激我地你會好開心咩?

Ahling2004

孩子:昨天學校打來話你發高燒, 病左,通知你要回家. 媽媽已心急如火, 公司又唔可以臨時請左假, 就叫你爸爸回去照顧你及陪你睇醫生, 但媽媽係公司已無心機做野了, 你知嗎? 一到夠鐘, 媽媽已即時放下手上所有的工作, 歸家似箭想回去睇下你的狀況, 又趕去超市買個面,想即時回去煮餐清啖的野比你落肚, 你又知嗎? 回到家中, 都沒放下我的手袋而走入你間房, 摸下你個頭, 叫你休息,唔好上綱大機啦, 難道又有錯嗎?  點解你一聽到我叫你唔好打機, 你就發哂脾氣, 大大聲地答: 我已睡左2個鍾啦, 跟住大動作地關上房門? 我真係當堂成個人呆哂, 較竟我做錯左咩, 要令你發我咁大脾氣?點解你唔心平境氣地同我講? 點解你要時時咁來激我? 我真係唔知自已錯係邊? 係唔係我太過緊張你, 而令你反感? 孩子, 邊個父母唔緊張自已孩子生病, 難道關心下病中的你,我有錯嗎?  你的行為令我好心痛, 平時的你已對我粗聲粗氣, 無來禮貌, 勸你少打機, 勸你勤力, 不論你的態度如何對我不敬, 我都可以忍受, 總希望你有一天會開HILL, 明白父母對你的關心係出自內心的, 係為你好.  我都明白, 15歲的你正處於青春模糊期, 我可以忍讓, 可以讓你自由發揮, 但唔代表你唔好的行為言行我可以當睇唔到, 我係你父母, 我係有責任在旁教導你,點解你唔明, 點解你總不斷咄咄逼人來傷害大家之間的感情. 我真係好累,好傷心, 每次被你的說話及行為中傷時, 都令我心痛到極.  但每次我都話比我自已知: 孩子係自已生出來的, 教的唔好都係我地責任, 我要比心機去輔導你, 總有一日你會明白,感恩.  

孩子, 你已15歲有多啦, 應該要明白人與人之間相處之道, 明白父母的心, 唔好太再這樣去修我地心, 我真係好累, 好痛心. 你要我點做, 是不是大家不理會對方, 唔理你所做所為, 你才滿意呀?

Yanamami

Print the above out and slip it under his door.....hopefully he will read it.

mesmerising

一些遊戲如first person war game（第一身戰爭）等係會令正在荷爾蒙時期的少年情緒脾氣暴戾的。 打少D。
平時多D交談內容豐富的話題，閑話家常。
慢慢改，教細路急不來的。

hw1115

係唔係我太過緊張你, 而令你反感?
------------------------------------------
我覺得有機會, 但我地好難做到唔緊張bor.
e.g. 見到佢打機時, 功課係未做晒既時候, 身為媽媽一定出聲架.

cindycyh1023

做人父母甚艱難

杰杰媽媽

佢地最最最反感的一句:  唔好打咁多機!


所以我已經睇化晒,我會任佢打,打到佢悶(佢有時都話好悶),  then我會同佢講: 間中俾對眼休息下,  唔係會盲ga, 咁佢都會間中做下其他野, 所有功課/quiz又叫做攪得掂, 我就唔多講啦!  佢地一聽到呢句就會即時起晒鋼

reginayu

我都好唔明點解而家嘅孩子咁唔識尊重別人, 有時同佢地相處都覺得好難受。不過佢地可能唔知果種態度係傷害, 只係隨心而為啫。所以, 有時唔好太認真或太介意佢地嘅行為。唔係會好傷心。
你愛錫佢, 佢一定知道嘅。

karen2323

不要灰心，我女只得13歲，有時說話及行為也會令我很傷心，大家一齊努力，相信一天孩子會明白我們的苦心的。

Ahling2004

謝謝各位.
佢不斷用咁的態度, 令我唔想同佢講野, 有少少心灰意冷對佢.

orangebb

回復 Ahling2004 的帖子

我記得我14/5歲都有一排同我父母講野態度好差, 當時都覺得佢地好煩, 同埋朋輩間/學業壓力好大, 所以就成日會對父母用最發自來心嘅態度對佢地; 事隔咁多年, 我父母而家話我係咁多仔女中最細心, 最窩心嘅, 所以, 有時小朋友成長時所做的事, 你真係唔洗太認真架, 可能只係一時青少年期, 面對排山倒海嘅轉變+壓力, 未能好好咁控制情緒架咋, 仲有, 通常發脾氣都會搵熟人.

Ahling2004

仲有, 發脾氣都要睇對象架, 通常越熟就越出事
_______________________________________
好驚喔見你呢句, 即係咩意思?  
我個仔根本都唔緊張自已學業, 只係日夜打機, 咩都唔理. 至於朋輩都係打機一族. 但係人地可以控制到學業, 佢就唔的.  

Ahling2004

回復 Ahling2004 的帖子

喔, 明白. 謝謝!

Meikin

回復 Ahling2004 的帖子

你應該把這番說話印出來, 放在他桌面, 待他平心靜氣時看看..........
我有時都會趁阿仔心情好些, 大家閒談的情況下無意間向他們說說道理, 例如父母當年都經歷過青春反叛期, 但心裏反叛是一回事, 仍是可以控制自己的行為和言語, 不會對父母這麼無禮, 十問九唔應, 一言九頂的.  青春期反叛不是大晒, 我可以包容, 但不代表你可以無禮或太過份.

phoebepanpan

早前聽鄧靄霖講座，一件事講得好岩，時代不同，我地以前是清埸做好功課溫好書，才看TV，玩，但佢地生於Y世代是多功能動物，可同一時間做多種野，功課打機whats app看Tv聽歌，全都同歩進行，只要佢地做好應做不過火，就唔好再在打機問題上紏繞。
我想樓主要著眼提兒子小心盲眼，同埋提佢永遠都係做學生最好，現在只需顧學業一樣，其他時間任玩。而家不段浪費時光，將來後悔，要工作才邊工作邊讀書你就知爸媽沒講錯。
我成日用我的第一身真實例子講佢聽，當然你也要懂得說教時適可而止，
努力，我也在捱中，兒子日日話冇功課，晩晩拍片

Ahling2004

好浪費時光, 真係係無服.

Ahling2004

回復 phoebepanpan 的帖子

呢幅相, 同我個仔的情景一樣.

Ahling2004

回復 Meikin 的帖子

已講過哂呢番說話, 佢都係時好時壞. 唉....

Ahling2004

日打夜打, 都唔明有咩好打, 又唔覺的悶.  其他野咩都唔理, 日日都無功課,浪費時間. 書又讀的差, 到底佢想點. 成F4啦, 總係咁.   叫佢出街行下或一家出去旅行下, 又一句頂回來: 依家邊有人總會同父母出街或去旅行, 唔好預我, 我係唔會去.  我又唔覺係全部呢個年紀的人都係咁, 只係佢自已抗拒,扮成熟, 扮大人, 態度又差 . 總之聽在耳內, 看在眼內, 真係火都黎咪, 又唔可以教訓佢, 心裹好難受....