自行兩間撞日期、撞時間，點算?

lopoto

今日收到兩間中學寄信黎話有得 IN，本身好開心，

點知兩間同一日，（之前交表個陣，一間寫三月頭ＩＮ，另一間就寫三月，所以唔知會係同一日）

仲差唔多時間　（一間9:15 A.M　，另一間　9:35 A.M）

可以點做?

我聽日會打去兩間中學睇下改唔改到時間，但如果唔得，係唔係只可取捨一間 ?

無得ＩＮ又煩，有得ＩＮ又煩!

ohnono

看來兩間都是全in的了，時間都幾緊迫下，還要安排第二輪面試的吧！唯有兩間都試下打電話去問。先打冇咁喜歡的又沒咁大機會的那一間，如果唔得的話，最壞打算就是放棄一間。再打喜歡的和自己覺得機會較大的一間，如果第二間得就皆大歡喜喇。

Meikin

打去試吓改唔改到時間, 若改唔到就去自己較喜歡或勝算較大的一間面試.  唯有係咁啦.

琛媽

改時間應該得嘅

ohnono

學校唔會跟家長作對，亦唔會刻意為難家長。叫得你地去面試，都係有機會成為學校未來的一份子。


所以改唔改到期，好大程度係建基於學校面試當天的程序。如果人少少的，兩三個鐘已見完的話，學校大都會配合家長的調動。


但如果那些受歡迎的學校，一日之內要見晒二百多同學，跟本沒空間可以調動到。倒不如試下找相熟的同學，看看有沒有相同學校的，跟他調動一下反為可以有機會成功。

cychan39

找個不是去另一間中學面試的理由,向其中一間中學申請延遲面試,比如該日上午要比賽或其他理由.

ohnono

cychan39 發表於 13-3-1 15:31
找個不是去另一間中學面試的理由,向其中一間中學申請延遲面試,比如該日上午要比賽或其他理由. ...

千其唔好用這種方法，除非真係有其事。據知，除了家長要附上證明文件之外，包括小學的証明信，或者參與團體的証明文件之外，最容易比人識穿的就是面試老師一問你的小朋友今早去了那兒比賽，比賽的過程，參與的項目、有乜野學校參加，小朋友唔識講大話的，到時會穿晒煲！

2BMa

你俾唔到証明重麻煩

Meikin

我大仔當年都試過打好幾次電話去改時間 (無論是直資/自行), 不過原因不是撞期, 而是因為有時星期六我和老公非短週, 又或是遷就阿仔下午上網球班等, 大部份都可以改到時間.  我當時都冇諗咁多, 即管打去問下先, 改到就改, 改唔到先再想辦法喳.

chumamma

如果係我,
(1) 打電話 / 寫信要求改時間
(2) 以上唔得, 我會先去第一心儀中學面試先, 餘下來的時門比晒第二間心儀中學, 在門口等到佢比我機會為止, 我相信人心肉造, 我等到六時收工前, 佢地會通滆一下。 我估 ~~~~

ohnono

chumamma 發表於 13-3-2 23:03
如果係我,
(1) 打電話 / 寫信要求改時間
(2) 以上唔得, 我會先去第一心儀中學面試先, 餘下來的時門比晒第 ...

未正式面試，先來一個預演，看看小朋友可唔可以發揮到佢地的口才，成功說服到老師比佢地面試！

heiB

回復 lopoto 的帖子

我仔上年又係兩間撞日期，撞時間。日期同時間完全一樣。自行一學校起初不肯改，要我打去自行二學校問。自行二學校不肯改，因為佢只係interview 半天，時間緊迫。再打去自行一學校話佢知另一間不肯改，佢先肯考慮，但係要我講自行的另一間是什麼學校，最後佢肯改，但係我仔自行佢唔收。可能我小朋友見得不好，但不排除改時間係其中一個失敗的原因。
因此如改期最好改自行二那一間。

Meikin

一般學校面試只得一日半日, 時間緊迫, 如果個個可以隨便改時間, 對於學校行政上的安排會造成混亂, 所以除非你好有理由(例如同另一間面試撞期), 否則佢不會隨便幫你改.

我又唔覺得改時間係面試其中一個失敗的原因.  如果孩子成績好, 面試表現出色, 是佢哋想要的學生, 佢哋話之你是否改時間啦.