水邊圍的協康密集訓練

wilyun

請問有無家長返緊水邊圍的協康密集訓練? 突然協康會打黎話有位, 我仲心大心細緊... 因為都要4950一個月, 最重要有無家長都返緊, 而係真係有用的呢?

lambk

之前協康海富也call我有位,我立即話ok，中心姑娘會約你及小朋友interview,你可問他們的課程的詳細，他們也會帶你參觀中心的,然後1、2天內回覆。
They are nice and helpful.
To me, Hoi Fu environment is very nice and they have 3t group training and the teacher seems experienced thru interview.
However, I give up the place finally because my kid is over 3 and their course is for 2-3.  My kid could only stay there for 1 to mostly 1&1/2 yr. And his ability develop quite ok in private s centre, therefore I stay in the private s centre.

wilyun

我今日問協康果個小姐話,要明天覆實佢要唔要個OFFER,所以我都未決定到,我問是否可以去到先約見,後再決定?佢又話見得中心姑娘就代表我接受個OFFER...

請問邊度有私人S位? 其實協康果個密集(水邊圍只有三日)佢 話只有特殊幼兒導師帶,唔會有3T支緩,所以我覺得比成五千蚊一個月,得三日仲要無其它支緩...好似有D貴同唔係我想要的!

基本上我現在一星期返五日N班,另再加一星期一次小組PG,再加一個單對單訓練,仲可以比多個小組訓練比個仔返,又唔使特登CUT左N班咁... 你覺得我係咪都應該去睇左個環境先再決定?

jjcow

原帖由 wilyun 於 13-01-08 發表
我今日問協康果個小姐話,要明天覆實佢要唔要個OFFER,所以我都未決定到,我問是否可以去到先約見,後再決定?佢 ...

唔好cut n班，我覺得如果學校包容嘅，返N有普通小朋友刺激進步快好多。我舊年都係返N班+一星期一次個別幼師+星期六小組平日夜晚操佢小肌。

jjcow

原帖由 jjcow 於 13-01-08 發表
唔好cut n班，我覺得如果學校包容嘅，返N有普通小朋友刺激進步快好多。我舊年都係返N班+一星期一次個別幼師 ...

之前睇某會員post過，手指運動越多越靈活，啲腦神經會生得多啲，連接得好啲。exactly點講我唔記得喇，總之我睇完之後就日日同佢練小肌啦，我覺得效果唔錯。唔駛錢又無副作用

lambk

回復 wilyun 的帖子

wilyun,

pls check PM.

misshk12

我小朋友返緊N班同埋協康的3天訓練，但不是元朗區。N班返得非常好，唔好cut呀？但你預左小朋友那3天會很累，朝九晚五無午睡，大人都肉赤。

老實講，我最初對協康會訓練的期望很大，但上左四個月，係幾失望的。但又唔敢quit。希望你果間的導師好D。

jjcow

misshk12 發表於 13-1-9 09:55
我小朋友返緊N班同埋協康的3天訓練，但不是元朗區。N班返得非常好，唔好cut呀？但你預左小朋友那3天會很累 ...

其實我唔主張上午返學下午訓練幾個鐘。一日半日還可，日日如是千祈唔好，尤其兩三歲。
呢個唔係大人肉唔肉赤嘅問題，係我認為 A 仔係腦有損傷，兩歲幾個腦仔仲發育緊，應該要注重睡眠。

一定要俾佢訓覺。普通小朋友都要靠睡眠幫助腦部發育。
不過我都明白，心急係人之常情，「黃金期」呢三個字實在將我們家長壓得透不過氣來。

以上純屬個人意見。

wilyun

回復 jjcow 的帖子

請問train小肌係咪要搵職業治療師? 我剛reject左協康的offer了,我諗清楚,個仔會好辛苦, 我唔想大家一齊辛苦,返咁多, 我寧願彈性大d, 比佢返d小組, 一個鐘果隻, 又可以比佢keep住有d進步, 始終我知呢類型小朋友係迫唔黎! 好似講野咁, 佢真係唔講我都吹佢唔脹一樣!! 哈哈!

