父母背景、地址、職業？應該無關係。

Bmwbobo

父母背景、地址、職業？應該無關係。

係EK見到好多爸媽因為報Kindergarten，就覺得會唔會係自己既background唔好，而影響小朋友入讀機會。我唸我既經驗可以話俾大家聽「應該無咩關係」，入讀到相信都係小朋友自己表演好先有offer。

如果學校係睇父母background，我相信我的小朋友點都有一個offer，暫時我b係無offer。

我地父母兩位都係band 1A小學畢業（一位係九龍應該最多人報名既男女龍校畢業，另一位亦係一間非常出名的區內小學畢業），兩位都係出名大學畢業生（有碩士），大公司高職位，住址應該都不錯 (可以叫豪宅區)。不過，我既小朋友都係暫時未有offer。

打呢段野唔係想show off，只係想講我相信好多學校都係睇小朋友表演，我個b係比較慢熱、同講野比較慢（暫時都係好多單字，亦可能係同時學英普粵）。我自己一路收reject letter一路都好灰，成日唸係米自己教得佢唔夠好。好多朋友apply international school，但我想俾佢讀local school，所以要繼續參與呢個interview process。而家自己平常心，相信總有學校收佢讀書，上天自有安排。

恭喜已有理想offer的家長，希望未有offer的家長不要灰心，繼續努力。

lovecupid

唉....幼稚園的世界，總有極端例子....樓主加油

wankapo

原帖由 Bmwbobo 於 12-12-06 發表
父母背景、地址、職業？應該無關係。

係EK見到好多爸媽因為報Kindergarten，就覺得會唔會係自己既backgrou ...

u apply pn or k1?

tam_bb

我覺得主要係睇大B定細B、小朋友表現。如果小朋友表現好，當然機會大。如果兩位小朋友表現差不多，就會揀大B。

sylviawang

加油啊，我都係用平常心去面對這個遊戲，除左個人品德外，堅持入學前不會train up。我覺得小朋友都係有獨特個性，最清楚小朋友只有父母，你高學歷相信也知道怎樣教小朋友是最合適的。希望快點有學校欣賞你小朋友，比個好offer.

金盆洗手

如果無關，點解份份application form 都要填？ 地址係用作通訊作用，但係我知有學校唔主張住得遠嘅小朋嚟讀。

至於父母學歷，職位，工作地址等，點解要填就呼之欲出啦。有啲仲要填埋父母出生地呀！

waiting046

我覺得會有D影響...
如果兩個小朋友的面試表現差唔多, 而學校只餘一個位, 大家認為會點揀? 難道會抽籤咁兒嬉嗎? 咁緊係睇下其他資料再選擇啦! 唔通會揀個住沙頭角去港島區讀書咩? 相反個小朋友面試勁差, 就算爸爸高薪厚職, 高學歷FTM, 都冇用! 如果唔係張報名表填咁多野嚟為乜呢? 好似請人咁, 除左睇學歷, 仲要睇經驗, 甚至住址, 道理相同.

純粹個人意見, 不喜勿插!

cyyuen0120

waiting046 發表於 12-12-6 11:44
我覺得會有D影響...
如果兩個小朋友的面試表現差唔多, 而學校只餘一個位, 大家認為會點揀? 難道會抽籤咁兒 ...

Agree 份APPLICATION FORM 要填父母學校﹑職業等資料,都係想知道學生背景是否優良,如果普通的能入選,唔代表學校唔睇,只係小朋友有超越表現,唔收對唔住自己...哈哈!!

babychinglok

我諗都係一間間

ANN222

我唔信無關, 只係人地背景比你更好, 你有好職業但唔係 FTM 已蝕章

mamavee

Add oil .

金盆洗手

有高學歷但係做金融ibank都有負面影響，因為怕你大忙壓力大照顧晤好小朋友

tobaby2010

平常心，睇緣份. According to your background, u can train kid up later. No worry. Only band "a" student, no band "a" school !

oooasis

背景多少有關連，如果唔係就唔需要填寫。

地址：睇遠近，校網，有無校車到。
父母工作：睇階層，大約收入水平，對學校是否有幫助。企業高層無咩用，學校又唔識，有用應該係d音樂家，醫生，明星等，可以來學校演講。或者名校任職的教師。
父母學歷：如果小學是名校，咁仔女世襲入名校機會高左。但如果爸爸讀男名校，但囡囡考，就無幫助。或者父母間名校係收返自己幼稚園學生，咁幫助都唔大。

當然都要綜合面試表現。
背景唔錯，但面試不得老師歡心，一樣會唔收。
有些背景好一般，但面試表現好好討老師喜歡，一樣有機會。
當然，面試平平，但校長覺得，“佢背景唔錯，對學校有幫助，收喇”。相信都好多。

ltcx1x1x1x1

我覺得實有關係, 尤其是那些有名的學校. 當然學校會先睇學生表現, 但如果達A級表現的小朋友多過學校本身的學額,我覺得學校一定會在別的地方作比較, 例如, 家長背景, 學歷, 工作等等..

terryctf

樓主好天真

KTP

實有關係, 家長學歷, 工作職業, 住址係會看的, 小朋友不是太特出, 但家長各方面都好好, 去年考k1, in 10間有9間 offer.

Bmwbobo

其實我純綷都係分享一下，因為見好多EK mom都覺得同地址/background有關，我自己就覺得應該首先睇小朋友既performance，如果真係幾個差不多既情況，可能先睇一下父母background~  

可能我既情況都係因為自己報既都係熱門學校，不過我會繼續去in餘下既幾間，希望最後都有好offer。

另外，我出呢個post都係想講，有名幼offer既家長，相信都係放好多心機係教小朋友/train佢地去interview。我自己其實就無做過，比較後知後覺，到去完咁多interview先發現原來好多小朋友咁叻叻，識講咁野多野，又識做d task。自己小朋友表演比較之下非常一般。所以純綷想分享一下。

Jane1983

KTP 發表於 12-12-6 14:16
實有關係, 家長學歷, 工作職業, 住址係會看的, 小朋友不是太特出, 但家長各方面都好好, 去年考k1, in 10間 ...

佢吾突出，但肯坐定吾郁！

好多學校鍾愛收，美其名係鍾意佢「受教」，其實係方便課堂管理。