用戶登入
用戶名稱:
密      碼:
搜索
教育王國 討論區 自閉寶寶 K1選校
發新帖
查看: 1362|回覆: 16
go

K1選校

Rank: 3Rank: 3


402
發表於 12-11-29 15:36 |顯示全部帖子
囝囝已有一間主流幼稚園收了K1,好近屋企好方便,打算邊讀K1邊排政府S位。

但聽人說兼收幼兒園for自閉寶寶會較為好一些,老師較有有關經驗,所以一直也有面試其他兼收幼兒園,結果越in越遠,in左好多間兼收,仍然未有學校的消息。

真不知道應該繼續擴大范圍去in更遠地方的兼收還是放棄?

兼收同普通幼稚園差別很大嗎?

有冇經驗媽媽分享一下,謝謝!

煩惱中



Rank: 4


980
發表於 12-11-29 18:03 |顯示全部帖子

回覆:K1選校

間K1知唔知你個仔情況?你話你個仔排緊S位,咁你個仔應該唔適合返普通K1喎,恐怕啲老師冇經驗、耐性及愛心去教佢,由佢自生自滅,咁會浪費咗時間。如經濟許可,不如返私人S位,否則可搵吓S位暫托,每日有學返,雖然冇3T,但起碼啲老師識得處理你個仔,學吓自理、社交。另外可再報外面嘅3T幫個仔訓練吓先。



Rank: 4


980
發表於 12-11-29 18:09 |顯示全部帖子

回覆:K1選校

兼收位係對A仔好啲,但你以普通學生身份入去,並非由醫生轉介,咁入面專為A仔而設嘅服務你個仔係冇得受惠,唯一好處係入面啲老師有處於A仔經驗,包容性大啲,點都好過並通K1



Rank: 4


852
發表於 12-11-29 20:16 |顯示全部帖子
兼收位係由政府的兒童體能智力測驗中心的醫生推薦,再由社署統一分配,一般要等一年以上,唔係想讀就有得面試。

Rank: 3Rank: 3


402
發表於 12-11-29 20:41 |顯示全部帖子

引用:間K1知唔知你個仔情況?你話你個仔排緊S位

原帖由 owl_2046 於 12-11-29 發表
間K1知唔知你個仔情況?你話你個仔排緊S位,咁你個仔應該唔適合返普通K1喎,恐怕啲老師冇經驗、耐性及愛心 ...
囝囝已經讀了私人S位差不多半年,亦打算讀多半年(共一年),計過條數,積蓄應該只能應付的私人S位學費一年,所以下年應該以K1 + 其他私人訓練、治療,所以報讀K1,只是因為未等到政府S位,但又想囝囝可以返學的方法。



Rank: 3Rank: 3


402
發表於 12-11-29 20:46 |顯示全部帖子

引用:兼收位係對A仔好啲,但你以普通學生身份入

原帖由 owl_2046 於 12-11-29 發表
兼收位係對A仔好啲,但你以普通學生身份入去,並非由醫生轉介,咁入面專為A仔而設嘅服務你個仔係冇得受惠, ...
現在問題是沒有兼收學校收小兒,再in落去分分鐘要跨區,接送又是一大煩惱,好煩惱。



Rank: 4


852
發表於 12-11-29 20:52 |顯示全部帖子
如果你那區的政府兼收位較少,建議你跨區,否則可能等到K3都無位。

Rank: 4


963
發表於 12-11-30 01:32 |顯示全部帖子
从我囝囝曾經也用普通學生身份入讀過有兼收位既學校,但讀咗一個月都被迫退學,學校都用好多藉口叫你地走.其實佢都話有經驗既老師好忙,邊有時間照顧你既囝囝.你唔好想佢地個個都有經驗啦...我地啲小朋友入去讀都係自生自滅咋,跟普通幼稚園無乜分别,而且我地啲囝讀全日只會浪費佢地既時間又學唔到野囉.如果你想我比意見,不如你試試讀收你囝囝既普通幼稚園,如果學校唔包容,你就去S位既學校做暫托,再加訓練比佢好過.我囝囝宜家托得好開心,希望快啲有S位啦.

Rank: 3Rank: 3


286
發表於 12-11-30 06:26 |顯示全部帖子

回覆:K1選校

你現在私人s位若不是一至五,又或不是全日,可加政府s位或有I位的學校暫托,試試。



Rank: 3Rank: 3


402
發表於 12-11-30 08:31 |顯示全部帖子

回覆:chris-BB 的帖子

請問樓上兩位媽媽,政府s位或有I位的學校暫托,是什麼來的?何以詳細說一下嗎?怎樣申請?



