞女真係似過度活躍, 但咁細個唔會比藥佢食, 睇多兩年先.......果一刻先知問題大﹗我問醫生乜唔係佢有興趣D嘢都坐唔定先係過度活躍, 佢話如果係咁就好嚴重。我上網睇過好多小朋友都要食藥, 想知除咗食藥有無其他方法改善？

華太太

回復 idak 的帖子

感統好似有幫助，可找職業治療師，我都找緊資料，所以對感統無咩認識，所以你最好問下其他家長。

llam1210

可否形容一下小朋友情況。上次我去cac醫生也曾有講過你呢番話。可能同學個醫生。

idak

囡囡上咗幾堂感統，另協康密集式訓練都有感統，佢地都話應該係前庭同觸感問題。係屋企都有同佢做感統。

idak

囡囡係有自閉特徵二歲半去cac評估個醫生無寫自閉傾向，但囡囡特徵的言語遲緩，無眼神接觸，對任何聲音都有反應，除咗人聲！重有其他怪行為。可能做咗訓練，到三歲半見cac醫生，有答醫生圖咭係乜，多咗望人，但係就坐唔定四圍走，d動作真係好快！專注力又好似唔夠，但醫生就話似係，最多只可以觀察，要大d先可以評估。

Olympian

可以先多了解何謂AD/HD ,以下兩本書我覺得唔錯
1 四點鐘的恐懼
2 注意!你可能患上專注力缺失症

llam1210

Idak,呢一年你同仔仔做咗乜野訓練？s位？我女也眼神不多，叫佢名唔太應。

idak

Thx！係咪三聯有得買？

idak

回復 llam1210 的帖子

今年同佢報幼兒導師一對一訓練, 協康密集式訓練, 社交小組, 感統訓練, 但係最有效都係自己同佢玩多d, 初初買部玩具相機同佢玩, 後期比部數碼相機比佢影, 再不停同佢講野, 叫佢個名時拍一拍佢, 再捉住佢叫佢個名, 每次比野佢都講佢個名, 如"媽咪比麵包小明",重要視線同佢接近。 密集式訓練個姑娘都好好, 返左之後進步好明顯, 同每個長假自己湊成個星期, 真係好好多﹗不過真係好辛苦﹗

之前有個好朋友同我講, 可能我未生佢時太懶了, 佢係令我人生有意義及進步才出世, 囡囡真係令我睇多好多書同做多好多運動﹗