我應該放棄龍校嗎?

manabcd

仔仔依家k1,入左一間龍校(唔出名的)，依間學校又唔算話學術上好追人果隻，叫做有小學中學，小朋友多來自外藉家庭，自覺其視眼光冇咁多，仔仔都鍾意返學，好習慣。

事原阿仔開學前先check到自閉傾向(語言發展慢同比較活躍)，已告知學校，班主任其實都好有心幫我睇住阿仔，開學左一個月，仔仔開始左一連串練訓，行為上出現倒退，老師一直有同我溝通，有一日小學部一位我忘記係咩assistant打比我，話仔仔有d行為上問題，字裏行間問我點解唔申請i位，仲教我點去爭取i位返黎(醫生只比我排e位， 覺得仔仔可以係普通學校就讀)，佢話佢都讀過特殊教育，真正幫到仔仔係特別訓練，我同佢講我都同意，係開學的同時已經入左私人s位，佢先冇出聲。果刻好想喊我問佢點解剛開學小小機會都唔比佢適應下，一間新學校仲要一連串訓練，佢都要時間適應，最後佢都兜返話會比佢試下。

半個學期已過仔仔進步好大，只係語言仲差 d距離，學習上老師覺得佢有好多野叻過其他同學。冇再聽老師投訴佢，只聽到讚賞嘅聲音，老師都對佢好好。那位assistant也冇再找我。

到阿妹跟尾去教這間學校，本來兄弟姐妹係優先考慮，阿妹係細女，對外人好慢熱怕丑，但佢2歲就生到3歲身形，面試果日都未夠2歲一定輸蝕d，大圍考試唔特出，單對單需然有做到老師要求，但一粒聲都冇講，相比其他細仔阿妹算好好，只係個樣似大仔啫佢地應該有睇年齡架，有機會嘅(心諗)。最後好失望比個waiting佢，冇收佢。

突然我聯想到係咪關阿哥事?
依一刻我好想讀完個k3唔上佢嘅小學轉去讀村校(真係鄉村學校果隻)，我會唔會諗多左?

再諗返佢個教學理念：以學童為本??????老師做到辨學果個又係咪同樣做到呢?

magicscat

我想唔關事，係今年太多小朋友爭學位。
我仔仔報了幾間都唔收，Miss話今年約3XX人爭一個學位，另一間仲800人爭

YingYin

不需要理會學校的暗示,我亦經歷過,亦要求轉往I位,話對小朋友好之類.....
給小朋友時間,上午私人S位是正確選擇,半年後,你會發覺小朋友進步神速

manabcd

原帖由 YingYin 於 13-01-28 發表
不需要理會學校的暗示,我亦經歷過,亦要求轉往I位,話對小朋友好之類.....
給小朋友時間,上午私人S位是正確選 ...

多謝你嘅鼓勵