小一生的家長

PTMCYS

請問你們子女的學校, 會否開始教小二書本? 我仔仔的學校, 已要求家長買小二書, 並將會在稍後教.
其實唔知這樣是好是壞.... 但如果學校有些同學連一年給的成績都不太好, 這樣會令他們百上加斤

更新, 其實我選校真的忽略了解會否提早半年讀高班的書, 只是詢問家長了解學校是否活動教學, 學生的品格, 家課多唔多, 派位好唔好.
但對我來說, 都算OK, 因為仔仔成識暫時都係較好果班, 同埋我都有提早教佢一些高班的課程. 但只是聽了我姐姐這樣說,  覺得可能對基礎真的有影響, 所以跟大家分享下, 睇下大家有咩睇法.  

momama

唔少學校一年級開學時已用二年級書，唔係乜新鮮事。呢個做法啱唔啱，唔使討論啦。最重要係揾學校時了解清楚。

lcys

家長們要努力陪小朋友一齊讀書。如果小朋友在幼稚園的時候未受過催谷，上了小一就要讀小二的書，的確很辛苦!所以爸媽要陪他們一齊越過高山，越過谷。

PTMCYS

回復 momama 的帖子

這個真係無了解, 其實我家姐的朋友仔仔同女女都在這裡讀, 佢地話已是區內較好的活動教學小學, 同埋工課唔多, 在區內都多人爭, 但讀了之後好似唔係好對辦......出了事(指功課)! 但都無後恢, 見仔仔讀得都幾開心, 同埋學校暫時D 同學都算斯文.

PTMCYS

回復 lcys 的帖子

妳說得對, 我仔仔又唔係天生愛讀書, 又唔係讀書的資優(未驗過,但都知唔係, 唯有父母辛苦D啦!)我當時選了間開心的幼稚園, 所以程度都幾淺, 但佢讀得好開心,老師亦很有愛心.

不過都有同佢番課外堂, 谷過下, 所以成績都算OK, 但聽仔仔說佢果班有D同學成日默書0蛋,所以小一課程都未掂, 點讀小二呀? 有時衰D唸,又小左D人爭,但又覺得唔知點咁...

另外, 我姐姐的兩個仔仔, 都大個了,大仔入了港大, 細仔仲係英華讀(精英班), 她這樣說,大仔當時讀的小學, 沒有跳課程,課文全部教晒,所以大仔的基礎很好, 對佢升學的根基有好大的幫助.但細仔讀的一間小學,經常跳課程,所以之後讀高年級, 發現一些基礎不夠,要再補番. 雖然我唔知個細節係咩, 但聽落都有D道理....

Jane1983

既然都讀緊，唯有家長跟緊d。

初小課程太深，詬病已久，但我地短期內改變吾到世界，唯有幫小朋友適應。

小學好重要，基礎打吾好，讀上去係好辛苦。

hadwinboy

原帖由 PTMCYS 於 13-01-06 發表
回復 lcys 的帖子

妳說得對, 我仔仔又唔係天生愛讀書, 又唔係讀書的資優(未驗過,但都知唔係, 唯有父母辛苦 ...

我有個朋友的仔仔讀那間男校，所教的中文課文也是很少，我朋友唯有襯放假時自己教埋佢。

chanwendy

其實作為家長的, 理應對應否教快有個人立場的, 在選教時就應作相應安排, 而唔好等到讀讀吓或者買書時先發現與個人意願相違背.  我女學校冇教快, 選校時就清楚這點的.

elizatyy

一年級下學期用小二書還ok

kp_sin2001

發覺好多間好既學校必定教快半個學期, 私校直頭教快一個學期添, 這係社會風氣, 無得講, 入得這些學校必定有心理準備, 否則選擇二線學校會好啲

momama

所以開頭我已經話唔使爭論！你話有問題時又有好多人搞得掂，最緊要揀學校時了解清楚，跟唔上就轉校，否則大人小朋友都惨。

猪猪侠

不知是真與否。聽聞某名校新學年小一登起時，派給家長們小一及小二的書
單，並告訴他們幫小朋友暑假時溫習小一課本內容。並說到開學時便會直接教授小二的課本。
姑勿論謠言是真與否，香港名校就是把小孩作為它們爭取排名榜和TSA好成績的工具。可憐小孩日操夜操，學校從不檢討到底是對小孩是好是壞。總之、校譽要首。
偶然有家長質詢教學方法，學校反應是你們大可轉校。爭相進入它們名校的大有人在。最後、我們一班家長們亦只能黙黙接受。再拖著疲累的身軀和心靈，回家操練去也！

chanwendy

猪猪侠 發表於 13-1-8 13:52
不知是真與否。聽聞某名校新學年小一登起時，派給家長們小一及小二的書
單，並告訴他們幫小朋友暑假時溫習 ...

但香港亦有好多家長, 指定要入呢啲教高一級的學校喎.

k_lego

我女讀2線普通津校 中文一開學用小二
佢唔係讀谷既幼稚園, 但中文科成績比我預期中好..

momama

原帖由 k_lego 於 13-01-08 發表
我女讀2線普通津校 中文一開學用小二
佢唔係讀谷既幼稚園, 但中文科成績比我預期中好.. ...

所以我認為係家長嘅問題，多過學校。做家長嘅責任就係揾一間認同嘅學校！

k_lego

momama 發表於 13-1-8 20:48
所以我認為係家長嘅問題，多過學校。做家長嘅責任就係揾一間認同嘅學校！



  ...

好多人認同既係名氣..

momama

原帖由 k_lego 於 13-01-08 發表
好多人認同既係名氣..

如家長只認同名氣，要受苦果就唔好呻，簡單。最惨係如上面媽咪提出，二線津小都搞呢科，又真係死火。

k_lego

momama 發表於 13-1-9 07:58
如家長只認同名氣，要受苦果就唔好呻，簡單。最惨係如上面媽咪提出，二線津小都搞呢科，又真係死火。



  ...

係咪都係講緊我呢?

其實我一早知佢中文教快, 不過對學校有信心.. 最重要係我唔係貪呢樣先簡呢間..

更加唔係人地話好就二話不說報呢間

反而係我選呢間時, 個個話我傻