談談victoria

Jane1983

回復 vhunghk 的帖子

課程間間差不多，呢間係新校，track record無其他咁長，看得出校長和老師都好有心想搞好間學校。
不過佢班數少，有好多位留給pn和有sibling的考生，其他考生就比較難入。

MrBeast

nlj1216 發表於 12-12-6 17:07
Which campus is deemed to be best out of all the Victoria campus? Syllabus, teachers, primary alloca ...

Might consider causeway bay, belcher, north point (not in any order).
Ps, not a Vic parent.

ajfamily

我係維記家長，課程確唔太淺，尤其K3, 但若為考直資私小，家長肯定要全力谷，單靠學校，應該有難度。數學偏淺，英文串字都要谷，始終佢地教法唔係傳統嗰種。

Maldives

完全同意。天天都有功課 ，好多活動形式，如剪報，網上的每日一篇，工人都幫唔到。平均都要一兩鐘先完成。

sandywyy

我個女讀緊何文田維記K1, 基本上comment大致幾好，由當初interview到開學到宜家讀左幾個月都好滿意，囡囡讀得好開心，又話鐘意啲老師，又鐘意同同學仔玩，講多左野，主動左（可能因為大個左）。學校裡，老師、校長、姑娘、校工都好nice，校長成日都好好笑容，日日返學都企喺門口同家長小朋友講早晨，仲有一次，放學後囡囡賴喺學校玩，佢見到校工姨姨食緊梨，佢又想食，姨姨俾左塊佢食呀。
功課唔算太多，個個星期一份數學邏輯功課，一份關於文字嘅功課（搜集圖片），圖書閱讀（一本英文、一本中文（跟習作）），數學活動，全年有4個單元（搜集圖片），每個月的生日會有不同主題，要幫小朋友打扮，聖誕要整裝飾。。等等。
。。。待續

sandywyy

有時學校有些活動給家長參與，例如：IB workshop, phonic workshop and story telling workshop 讓家長知道怎樣教導小朋友; 又有次長者日讓小朋友帶家中老人家回校睇佢地表演；sports day 一齊去玩；仲有家長可義務回校同小朋友講故事、生日會玩遊戲、旅行日幫手照顧其他小朋友。。等等。

雖然冇HSBC同救世軍咁跟小朋友跟得咁貼，不過家長朝早見到老師都可以同佢了解小朋友嘅進度，有咩都可以問，或者下午打電話同老師傾。都OK嘅。

宜家諗番上年interview，維記嘅interview算唔錯，可以入campus俾小朋友玩住等（只要你跟佢編嘅時間去就唔駛等好耐，出面有啲要你去到再排隊，小朋友點同你喺外面排咁耐隊？！），入到去幾個小朋友坐喺度一切玩具（每人一份玩具，自己揀），然後老師黎問你想用中文定英文in, 跟住story time由NET老師講故事，講得好，夠生動，夠大聲，小朋友先聽到，課室佈置又好，佢地喺軟墊聽故事，聽到我囡囡"pa"喺度聽，好少咁專心gar, 唔似學之園2groups一間房, 個NET講野細聲冇乜表情，隔離又嘈，我自己都聽唔到佢講乜，個班房好cool一啲都唔warm (means decoration). 同埋唔駛一對一坐埋張table好似大人見工咁。不過最後聽歌跳舞嗰part播中文歌，囡囡唔鐘意，盹晒。
。。。以上是我的經歷加感想

vhunghk

回復 Jane1983 的帖子

Thanks for the information!