大女細女都成日發脾氣,點算?真係煩死

celialing

大女同細女都成日發脾氣,無論事無大小都係咁,都唔知點算\

大女(7歲)
早上起身會發啦,
食早餐唔係佢想既會發
放學回家要佢貼眼會發(因有一隻眼有遠視)
要佢練長笛會發\
要佢拉根會發(跳舞)
叫佢執野會發
要佢做補充會發\\
睇完功課啲字好肉酸,要再寫過會發
改功課又不耐煩
如有玩電話遊戲叫佢收機會發(講緊係有時都耐咗成半個鐘至一個鐘,唔係成日,但有試過一個鐘,重點係無論時間長短都係會)
叫佢訓覺會發

重點係:佢兩個都係婆婆湊,婆婆都係好舊式教法,佢地成日咁樣,婆婆又覺得佢地唔尊重,又話勁啲,跟住佢地情緒會更澈動,三日唔埋兩就會打俾我,你個女又發脾氣,好似叫佢幫我做野咁,依家係佢自己既野,提佢做重係咁態度,唉!真係好頭痛

以上全部野都係每日發生緊,我就快傻啦

細女(5歲)
佢無咁嚴重,但只要件事唔順意就會即時變臉,但如你不理佢,等佢自己冷靜完,佢就會無事,不過如果同其他家長小朋友一齊去銜咁就唔係咁好囉!
E.G:有一次,上巴士時佢想同一個小朋友坐(一齊搭車返學),點知個日人地有MAMI同婆婆一齊,咁對住坐個啲中間位(4個位,都坐咗3個｣,咁DADDY就覺得唔好啦,佢一個人坐你人地度,人地要睇實佢,所以話唔好,咁佢就好快咁衝咗去最後,好嬲咁,其實中途婆婆已經話[來啦,來呢邊坐一齊啦]咁我地都有話,咁你去啦,一齊啦,但佢已經怒火中燒咁,[唔坐啦,唔洗啦]如果你再講,佢會話[都話唔坐啦]
佢就係成日都會有咁既,有好多不同情況大小事,佢都會咁,但要佢做佢應該做既事,佢就唔會好似家姐咁囉,好似好少少

celialing

你地小朋友有冇咁樣架,你地會點做?指教下

Jane1983

你打算點做？

smallfoothk

我的小朋友都正在打game,等佢玩完先算

Good-Luck

理應由現在開始，要比小朋友知道，主權是父母的，聽父母話是應該的。
如小朋友做的不對，作為父母應該堅持的。
起初真的要狠心些，要軟硬兼施。
以及，需要家人齊心的。
我深信 3歲定 80，所以，我的小朋友由半歲開始我會教他們做人的道理，唔理當時他們聽得明與否。
所以，現在他們都 ok 架。

Jane1983

其實系咪樓主家人都系脾氣好剛烈的？ 所以小朋友有樣學樣？

據樓主所講情況，外人看就覺得好難接受，真系要幫小朋友改善脾氣問題。

pandean

最近我也遇到這種難題了。下雨天在家教仔仔打乒乓球（對牆打），他次次都能從開開心心打到發脾氣的。他總想更好，不能做到就抓狂發脾氣。仲好惡添，恨不得用球拍打爛個球，次次批評，他道歉改正後次次都再犯的。我都很擔心他這種心態日後面對困難不知道點算。

CarmenJack

佢兩、三歳時開始，我會用張心比己和同理心教囝囝，同時會當佢發脾氣時我地係唔會理，由得佢自己發，就算喊都唔理和我們亦都無鬧佢，只會同佢講發脾氣是解決唔到問題，記住要堅持到底，千萬不可屈服於小朋友在發脾氣時的要求。記緊

Yanamami

Discipline呢家野要從2歲(或更早)開始做起. 由外婆(或工人)湊唔係自己湊係難搞d. 正如樓上講, 要俾佢知邊個係boss. 叫起身/ 食早餐/ 做功課.....發脾氣咩? 可以唔起身(自己同老師解釋為乜遲到/缺課), 唔like早餐唔食捱餓la, 唔做功課都OK, 自己同老師解釋. 每次講明打機30mins, 叫收機時發脾氣嘛, 扣一次無得玩. 要俾佢知發睥氣都無用, 大人唔會忌佢.

豬C奶

我個女2歲同你一樣，唔知佢做咩事，扭咗先，我仲有對孖囝9個月，攪到我找社工傾，情緒失控，就來睇埋精神醫生，湊bb本來開心，但唔明佢地，佢地又未識表達

Jane1983

你個case又吾同，可能女女一下子有兩個弟弟，分去父母大部分的attention，佢扭計係無安全感、想父母留意，或要make sure你地仲係好錫佢。

ANNAFRIEND

celialing 發表於 12-12-4 17:43
大女同細女都成日發脾氣,無論事無大小都係咁,都唔知點算\

大女(7歲)

我女女又係7歲, 大女最近又係成日發脾氣, 旭下就發.  叫佢只要佢唔想做的就比面色我睇. 我當然係堅持啦, 佢就攪靜坐. 如果唔係每日功課多羅羅, 我都有得佢坐. 最慘係每日要趕功課, 又要練琴, 真係冇時間同佢玩野. 佢愈唔做我愈嬲, 見時間一分一秒甘過去我就仲嬲. 我愈急就愈大聲鬧佢. 攪到大家關係都好差. 之前都幾聽話, 唔知係咪人仔大左, 開始有自己思想主見, 所以會反抗. 但呢個轉變我仲適應緊, 之前話哂幾聽話, 突然轉變我就接受不了. 兩姊妹又愈大愈多問題, 好似前世有仇甘.而家每日都要同時間競賽, 真係唔想浪費在無謂事情上. 我都想知道點處理小朋友的情緒.