其實現在n班返得ok, 我都唔想quit, 所以會再搵d單對單訓練比佢會好少少! 我現在就咁, 一星期返n班五日, 再返一個小組(1個鐘3個字), 再搵多個小組或單對單訓練, 星期六,日就帶佢出去遠d 0既地方玩下, 接觸多d小朋友~等佢社交再好d!

另外, 我都覺得呢兩個月, 個仔的小手指真係靈活左好多, 唔似得以前咁硬掘掘!! 可能真係個腦靈活左有關, 另外我發現我個仔的面部表情多左喎! 係咪都係個腦仔開始發育多左呢? ^^

wilyun

回復 jjcow 的帖子

多謝你的意見, 我已reject左協康果個訓練, 現在期待新的小組班開始~ ^^

jjcow

wilyun 發表於 13-1-9 11:03
回復 jjcow 的帖子

請問train小肌係咪要搵職業治療師? 我剛reject左協康的offer了,我諗清楚,個仔會好辛苦, ...

咁有 OT 望下，評估下就梗係好啲啦。不過都係要靠自己日日同佢練。去做 OT 其實都係學技巧多，咁有真人示範就梗係快過睇書啦。不過 OT 真係好貴，如果財政緊拙，又唔係有好大感統問題，試下自己嚟。

我記得協康好似有本書講小肌肉訓練。另外你可以去努力試個度買《衝破障礙》一系列嘅書。好有用。

其實普通小朋友都要訓練小肌，幼稚園都會做，不過我地啲仔最好再密集啲同佢做。

我仔初頭係攞銀仔入下錢箱，執下珠仔（用頭二指），穿珠仔，後期就撕紙，剪紙。反抖城都有好多玩具可以訓練小手肌嘅。依家好多玩具盒面都有寫有咩功用。

wilyun

回復 jjcow 的帖子

thx for your sharing! 最衰我個仔係一無興趣就掂都唔掂... 所以撕紙果d都仲要慢慢比佢試... 執豆仔我有比佢,佢又係執執下又唔願執, 仲要玩野倒落地... =.=

jjcow

wilyun 發表於 13-1-9 11:26
回復 jjcow 的帖子

thx for your sharing! 最衰我個仔係一無興趣就掂都唔掂... 所以撕紙果d都仲要慢慢比佢 ...

所以其實搵下個別幼兒訓練都好架，係導師面前佢要做野，返到屋企，我再同佢講，依家做功課。所有訓練我唔會同佢講：媽媽同你玩。
我一開始全部講：做功課，等佢習慣咗，方便第日返學嘛

另外，有人同我講過，一個好嘅幼兒導師其實可以兼顧到智能、言語同大小肌。當然如果阿仔係嚴重嘅，就要搵番專科啦。

我無乜水，所以一直都係靠幼兒導師，直到攞到 e 位。

wilyun

等我又試下咁先, 但我諗要再睇埋佢係咪耳仔都有問題, 因佢有時好似聽唔到我講野, 我帶左佢去做聽覺TEST,話佢聽力無問題, 係耳壓(耳膜唔識郁...)係負數... 唔知有無影响到佢聽野都差D...

pgbaby

請問咩係耳壓ar? 會有咩影響ar? 聽力問題？定聽覺敏感？

wilyun

回復 pgbaby 的帖子

其實我都唔知呀，我現在同個仔睇緊中醫先！

Vichang

想問下你排左協康幾耐?我呢邊要排成十幾個喎，我就恨讀呀，因為囝囝今年9月先返主流PN, 如果佢一足2歲有得讀都几好喎。

wilyun

回復 Vichang 的帖子

可能我仔大D,所以佢地早左比位我,但我現在都有D後悔,我想JOIN返協康唔知有無呢~

Vichang

其實同區有得讀都几好吖，你可以試3日果隻嘛。我尋日見左社署姑娘，佢乜都叫我去排協康，因為近屋企，始終出去九龍讀私人又貴又遠，不過我一日未排到協康，我都會出去做私人訓練啦。