本帖最後由 jasonso0923 於 13-3-30 15:13 編輯
我喺網上搵到啲講唔同學習方式資料，想同其他父母一齊share下。
之前我點都唔明點解仔仔唔可以專心或者耐心咁睇完一本書，又唔明點解，一啲好簡單嘅指令佢都好似聽唔明咁。
其實佢哋都有分唔同學習嘅習慣同方式。主要講到三大學習模式，視覺系，聽覺系，動態系。
Hope this can help other parents like me¬
視覺系: 比較偏向利用視覺學習嘅小朋友，會通過佢哋所見到嘅世界嚟吸收信息同知識。 佢哋會傾向\慣向通過閱讀嚟增加智識。 佢哋可以從圖片或其他視覺教材中吸收到較多嘅信息。
有啲咩可以幫助識別? 佢哋喺學習時通常會比較有組織同鍾意整理嘅習慣。 相比於音樂，佢哋更享受睇圖片及讀書。
佢哋擅長乜嘢？ 相比起聽instructions或questions，佢哋更加擅長睇同讀題。 佢哋會被一啲畫作，工藝品及其他藝術品所吸引。 佢哋通常會有好強嘅想像力同創造力。
最好用啲咩方式學習？ 睇圖片或圖表，且要有啲文字嘅輔助，等佢哋更容易理解。 利用Flashcards等佢哋能夠更加容易理解新嘅單詞同拼寫規則。 用highlighter幫佢哋從故事中圈出重要嘅信息，這將有助於佢哋更好去理解故事并增加佢哋嘅閱讀興趣。 佢哋都可以通過記寫筆記嘅方法嚟幫助佢哋日後進行練習。 | 
發表於 13-3-30 15:12
