培道和祟真小學，應點揀？請給寶貴意見，謝

emother

小兒有幸以上兩間都收，請問兩間學校在教學質素，學習語境，學生品行及升學機會，哪間較好，請給寶貴意見

wongboris1225

培道是中小, 但老師和校長十分有愛心, 中學九龍城綱. 但學舍小

c4ceci

原帖由 dunbinex 於 12-11-10 發表
培道校網好過崇真

係好好多

bbb330

培道課程較淺; 祟真課程不易應付, 要看看孩子的學術水平

ptm

本人覺得培道課程不淺，今年小兒升小二。
初頭我都諗住小兒可以hea住讀培道，例如愉快地學習等等。
但我見他上年一年級同學仔的成績，就知小兒要努力再努力！
因他同學仔的成績咬得好緊！家長都要有心理準備。
但講到老師和校長既感覺，就無得彈！他們真的很好！

feita

回復 dunbinex 的帖子

同意以上PTM的講法，小女今年小一。
之前都諗住可以hea住讀，四測兩考，根本冇得hea。但亦有好處，因為可以每日每星期讀，黙測考時冇咁辛苦。

至於功課，暫時我覺得好少，每日四至五様（一小時內完成），若有第二天黙書，那科是沒功課的。net teacher是有。

記得上年聽完學校座談會，我已很喜歡這校，校長和老師充滿熱誠及愛心。尤記得校長說，會和同學在班房一起午飯，直到上一個月亞女放學回來後，說校長和他們午膳，看見她很高興的樣子，自己也很開心。而她每日回來都雞啄唔斷說學校嘅事，已是証明愉快學習。

培道雖然不是一所知名私校，但返了三個月學，到目前它可令我家小姐每日開心返學。校長老師功勞不少！

希望可以幫到你！

Kinkinling

培道同王錦輝，應點揀好？

emother

請問九龍城網有什麼band 1中學？

babytomhui

但我去培道interview時看到張貼出來的升中派位不大好......所以我都唔會交留位費

kc_united

好似有77%英文中學，唔知點計。

little_yolky

回復 emother 的帖子

兩間都先交留位費先。雖然係好衰......但可以俾多啲時間自己。

我囡囡都有報呢兩間, 培道收咗, 崇真waiting list。我個人喜歡崇真, 老公喜歡培道。根據我的資料搜集, 有以下分析：

共通點：
1. 基督教學校
2. 老師都好有愛心的好學校
3. 都著重小朋友全人發展

相異之處：
1. 崇真對於學業較agreesive, 真係連小息時間同星期六日都唔放過
2. 你的是兒子, 培中是女校, 無後援
3. 崇真的直屬是基崇, 大家BK好像不看好, 但根據我的觀察, 是很好的學校, 只是年資淺, 沒往績, 大家不看好而已。比較起崇真, 我是更欣賞基崇, 校長好有風彩。不過, 要注意, 係直資, 要交學費。並且有沙崇作聯繫, 沙崇是津校, 在沙田區也很出名
4. 如入崇真, 又想兒子學有所成, 家長真的要付出好多好多心力作支援
5. 培小是普教中。崇真也是, 他們的普通話真是嚇了我一跳, 好標準。崇真用了好多心力在中英文的基礎上, 十分出色。
6. 如有弟妹, 培小會優先考慮, 崇真唔會。
7. 培小品德、心靈教育無出其右。

hugub

回復 little_yolky 的帖子

基崇文憑試成績


1. 以基崇學生應考的十七科（M1、M2 作獨立科計，組合科學作一科計），本校學生考獲第二級（Level 2）的百份比在全部科目均超越全港百份比，而平均百份比為98%。
2. 在應考的十七科中，學生考獲第四級（Level 4）的百份比有十四科超越全港，另外兩科與全港數字相約；平均百份比為45.6%。
3. 達到大學入學最低要求的人數約為三份二，遠高於全港不足四成的百份比。

little_yolky

回復 hugub 的帖子

我不懂得看數字, 反正就算有99%入到大學, 如果我的寶寶是餘下的1%, 對於我來說, 就是100%入不到了。所以數字我不太看, 我看到基崇的硬件設施不錯, 校長很presentable。反正, 中學跟小學不一樣, 不可以只有愛心, 基崇校長的教學方向很明確, 很清晰, 所以我好 like, 不過, 要俾錢就是了........。

emother

謝謝大家的意見，我現在已參加大抽獎

samchan2179

原帖由 emother 於 12-11-10 發表
小兒有幸以上兩間都收，請問兩間學校在教學質素，學習語境，學生品行及升學機會，哪間較好，請給寶貴意見 ...

祟真可能英文會好D，因為多NET 同英數等

onepiece

原帖由 hugub 於 12-11-13 發表
回復 little_yolky 的帖子

基崇文憑試成績

有無資料來源條link, 可以詳細參考吓?

kristie731

回復 emother 的帖子

很高興樓主開這個主題，因為小兒都有幸被崇真取錄，我都想知道多點崇真資料。本人對培道認識不多，但之前看過某主題，崇真94分平圴分都係考廿幾，以我所知每名小朋友既平均分係相差零點幾，佢地既語文能力幾好，尤其普通話係好勁。好似二年級要做group project.幾個家長會group 埋一齊做。