你們讀書時，在學校受過體罰嗎？

麟媽媽

香港在1990年開始立例禁止學校職員對學生作出體罰。

我可幸就讀於一女校，從沒見過有人被體罰(我指肉體上的)，但卻有同學被罰坐無影櫈、罰企在枱上、被老師用粉筆劃咀、用膠紙貼口等等….這些對心靈上的傷害可能比肉體上傷害更甚！

我老公讀小學時，學校有一酷刑叫”玻璃蝦球”！何為”玻璃蝦球”呢？
玻璃 - 實質為一把透明Acrylic膠尺，有成半寸厚架！
蝦球 – 咪就係個學生囉！佢係要爬係枱面比人打pat pat的，屈住個身咪成隻蝦球咁囉！

老公細個時總算識時務，都未受過此等刑罰，但他的不少同學試過，而家個個大了，事業有成但卻喜歡講番出來，大家都是哈哈大笑，沒半點怨恨！而且還是對當年的訓導主任非常尊敬亦對學校極有歸屬感喎！

而家無體罰了，大家以前有無受過？大家長大了，又對當時的體罰點睇呢？

肥仔媽咪

我地嗰個年代我覺得不是大問題喎只要人人平等做錯就罰, 但現在個個小朋友都是金菠蘿相信並非小朋友受唔住只是家長唔會放過你!

ykwong

人力升降机：老師同雙手捉住耳仔引體上升。

我試過一次(特登傾計)，覺得好好玩，小小痛。死未！

AWG

我以前試過給老師睇錯測驗卷上的人名, 以為我低分, 一巴打過黎, 成塊面紅晒, 其實果次我有九十幾分, 之後佢發覺出錯左, 都無做任何野.....

每次見番的舊同學都會攞番件事出黎當笑話咁笑!  笑左我廿幾年, 大家都唔知幾開心! :  相當同意小學體罰並非小朋友受唔住,受唔住的只是家長而已…..

Bambi

我細時都係讀九龍區一所女校, 而家都好多人想入讀架, 所以我唔想講邊間. 當時被老師掟粉刷, 打手板, 膠紙貼嘴試唔少, 講真心靈創傷梗係有, 但而家o的學校應該唔會law.

麟媽媽 寫道:
香港在1990年開始立例禁止學校職員對學生作出體罰。

我可幸就讀於一女校，從沒見過有人被體罰(我指肉體上的)，但卻有同學被罰坐無影櫈、罰企在枱上、被老師用粉筆劃咀、用膠紙貼口等等….這些對心靈上的傷害可能比肉體上傷害更甚！

idyhk

我讀小學時個訓導主任好惡架,係Miss黎,如果唔交工課,佢就會罰打手板,但唔係用間尺,係用5條滕條扎埋一條,好似支木棍咁,好大力咁每邊手板打10下,而且唔准縮,縮一下就打多10下,好難頂架,兩次都打到隻手腫晒,攞起支筆做工課都痛到想死,俾佢打過兩次,以後都唔敢唔交工課,其實真係有o的阻嚇作用,諗下如果個時無俾佢打過,自己可能真係會掛住玩而唔讀書同唔交工課,記缺點同寫手冊,當時個年紀根本唔會明白有咩唔好,只係知道攞比阿媽簽名會罵到或打到死!

my_tabo

讀幼稚園o既時候, 我上堂成日同同學傾偈, 攪到比老師罰我跪, 返到屋企媽咪見我膝頭黑晒, 就知我比老師罰, 不過媽咪話我唔乖係應該比老師罰, 而我亦會因為比老師咁樣罰而有所警惕。

小學o既時候又係衰多嘴, 試過比老師用膠紙貼口, o個時有d同學就特登用口水"lam"到張膠紙黏唔到, 攪到老師要幫佢換過一張, 不過我就唔敢'lam', 我當時都唔覺得膠紙貼口係體罰。 以前比老師罰過跪同膠紙貼嘴, 我都唔會覺得自尊心受損, 我只係覺得自己有錯係應該比老師罰, 老師都係想教好我o地o者! 老師咁樣罰我o地, 都係想我o地記取教訓, 唔好再犯同樣o既錯誤o者!　

judy

不錯，以前教師較為率性，動不動就體罰，花式多多，够晒創意。有時打完也不講原因，要學生自己動腦想。百厭的學生也花款多多。現時之學生，只會看書，樣樣要教，做錯事，錯甚麽，都要教。

一天阿大和她的鬼佬先生傾偈，鬼佬先生想當年之百厭史，阿大為之神往。回家，說要在離校前整蠱一吓先生，留下紀念。他想了幾天，想不出花樣。结果，到圖書館借了一堆書回来。

真係一代不如一代。

阿早!

梗有啦, 打手板, 用膠紙封口(我覺得最瘀), 罰企......男仔慘d, 唔只打手板, 仲有用木條"dum"腳趾.....
最有印象係有個miss唔俾我地整"巢"d notes, 試過有個男仔係咁, 被罰lunch去家政室燙返直佢....

Bluestar

唯一係罰企 - 小息時站在教員室外看別人玩自己無得玩又全人類都知是受罰。

Bambi, 估唔到你地咁慘。

WYmom

Yes, I was beaten by teacher using ruler even I got 100 marks in dictation, as I forgot to ask my mom to sign. :cry:  :cry:

kitkit218

祇有打手板

瑄婷

罰坐無影櫈
罰抄

yinyin

如果遲到, 可以比你選

1)罰洗廁所
2)罰企教員室門口

MonicaY

打手板, 那尺很厚的
銜鉛筆 (不准說話)
無影椅

chichima33

打手板(忘記帶書) - 蘇浙P1, 罰抄 (上堂傾計) - 蘇浙P5,P6. 我哥哥就打Pat Pat (番學遲到) - 高主教小學. Hehehe..我重記得個老師!

ChiChiMa33  

Bambi

妳學校個嬸嬸咪好得閒? 應該基本上日日都唔使洗廁所啦!

yinyin 寫道:
如果遲到, 可以比你選

1)罰洗廁所
2)罰企教員室門口

DESP

In P.2, I was beaten because I forgot to write the date on my homework.  In P.6, eveyone in class had to buy thier own wooden ruler (one feet long). We have to give the teacher our own ruler for being beaten.  After an examination, the whole class lined up to be beaten for not completing every blank.  One blank on beat.  I had 8 blanks in that paper.  So ----- 4 beats right hand, 4 beats left hand.  Wooooo!!!!!!