做了IQ Test, 評為中下智力!(90)怎樣幫她!

ve111

她P2, 平日不太專注(但又不是專注力不足), 只是難少少集中!!最幣是MATH, 点教都不是太明!!
評估只是話她思維羅輯不好!!學校說不需跟進!!各科一般不太好, 但好易忘記......
她天真好動! 有時同學笑她, 她都不太明!!
有什麼可以幫她!!

JadeW

開開心心讀書，培養良好品德性格，天生我才必有用，勤力用功實有所得。

YolandaTam

唔好太信同太介意評估結果, 我睇開嘅精神科醫生都話, 做到係資優嘅就多數係, 做到出嚟差嘅卻唔一定差.  因為做出嚟嘅結果係一次過, 取決於好多因素.  

例如我囡6歲嗰陣被懷疑資優, 做韋氏iv得91分, 個心理學家(仲係出好多書話"發掘資優兒童")仲話佢係好明顯ADHD.  點知原來:
1)個test要1小時30分以上, 但係得45分鐘就出咗嚟
2)阿囡唔知係想去手間定係問我一啲嘢, 俾心理學家大喝:"你坐低!"  阿囡冇喊, 不過出嚟同我講, 話之後嗰啲完全冇心機做, 但係又唔想再俾人鬧, 所以是但敷衍咗佢算.
3)個心理學家就憑我囡鍾意畫嘢, 好奇心重就話佢ADHD.

結果兩年後嘅今日, 阿囡係:
1)可以一次過喺個鬆啲鐘頭完成6-8項功課, 準確率9成以上.
2)自己會嘗試寫劇本, 好多時會作啲好好笑嘅故事.
3)喜愛閱讀, 成績中等至中上.
4)從沒老師話過佢專注力有問題, 反而話佢包拗頸, 甚至挑戰老師權威.
5)佢諗嘢比同齡小朋友複雜同成熟, 我好多親朋好友都叫我同佢去做評估, 我一笑置之.

所以, 係你自己至最清楚小朋友嘅長短處, 甚至老師都會比嗰啲所謂心理學家清楚!  請多多同老師溝通, 了解小朋友學校表現, 自己都要多啲留意小朋友日常生活上嘅表現.  良好嘅自理能力比高智商更重要.  呢個社會需要嘅係一般智商或者中上智力嘅人, 與其IQ高, 不如EQ 高!

與其為一次性嘅數據耿耿於懷, 不如多啲陪小朋友探索呢個世界, 發掘佢嘅興趣.  天生我材必有用, 加油!

怪媽媽

小小建议：不要在孩子面前流露你的担心，给她自信。

umom

Yes! Can't agree more!

Lots of "smart kids" are socially and emotionally retarded! I think the world rather have kind hearted and well manner kids than a bunch of "smart kids" who can't live harmoniously with the others.

She should have something she's really good at, as her parent, you just have to take your time and heart to discover it.

lemon

Totally agree!! Especially "良好嘅自理能力比高智商更重要.  呢個社會需要嘅係一般智商或者中上智力嘅人, 與其IQ高, 不如EQ 高!" from Yolanda, I cannot agree more!

lui

原帖由 YolandaTam 於 13-03-23 發表
唔好太信同太介意評估結果, 我睇開嘅精神科醫生都話, 做到係資優嘅就多數係, 做到出嚟差嘅卻唔一定差.  因 ...

同意，test 的過程很重要，那個assessor錯唒！

RebeccaJason

不要太介意出黎的結果，小朋友最須要父母既關心，培育，佢係一顆小幼苗，吾好比咁大壓力大家，自然成長，教佢做一個有修養既人就可以，因為世界上吾係得一條路，所謂條條大路通羅馬。

anixon

90分唔係中下喎!

別過分擔心, test當日佢o既心情和狀態都好影響結果ga!
可能佢無專心應付所以低分d啫! Anyway, 佢一定比較喜歡活動教學~

shareholder

90 無問題呀, 唔好俾壓力佢啦

splash

回復 YolandaTam 的帖子

知道IQ結果後，你有沒有特別做一些事去幫女兒發展至今天的成效？可否分享一下？

YolandaTam

回復 splash 的帖子

我有一段時間迷失過, 死迫爛迫佢, 迫佢做練習等等, 搞到佢有搗亂行為出現, 差啲記缺點.  後來經過一輪檢查, 發現阿囡同我先生一樣, 有焦慮症.  於是我反省自己, 真係唔可以再迫佢啦!  我做咗以下:

1) 盡量唔好再鬧佢.  (之後我發現原來佢自己都已經俾好大壓力自己)
2) 唔好表現緊張情緒 (因為佢自己已經好緊張, 考試前大半個月開始已經失眠, 所有評估日子都會喺手冊度mark住, 我唔應該再令佢更緊張)
3) 陪佢閱讀, 建立興趣同信心
4) 多啲引導佢思考 (佢好鍾意思考宗教同人生問題, 聽講道會問, 點解講講吓啟示錄會突然講羅馬書, 同埋聖詩上面"descant" 係點嘅表演手法, 4 歲已經問喺天堂係點, 係咪同而家生活一樣, 會唔會仲記得以前嘅事...)
5) 俾機會佢嘗試, 佢做到嘅盡量俾佢做 (跟住發覺原來佢清醒過我10倍, 佢自己執書包會帶齊嘢, 我幫佢反而會漏)
6)佢啲功課佢自己搞掂, 佢一早就已經係一放學就拎功課出嚟自己做嘅小朋友, 以前佢完全唔識做我會幫佢, 而家會係顧問角色, 佢唔識至問我, 如果佢唔駛我理獨立完成功課, 練習, 係啱晒嘅話會有印仔, 佢可以用有10個印仔嘅紙嚟換一份小禮物,

直到如今, 佢個智力測驗嘅報告唔再重要了.  