QOOGIRLZOE

朋友你既情況我受左了，你等下啦！7歲半會好點，因半年一個週期，我受既比你嚴重呀！公司、亞婆、亞女、老公，亞婆5明打去公司講比我知，兩婆孫都喊哂！我在公司咩都做5到，唯有一放工就走，坐的士返到去一個嬲爆，一個喊爆，煩死我，有一輪唯有準時放工，點知到加人工時個死佬板話我準時放工即是冇野做喎！我拎番屋企做佢全不知，到我唔拎返家做，在公司做佢6：15（我放5：30）又問我幾時可以比佢鎖門，佢要十分鐘內走，再加埋一老一嫩扮哂野，嫩既跟我但野我做，老既不是我跟佢又只意我做佢領工，老公又5願聽我訴苦，我又擔心個女成績差，簡直人都din! 後來唯有自己想通點，比時間諗清楚先講野，節奏慢點，現在好一點了，最重要既係今天嬲完算，因為明天仲有新野嬲，嬲下嬲下都放鬆了，仲覺得好好笑添！不過個女既情緒現在已7歲半好左好多，但間中都仲有不知為何哭，朋友說要看心理醫生，我沒有理，因我會是她唯一最好的心理醫生，因為我會想辦法去慢慢解決，不要急所有事總有解決方法，對嗎？

celialing

原帖由 Jane1983 於 12-12-04 發表
你打算點做？

通常佢地發脾氣，我都係會同佢講點解同唔會就佢，佢更係繼續架啦，都係會罰佢，或者口口

celialing

原帖由 Jane1983 於 12-12-04 發表
其實系咪樓主家人都系脾氣好剛烈的？ 所以小朋友有樣學樣？

據樓主所講情況，外人看就覺得好難接受，真系 ...

就係囉！就係唔知係咪婆婆湊，所以咁，因為婆婆脾氣好差，平日湊佢地都成日話依樣個樣，但我明白佢係要佢地做既野係應該既，但係佢係唔會解釋同埋如果小朋友一唔鍾意，佢已經即時好重語氣好大聲話，點樣呀！真係好煩呀個啲，咁唔知係咪咁樣，大女久而久之變成咁樣
我我自己就好少發脾氣，但兩個女成日都發脾氣，我都俾佢地攪到都差咗，點可以成日就呀！其實我都好嚴架！要做既都一定要做，唔會話發咗脾氣就唔洗或者就咗佢，所以都唔係好明，點解每次叫佢做番應該做既野都係咁，真係唔知點？
總之最後，都係唔會就佢，只係每次都話完一輪好似明咗，但下次又係咁，點解每次都要咁樣角力

celialing

唉！係呀！要快啲攪好佢，因為形成咗慣咗少少事就發脾氣就好煩

celialing

原帖由 CarmenJack 於 12-12-04 發表
佢兩、三歳時開始，我會用張心比己和同理心教囝囝，同時會當佢發脾氣時我地係唔會理，由得佢自己發，就算喊 ...

我自己就無就到既，但就有話佢，咁可能要試下真係一句都唔理唔講先得，講多無謂

celialing

原帖由 Yanamami 於 12-12-04 發表
Discipline呢家野要從2歲(或更早)開始做起. 由外婆(或工人)湊唔係自己湊係難搞d. 正如樓上講, 要俾佢知邊個 ...

其實我都有咁做，但都係未見成效，可能要長時間啲，但我真係覺得好煩，要佢做自己野好似幫我，都唔明

celialing

原帖由 豬C奶 於 12-12-04 發表
我個女2歲同你一樣，唔知佢做咩事，扭咗先，我仲有對孖囝9個月，攪到我找社工傾，情緒失控，就來睇埋精神醫 ...

咁你個小朋友真係仲好細，不過都真係要教架啦！因佢係會明白，都係唔准就係唔准，要堅持，但我個7歲啦！真係要快啲攪番好

其實佢細個個時反而唔會咁，唔明點解依家會咁，仲越來越嚴重

celialing

原帖由 ANNAFRIEND 於 12-12-05 發表
我女女又係7歲, 大女最近又係成日發脾氣, 旭下就發.  叫佢只要佢唔想做的就比面色我睇. 我當然係堅持啦,  ...

我地真係好似喎，又係兩姊妹，又係成日發脾氣，我都係啦！返到屋企都8點啦！要對功課架麻，咁你自己寫到酸，點攪呀！梗係擦啦！我又試過由佢，得老師圈佢！或者低分啲（寫字），佢又無咩所謂咁，真係激死，佢兩姊妹都係架，成日都你這我，我話你咁，但有時都一齊玩得好開心既，不過有時投訴既野係好無謂架，通常都叫佢地唔好玩啦咁，分開:;pppp: