在各位父母心目中, 有啲咩學校你係唔會揀??

Twins-Baby

回復 JadeW 的帖子

我個朋友真係喊住咁講, 佢個仔比人篤住個頭鬧 "蠢蛋". 攪到個仔仲問媽媽..."我好蠢咩?" 佢向我承認個仔有遲緩症同要言語治療, 但一個剛升小學的小朋友, 真係唔應該比人篤住個頭鬧.  真係要用鼓勵. 唔係人身攻擊.  試問有無家長會作這樣的故事來博人同情?  所以我相信佢唔係呃我.   其實有好多事, 真係話唔埋.  有好, 亦有唔好.  開個POST出來都係想同各位家長SHARE一吓佢哋有咩 PREFERENCE 去揀學校.  我從來未想個 "杜"友問題.  真係好當頭捧喝的FEEL. 教學方向同糢式, 仲要小朋友的意向都好重要, 當然小朋友或家長接受程度唔同, 一定有落差.  有一些意見睇完, 自己都要分析.  啱聴咪聽, 唔啱聽嘅不需要理會.  別人講咩都好, 要自己消化吓囉  

kerkermui

人地都係講有乜唔鍾意啫~
佢講d主觀感受，大家無共鳴，覺得在你嘅情況唔適用，咪當睇唔到囉！唔駛話人啫

EK有個通病：只准講學校好，講d無咁好聽嘅說話就俾人圍！

唔係用家:又話人地無權講
過氣用家:就話你讀唔掂，唔係學校嘅問題，係你自己嘅能力未到
用家：一定唔會出嚟話學校唔好！

咁仲有乜嘢聲音聽到？

swmami

無錯，始終要自己懂得分析過濾，我覺得有真實的正反意見並存才容許全面客觀的分析，世界無完美㗎！所以封神其實只可以當「吹水」封名算吧了。

swmami

老實講，有時有些真心話我都會猶豫在這裡講。

pamelaywy

首先, 請大家不要再PM 我問我是不是某一間學校, 我說過不會開名, 就不會回答. 是不是大家PM 的三幾間, 只是你們自己聯想到, 我從來沒有暗示過校名同地區, 至於點解某幾間學校令人未親身見過都有其印象, 我不知道.
另外, 我很奇怪原來 '為人師表' 就不可以在討論區說出自己的想法/見過及體驗過的事. 我的四段回覆, 第一段是回應樓主那一些類型學校不喜歡. 口不對心的學校校長及要求老師做到好夜的學校多得很 (包括我自己曾教過的), 我不明白會觸動那麼多人的神經. 第二段是回應我一個網絡上的老朋友, 回應他我不報某學校的原因和第一身的經歷, 沒有任何誇大和人云亦云. 第三段是我說一些家長認為老師做得好辛苦就等如物超所值的理解, 因為我眼見不少同行做得連家庭生活都沒有. 第四段是引用一段高人的話. 四段文字中我沒有發覺 '為人師表' 不能說的用詞, 全是自己親身所見及分析. 至於其他回應的測猜, 根本不是本人的想法.
文中所提及情況的小孩子, 如只計清醒時間, 在我家比在自己家長, 每天手冊我是第一個打開的, 每次測考我是第一個知的, 每個學校的改動我也一定要知. 那我不算用家, 也算半個用家. 沒有想針對任何學校, 只陳述情況及回應樓主的原因.
最後, 我己經不'為人師表'多年, 現在是一個留在家中煮飯洗衫湊仔的無知C9, 那樣可以發表自己對選校的想法或言論嗎 ?
我不想在此引起罵戰而影響了樓主起這TOPIC 的原意, 如果因為某些情況引起大家對號入座的不安, 我實在覺得抱歉.
最後, FSFORTH 說得對, 原來大家不明白大龍鳳是什麼意思，不是入學介紹會，可能是我這無知Ｃ９用詞太差，令大家誤會
我不會再回這帖，在ＢＫ這麼多年都無跟人開片，不想因說一下自己想法而破戒．　

JadeW

係呀！最緊要消化人地講乜， 人地話好既地方岩吾岩你個小孩，吾好既地方你又重吾重視呢！
但好多家長只接受人地讚寶貝既學校、聽一面倒的意見，吾俾人地講吾同既意見。聽下人地講乜，吾同意未講返你既論點證據囉。我覺得討論區應該俾人發表吾同意見，只要有自己論點證據，大家可以有吾同理念、吾同意見、吾同既選擇，但係講既野吾可以亂講、放流料、惡意中傷！

Twins-Baby

回復 pamelaywy 的帖子

清者自清.  心中無愧便算, 唔好咁上心, 大家都係討論一吓, 每個人都有言論自由, 敢言的人不多, 因為其他人會比發言者冷嘲熱諷.  我都試過, 但我只求問心無愧. 別人信又好唔信又好, 到佢自己有機會體驗到, 咪知真與假.  你給我們的意見, 我們定會自己分折, 因為上來的父母們都不是無知識水平的人, 都為人父母, 一定會有一定分析力, 我真希望各位父母, 大家平心靜氣傾吓, 啱聽咪聽, 唔啱聽咪笑吓.  真係要 "和諧"

swmami

pamelawy, 明白妳應該是真心發表自己的想法。

大家都要包容大家。

extra369

講得好。

Twins-Baby

大家可以睇吓呢個FORUM有好多問點樣入啲XXXXXX學校, 但家長有無想一想揀學校要有咩因素係唔會揀呢?  我想好多會揀眾人追奉的人學校, 有幾多人會想吓自己想要咩.  我揀的係我生活中認識的人辦所揀的, 因為咁多年來, 去到邊都會遇到相識的人, 看到他們的成就, 佢哋都好多謝學校的教育方法, 現在個個都認為學前教育好重要, 因為真係良莠不齊,好多家長上了小一都話涵接唔得好.  個個都知道學前教育後, 升小學問題係好重要, 將來條路點行, 都好睇小學點揀.  如果大家可以給上呢度啲未來小一學生家長一些頭緒, 真係會功德無量.  無論好與唔好, 都係意見, 請大家見諒.