Rank: 5Rank: 5


1186
發表於 12-11-30 09:29 |顯示全部帖子

回覆:K1選校

恕我直言,既然醫生叫得你個仔排 S位,相信普通學校一定處理唔到佢,所謂兼收位,啲學生都唔係太差,入普通K1,後果只係讓小朋友自生自滅,浪費時間,或者講一啲令你傷心說話嚟迫你退學,話就話收你個仔,面試嗰一陣睇唔到乜嘢。至於兼收位,佢哋做少一個得一個啦!兩個方案都係浪費時間,又會令小朋友有陰影!打個電話,問吓你排緊嗰間S位有冇暫托位,暫托同普通S位學生一樣,老師按你仔能力分組,除咗3T服務冇你仔份外,其他都冇乜分別,樓上都提你過啦!!!!



Rank: 3Rank: 3


467
發表於 12-11-30 10:22 |顯示全部帖子
兼收位話就話有一個融合教職員, 但係一個對六個. 都唔係常常可以睇倒你個仔幾多. 同埋兼收位係冇得in架喎, 要做左能力評估由政府轉介架~

如果你想用普通學生身份, 入讀兼收位幼稚園, 果個融合教職只一定唔會特別理你, 只會當你係普通學生囉. 你可以話兼收位幼稚園收開呢D小朋友, 應該個個老師都會明白少少包容多少少.....但明白還明白, 唔代表會理你個仔喎~
課堂上同功課上都唔會為你個仔作D咩調適. 咁入去有咩意義呢?

如果醫生係認為S位係適合你個仔, 我估你應該主力等S位喇. 之前我個他讀S位, 有齊3T, 進步真係神速. 如果能力有改變, S位學校係會轉介你出兼收位架. 我個仔就係咁樣喇.

按住小朋友能力, 一步一步來吧.

Rank: 4


963
發表於 12-11-30 12:31 |顯示全部帖子
回復 TRF北村 的帖子

S位暫托係最好,因為我地啲小朋友受到歧視,佢地啲唔乖既野人地唔容易包容.但S位暫托既職員個個都有基本經驗,會有耐性教我地啲小朋友.而且暫托只係一對四個小朋友,有多啲時間就吓佢地.好似我囝囝雖然學講野,但係講得慢,又要諗好耐,又唔啱音,佢地都好有耐性聽佢講.之前間兼收學校既老師就聽都無時間,轉頭走咗去tim.我既囝囝返暫托係入課窒同其他小朋友一齊做早操,一齊聽故事,一齊上堂.而且有姨姨照顧佢,教佢.佢宜家返入課窒都唔再哭,還同我Bye-bye.但以前返兼收學校就哭足一個月都無停過,可能佢知道返哩到學校無人照顧佢掛.
你試試跟CAC既資料打電話問吓邊間S位收暫托只要帶評估果份去見暫托社工,佢會安排架!

Rank: 3Rank: 3


402
發表於 12-11-30 14:01 |顯示全部帖子

回覆:chris-BB 的帖子

多謝大家意見,看來暫托S位是最好選擇,一定要找負責社工,還是可以自己打去那些學校查詢?



Rank: 4


963
發表於 12-11-30 15:33 |顯示全部帖子
回復 TRF北村 的帖子

當然自己打去有S位既學校查詢啦.評估中心既社工唔會做哩啲野.不過你都可以試吓返收你囝囝既普通幼稚園,有啲教會學校包容大啲,耐性多啲.我有朋友果囝囝成功入讀普通幼稚(教會學校)都無問題.可能我地咁唔好彩姐.因為我朋友住偏遠地区,我唔想小朋友咁辛苦去到咁遠,所以選擇S位暫托,不過估唔到我囝囝咁鍾意.

Rank: 3Rank: 3


104
發表於 12-11-30 15:48 |顯示全部帖子

回覆:chris-BB 的帖子

我會自己打去問s位學校。 這樣可以更清楚詳情!



Rank: 4


861
發表於 12-12-1 18:16 |顯示全部帖子

回覆:K1選校

係睇能力,如果只是差小小,同兼收小朋友程度差不多的,即使你普通位入去,佢會體諒照顧嫁,係無 3T (都好少,唔可以呢方面靠佢)。但能力不及,即使兼收位佢都叫你返s位。其實佢都唔想浪費小朋友時間。