內地婦圖拐5歲女

redkoni

科學館內行事無懼人母在附近

2012-11-21

資料來源：蘋果日報

【本報訊】每逢周六日吸引逾千訪客的香港科學館，發生拐子婆驚魂。一名5歲女童周日（18日）偕父母到場玩耍，其間一名操內地口音的婦人，竟在眾目睽睽下無視近在咫尺的女童母親，企圖強行拖走女童，並呼喝「快啲走」，幸醒目囡囡大呼「媽媽」，驚動母親衝前搶回愛女，婦人旋即逃去無蹤。警方接獲消息後已主動與女童家人聯絡，了解事件並促請家長留意子女安全。

記者：馮國良　孫文瑛　梁琬珊

險遭擄走的女童姓余，與家人居於大埔區，並在區內的寶兒中英文幼稚園就讀高班。發生拐童事件為尖東科學館3樓的「兒童天地」。周日下午4時許，姓余5歲女童由父母帶來遊玩，當時現場擠滿遊人，她與母親仰望場內的「泡泡競賽」，其間一名約40歲女子趨近，狂拉扯女童右手離開，她受驚奮力掙扎，有人以內地口音不停喝叫：「快啲走！快啲走！」嚇得女童大聲呼喊：「媽媽，媽媽……」

女童母親葉女士聞女兒叫聲，轉身查看，赫見愛女已遭拖離數米外，對方繼續大叫：「行快啲！過嚟呢邊！」她即時衝前奪回囡囡並喝罵對方。有人只說一句「唔好意思」即拔足狂跑離開。余氏夫婦「搶回」女兒，大呼好彩。

科學館加強保安

當晚一家三口返家將事件告知女童外婆，外婆前日接送孫女上學時，順道將事件告知校長，校方得悉後感事態嚴重，當日下午向全體家長發出通告，呼籲家長留意，當子女在公眾遊樂場玩耍時，需確保在視線範圍。

不滿「衰人逍遙法外」的婆婆，昨日在網上討論區貼文，呼籲家長留意事件及小心看管子女。有關留言及通告在網上瘋傳後，警方亦主動介入，昨日已與葉女士了解事件，表示稍後會往科學館翻看閉路電視錄影。

《蘋果》記者昨日下午到科學館視察，見有多名館內職員聯同保安員在場巡視。經常帶子女到場遊玩的梁女士表示，近來場內保安明顯加強，她認為拐子婆行為可恥無人性。事件亦引起網民熱議，有網民爆料指其友的囡囡亦曾在上水站驚遇拐子佬，對方一度強按女童膞頭及拉着倒後行，幸女童及時擺脫。

Toby-Bonnie

Meikin

I also read this in today's newspaper.  真係咁娼狂?
唉, 而家連香港都有賊的士 (重唔止一輛), 治安真係差咗.
各位家長真係要小心D, 孩子俾人拐咗就咁一世架啦, 後果嚴重.

rosanna0668

香港治安真係令人越黎越擔心

囝囝mama

真係好驚!!!!真係要跟貼D小朋友!!!

yyy8182

原帖由 Meikin 於 12-11-21 發表

咁多自由行，唔差就奇啦。
依家真係有拐子婆，大家小心。

Yanamami

要守望相助. 就算唔係自己小朋友, 見到可疑, 都應幫手.

Ken618

回復 Yanamami 的帖子

真的很恐怖, 希望香港人能互相幫忙,  打退這些無良人.

eeyorecat

Jane1983

警方澄清左，話應該係誤會，個大陸女人都帶左個差不多打扮、差不多年齡小朋友去果度玩

huba

請問在哪可看到這個澄清？

Jane1983

跟住果日看報紙看到，你google吓啦

pmmemilyq

好可怕

huba

Thanks. Just found it.

http://hk.apple.nextmedia.com/news/art/20121122/18075903

redkoni

防人之心不可無，文雀出動搵食都不是單人匹馬，裝幌子被人捉到都容易d甩身，d拐子佬又狼又蠱惑，我就唔信拖住小朋友隻手行都唔知係認錯咗自己個女，差人無証無據做唔到乜嘢啫。仲有，果d拐子婆幾人組可能帶多一個細路出去搵食，咁d家長咪少咗戒心囉，俾人捉到時又話認錯人，有個細路一齊梗係有理有據。總之，小朋友被人拐咗返大陸，想再搵得番都幾難，小心為上！

letea

出街一定要拖住手仔...仲要阿仔學幾下詠春防身先得