solomonwong

絕對絕對不會揀d好勁，所謂神級的名校因為我想我d仔女全面發展，讀書讀得開心

kc_01k

extra369 發表於 13-3-21 07:19
我知你講邊間，全說中，十分同意，所以我冇幫個仔報。

我都知, 講中晒我朋友講嘅嘢, 但佢好慘, 仔讀緊.  

fsforth

pamelaywy 發表於 13-3-22 10:37
首先, 請大家不要再PM 我問我是不是某一間學校, 我說過不會開名, 就不會回答. 是不是大家PM 的三幾間, 只是 ...

我收PM 都收都爆, 我同你一樣都不會回答, 有刨下文一睇就知邊間...

間間學校都有好有壞的一面, 問題是好的一面是不是大家想要的, 而差的一面是不是可以接受, 呢樣野係個人價值觀, 自己想要什麼永遠是問心, 不是問人.

你肯分享你的經歷, 絕對是很難得, 我最怕有人渣住學校一兩點所謂壞處就插到學校一文不值, 聖經馬太福音7章1-6節正解釋了為什麼有這種事發生:

7:1    你 們 不 要 論 斷 人 、 免 得 你 們 被 論 斷 。  
7:2    因 為 你 們 怎 樣 論 斷 人 、 也 必 怎 樣 被 論 斷 。 你 們 用 甚 麼 量 器 量 給 人 、 也 必 用 甚 麼 量 器 量 給 你 們 。  
7:3    為 甚 麼 看 見 你 弟 兄 眼 中 有 刺 、 卻 不 想 自 己 眼 中 有 梁 木 呢 。  
7:4    你 自 己 眼 中 有 梁 木 、 怎 能 對 你 弟 兄 說 、 容 我 去 掉 你 眼 中 的 刺 呢 。  
7:5    你 這 假 冒 為 善 的 人 、 先 去 掉 自 己 眼 中 的 梁 木 、 然 後 纔 能 看 得 清 楚 、 去 掉 你 弟 兄 眼 中 的 刺 。  
7:6    不 要 把 聖 物 給 狗 、 也 不 要 把 你 們 的 珍 珠 丟 在 豬 前 、 恐 怕 他 踐 踏 了 珍 珠 、 轉 過 來 咬 你 們 。  

Twins-Baby

個人意見不代表所有人意見, 無論意見好與壞, 都係意見, 我都睇到有家長唔會揀比人神化咗的學校, 而我揀學校都係會睇校長本人,在過往, 我對學校唔滿意我都會找校長傾. 到發現個校長原來係一個做又三十六, 唔做又三十六時的樣子, 我只有怪自己唔識揀學校. 如果多一個 INSIDER可以給我知道多一點, 我係可以避免揀錯校. 所以我們多角度去睇每一間學校, 我哋先至可以比自己多一份參考.  無論好與壞, 都係一種參考.  可以比自己接受學校好同唔好之處.

JL3

原帖由 fsforth 於 13-03-22 發表
我收PM 都收都爆, 我同你一樣都不會回答, 有刨下文一睇就知邊間...

間間學校都有好有壞的一面, 問題是好 ...

其實，好多家長原本好天真、純良，亦不想比較，可惜，即使你不去比較，甚至逃避，又有用嗎？生活在今時今日的香港，你做乜決定都會比人批評！我見很多家長，考入一些名校之後，分享自己只是一個普通家庭，我認為只係想比人知道自己幾咁勁，生咗一個天才！又有一 D 人話自己小朋友手上有幾多個證書、獎狀；我還以為是奧運金牌，無非想話比人知道自己家底厚，可以有咁多金錢做訓練！實際上，你問一問這些所謂名校的校監、校長、老師，又有幾多個天生就含金鎖匙出世，又有幾多人畢業於聖保羅男女、女拔、男拔？又有幾多人的中學有標準足球場和游泳池？這些所謂學界冠軍，畢業之後，有幾多人繼續發展體育事業呢？其實，只有人生態度正確，就算屋村學校也能出人頭地，可惜，事移世逆，這種道理，已經不再合時！不喜勿怪！

VETY

其實想晒野的家長真係太多, 好多時借答野去晒野, 有正常家長問點樣為p4/p5 小朋友prepare "flyer", 都好正常姐, 永遠第一個搶答的家長就答自己的小朋友p2已經考到15個盾喎, 搏其他人"驚為天人", 呢d家長教出黎的小朋友品格真係好打有限!:;pppp:

JL3

原帖由 VETY 於 13-03-22 發表
其實想晒野的家長真係太多, 好多時借答野去晒野, 有正常家長問點樣為p4/p5 小朋友prepare "flyer", 都好正 ...

我上星期同仔仔、女女去朋友仔度開生日派對，其中一個家長，我十分佩服，不斷話自己個仔好叻，有一間神校收咗，（係九龍塘，校名），原本我都算，越聽越唔 舒服，我插嘴話你個仔好醒目 Wo ，我係校長 In 完都收啦！佢沾沾自喜，仲話係，校長猛咁讚我個仔醒目，又多獎項！我跟著來了，問而家自行階段係計能力咩？唔係計世襲、家長職業同宗教分咩？要 In 咩？你間唔係津貼小學咩？幾時變咗直資呀！要 In咁形！佢好似唔係好開心，一家大細行開咗！我知道我講錯了！