不過要注意, 我囡嘅個案其中一個重點係做測試嗰陣, 我哋唔好彩遇到一個同佢唔夾嘅心理學家, 再加上阿囡消極抗議, 令到個評估本身唔係咁準確.

annie40

回復 YolandaTam 的帖子

Yolanda,

原来这里的妈妈心地如此善良,你的提议是不管智力高低的孩子, 也是非常合用.  

请那位担心妈妈放开怀抱, 你的困境和忧虑是天下爸妈的没有两样.  不用看得悲观的. 智力不是固定的永远(90), 时高时低属平常. 不要因普通数据而梗梗于怀........如果要开心, 我可以找位专家帮你做高些都得.

solomonwong

ve111 發表於 13-3-21 13:32
她P2, 平日不太專注(但又不是專注力不足), 只是難少少集中!!最幣是MATH, 点教都不是太明!!
評估只是話她思 ...

呢d測試害死小朋友架，唔駛做，做左都唔駛信．
我一定唔會幫我ｄ仔女做，慳番幾千元，買玩具俾佢地玩仲好

YolandaTam

回復 solomonwong 的帖子

基於小女接受測試嘅不快經驗(簡直有受騙嘅感覺), 我傾向同意閣下睇法.  但好想知閣下何以有此睇法?  請分享, 謝謝!

solomonwong

原帖由 YolandaTam 於 13-05-15 發表
回復 solomonwong 的帖子

基於小女接受測試嘅不快經驗(簡直有受騙嘅感覺), 我傾向同意閣下睇法.  但好想知 ...

呢d測試，好多時未必準，不同時間，不同心情，不同狀態去測，不同的測試方法，
都會有不同結果，做黎有乜意思，

另外，如果做左低分，成世都以為自己低能，幾慘
如果高分，又可能會自以為是

mnm1019

yolanda, 你個女係點樣confirm 有焦慮??有無做咩training ?
我女兒今年差不多5歲, 約大半年前老師話佢專注力有問題, 最後去左政府兒測中心評估, 見左言語治療師同兒科醫生, 語言能力無問題, 醫生反而話佢專注力OK, 認知及智力都屬中上, 但話佢疑似有社交焦慮同輕微自閉症傾向, 因佢比較怕醜, 見醫生時有點不安 --> 所以認為佢有焦慮; 女仔人家鐘意玩車 (有玩其他嘢的, 只係特別鐘意車) 同埋記憶力好好 --> 所以懷疑佢有自閉傾向, 醫生寫左紙去兒童精神科, 但排期要2年 ! 呢段時間政府唔會有任何支援,  亦唔會再評估, 我想問問大家有無咩機構可以幫到手 ?

YolandaTam

mnm1019 發表於 13-9-11 15:50
yolanda, 你個女係點樣confirm 有焦慮??有無做咩training ?
我女兒今年差不多5歲, 約大半年前老師話佢專注 ...

說來話長...

其實當初我囡會做智力測驗除咗係懷疑佢資優, 仲有就係佢喺二年級上學期有啲唔正常行為:

1)上堂喺書度畫畫
2)用螢光筆劃櫃桶
3)涉嫌劃花駐校社工辦公室門口幅畫
4)夜晚有失眠, 夢遊情況
5)成日搣手皮同指甲

結果精神科醫生話嘅情有三種可能:1)ADHD; 2)GAD(焦慮症); 3)資優.  醫生檢驗過話阿囡專注力冇問題, 甚至比一般人高成20分.  因為我自己係資優, 所以醫生叫我幫阿囡做咗評估先.  評估結果喺樓上已經講咗, 唔重複.  咁跟住嘅問題就係, 上述情況4)同5)完全同智力一啲關係都冇, 咁就做睡眠測試, 結果係阿囡睡眠質素極差, 晚上會醒超過三十次, 其中有三兩次係清醒十五分鐘以上!  所以暫時診斷話阿囡情況應該係焦慮症, 因為年紀細唔開藥.  

從我自己情緒病嘅經歷, 認知行為治療對我呢類性格冇用而且又貴, 反而我做咗運動之後好好多, 所以我哋都係先俾阿囡多做運動, 另一方面喺學業方面幫佢建立自信心,  佢而家好咗好多, 只係偶然失眠.

(P.S.  唉, 對唔住呀各位, 我諗我腦退化啦!  我將個女6歲, 一年級嗰陣做嘅評估同二年級嘅事撈亂咗!
我講返清楚, 智力測驗係一年級做, 專注力同睡眠測試係二年級做.  所以, 呢篇回覆第二段第一句係錯嘅!!!mouth:" />
做智力測驗係因為懷疑資優, 做守注力同睡眠測試係因為唔正常行為!  如果令大家混淆, 請多多包涵!)

evacalbee

mnm1019 發表於 13-9-11 15:50
yolanda, 你個女係點樣confirm 有焦慮??有無做咩training ?
我女兒今年差不多5歲, 約大半年前老師話佢專注 ...