BAFS分為企業同㑹計？

師奶

想問如果揀BAFS會計咪揀埋BASF企業正常D？1.BAFS會計十經濟十物理

2.BAFS會計十經濟十地理
3.BAFS會計十經濟十BAFS企業

4.BAFS㑹計十地理十物理
以上邊個較好
佢鍾意1經濟2物理3會計4地理5化學,化學同物理通常精英班揀左餘下好少位,揀商科都可以,
佢話想做海關緝毒
請各位比意見1234排列,多謝幫忙！

homemama

以我所知BAFS是一科 -學校會選修"會計"或"企業"，學生唔駛揀，
以上選擇，我會揀[2.BAFS會計十經濟十地理]，"物理"我不懂亦好似較深，好似較偏向工程，純個人意見!

師奶

亞仔希望讀1.經濟2.物理3㑹計其次4.地理5.物理
我希望以佢志願揀科,唔好太怪
佢話no.4都0K,我見係讀文理商好怪咁？
佢話no.3都OK,我見全商又好似比no.4好？
請問各位1234點排好？
no.5係物理十化學十經濟十M1,因入到機會不大所以放第五
no.6係生物十㑹計十經濟
no.7係生物十㑹計十物理十M1
佢話對生物麻麻,佢接受讀M1,老師提意揀理科先讀M1,文同商可以唔讀M1,學校未决定好文同商比唔比揀M1,如果有得讀文同商應否揀M1呢？謝謝！

homemama

如果BAFS-"企業"會比較偏重理倫，寫野較多，"會計"就計數較多，做P&L, B/S, Cashflow等，除非你真的已決定做會計/Audit，否則我覺得是但一樣已夠，如亞仔喜歡物理，no.4 choice係最好，如果揀左no.3 ，你選擇就只偏重商科，到時就無彎轉啦！ 其實除非好想讀精算，或對數好有興趣，否則唔好讀M1，到左F.5唔夠時間用。
my choice is below:-

1.BAFS會計十經濟十物理
4.BAFS會計十地理十物理
2.BAFS會計十經濟十地理
5物理十化學十經濟
7生物十會計十物理

cy101

此外，羅定邦中學課程顧問、資深校長雷其昌認為，數學延伸單元M1（微積分與統計）、M2（代數與微積分）「鬼五馬六」，要求把這些數學單元重組為「純數科」，改善邏輯思維。BAFS是由企業、會計及財務三科組成，基本上各學科不願減少內容，雷其昌指BAFS令學生負擔太重，讀一科等同讀三科，應考慮分拆或再減少內容。



http://hk.apple.nextmedia.com/news/art/20121112/18064692

chuntam

呀女今年中四，修讀物理，經濟，bafs會計，因為 bafs同經濟有部份課題相同，同時修讀會比較輕鬆

homemama

所以我話choice1 最好，

chuntam

chuntam 發表於 12-11-13 19:41
呀女今年中四，修讀物理，經濟，bafs會計，因為 bafs同經濟有部份課題相同，同時修讀會比較輕鬆



  ...

如果只讀BAFS,要讀嘅野實在太多,如果BAFS同ECON一齊讀會輕鬆少少……物理係理科中workload最少的科目,有科理科揸手穩陣好多,直至目前為止,三科都冇乜功課,不過如果BAFS有BOOKKEEP要做的日子,可以由八點做到十點,而且好多生字要串(finance) ,所以讀得BAFS,唔好諗住有少少BOOKKEEP底就輕鬆攞高分,係要下好多好多苦功!中四第一個BAFS test,essay果part滿分20分呀囡先得6分(溫了一整晚),有人甚至0分,幸好MC啱得多先保得住合格多少少……不過中三上學期諗揀科仲係言之尚早,當年中三上學期呀囡都完全冇諗過中四讀physics同ECON………

pearlitit

係呀，我個女都係今年form4,又係讀緊 物理、BAFS(a/c)、經濟，do far so good.

fullmama

cy101 發表於 12-11-13 14:44
此外，羅定邦中學課程顧問、資深校長雷其昌認為，數學延伸單元M1（微積分與統計）、M2（代數與微積分）「鬼 ...

BAFS是由企業、會計及財務三科組成<<<呢科係上年D 學生真係讀得好辛苦, 太廣泛, 時間又唔夠, 又要交校本評核(量多), 所以我都好贊成要減量..................

dllau

BAFS 好似取消左個校本評核, 今年中三下年中四果D, 課程應該會減少
BAFS有兩個選修, 有D學校只開一個選修, 所以學生冇得揀, 如果學校兩個選修都開學生先會有得揀

melodykitty

各位, 你好, 小兒今年 F4, 選修科是 BAFS, Phy, M2, 但係上學期成績出左, 成績吾係幾好, 有可能要 drop 一科, 請問各位有沒有意見給我. 謝謝

melodykitty

Miss話佢讀個幾科係幾好的, 不過始終要 core 好才有用, 我個仔只有數學叻, 語文吾掂, 已經搵左補習上門惡補, 但老師都建議drop 左一科會好d, 所以依家心大心細, 不知是好