中學重推家政課救港孩 哭訴不懂吃橙 洗衫不知用洗粉

elbar

http://news.mingpao.com/20121105/gfa1h.htm


「港孩」問題仍見於中學，有人不懂處理水果，參加童軍露營時哭訴要吃家中「已搣好一片片」的橙，使用洗衣機洗衫時又不知道要添加洗衣粉。為培養學生自理能力，近年不少中學重推家政課，其中前身為工業學校的廠商會中學，去年更豪擲170萬改建家政室，新增家政課助學生踢走港孩問題。

開辦家政課學校數目回升

學生主要來自基層的廠商會中學，其校長麥耀光坦言，去年新增家政課其中一個原因，是為改善時下的港孩問題。因不少父母均為雙職家長，長時間在外工作，無法親授子女日常生活技能，「肚餓時煮個麵畀自己食都唔識」，故去年通過家教會及校董會成功開科，並籌集了170萬元將校內的木工室改建成全新的家政室。

家政室採用新式的設計，以淺棕色及白色為主色，簡潔光猛，並且摒棄了舊式的煤氣爐，改用電磁爐煮食。麥耀光表示，現時不少中學生未必懂得開啟煤氣爐，對於甚少入廚經驗的學生來說，電磁爐較為安全。他希望學生透過簡單烹調技巧、家事技能及針黹技巧，提升自理能力外，校本設計的課程（見另稿）亦教學生關懷身邊人，戒除港孩陋習。

家中有女傭 更要教自理

全港不少中學近年亦再推家政課，根據教育局資料顯示，初中開辦家政課的學校數目，曾於2009/10學年由340間減少至325間，但2011/12學年回升至341間，部分中學以「科技與生活」取代家政為科目名稱。

迦密中學同樣於去年進行家政室翻新工程，為位於校園頂層的家政室添置了冷氣設備，又購入不少新用具。校長龔錦添表示，時下中學生比從前更需要上家政課，因多數家庭均有聘請家傭，學生連基本的生活技能也未必有機會學，故該課有絕對的實用價值。他透露，試過有中一學生參加童軍露營活動，接過領隊教師遞上一個橙時，竟然哭起來，經教師細問，該學生說﹕「我唔係要這一種橙，而是搣好一片片可即時放進口的橙。」

家長花錢讓子女學掃地

龔錦添又指出，聽聞有家長不惜大花金錢，專程安排子女暑假時到酒店學掃地、執房等生活技能，屬「奇怪現象」，質疑應該從日常生活中學習。他表示，現時海外升學學生增加，擔心他們欠缺自理能力，「連吃水果都慣性有人服侍，莫講煮餐簡單的飯食飽自己」，故學校有責任教授有關技能。

基督教協基會屯門綜合青少年服務中心註冊社工李美英表示，中學生的自理問題一直需留意，主要為初中生。她解釋，現時很多雙職家長，「不少家庭都請家傭，難教子女生活知識」，加上科技發達令生活日趨便利，他們會認為無必要學，故近年青少年自理問題有惡化象，她舉例，有學生因長期使用八達通，不知道乘搭巴士原來可用輔幣。

elbar

自編課程與時並進　教餐桌禮儀襯衣服

http://news.mingpao.com/20121105/gfa2.htm


開辦全新家政課的廠商會中學，由新聘任的家政課教師盧美霞為學生度身訂做校本課程，原因是該科的課程指引是1994年時編訂，不少學習範疇都過時，包括於現時家庭中已消失的衣車，於是校方另加入貼近日常生活的元素如餐桌禮儀、服飾配搭等。

盧美霞表示，該校家政課的內容設計，基本參考課程發展議會於1994年編訂、當時教育署建議採用的課程指引，經校本設計的課程已不限於「實物生產」，「唔再係單單煮一碟、織一條頸巾」，而是加入了不少實戰理論，例如出外用膳時應有的餐桌禮儀、面試時的服飾配搭等。

期末考設計一頓飯

另外，沙田崇真中學則將音樂、視藝及家政三科結合為生活藝術科，校長張文偉表示，課堂會將三科的特色及內容結合，活用於日常生活中，而學生於完成全年的課堂後，須設計一頓飯，「由食物配搭、地方佈置、進食時的配樂，都要一手包辦」，目的使有關科目更貼近生活，增加學生學習興趣。

VV媽

亞女好想有家政科,
但學校冇開  

Yanamami

搞禁多做乜呢? 係屋企幫手做呢做路咪識o羅. 我朋友仔, P4/5已識炒飯俾阿媽食. 做乜都係要的起心肝.

elbar

原帖由 VV媽 於 12-11-05 發表
亞女好想有家政科,
但學校冇開

家庭有教就無須倚賴學校，就不會有所謂“港孩”

瑄婷

唉!咁普通的事又交學校教????
現在的家長想點呀????
家教是甚麼????

like_travel

我個人很欣賞這一科，我囡既驚又喜，第一堂教煲水，第二堂教煎蛋，之後有肉丸菜湯。過程全部由學生親手製作。平時我囡忙操水、温書、做project , 以前可以幫我做家務而家都無時間，學校比機會佢地學煮飯都好!

smallfoothk

有家政科,但佢連公仔面都不懂烹

like_travel

smallfoothk 發表於 12-11-5 12:52
有家政科,但佢連公仔面都不懂烹

我囡好多同學都不懂煮食，唯一那位高手是單親家庭獨女，經常獨留在家。

celiamum

咁我個乖乖算唔錯啦...識煮公仔麵.....仲會搽埋麵包比個妹食.....會幫妹妹沖涼...跟手洗埋條底底....仲會間中會幫手吸塵、拖地....

杰杰媽媽

咁我仔都算 ok掛，佢宜家都會幫我落野開機洗衫，晒衫，摺衫。童軍都教識佢用針線聯野 & 煎野。


應該唔算港孩掛。

Yanamami

阿囡P5時我教晒佢洗/燙衫, 煮麵6菜煲飯削蘿蔔薯仔.....同佢講笑話讀書不成都做到家務助理呀~~~~

ydoris

有梗係好過無啦,當年我都學下車衫,織頸巾.炒菜整西餅..(家務欠奉)..而家阿囡有呢科,佢入廚房整野食我會放心好多.佢每日放學返來都煮定飯等我炒菜,細囡9歲都幫我切菜,我好忙佢地會入來幫我手..熨衫就差D啦,可能形狀太多啦...熨到吾應該有骨既地方起晒骨..

Meikin

等我下年底工人約滿後, 我就要積極訓練阿仔分擔家務, 第時老娑唔識煮飯唔燙衫, 自己都識做嘛, 求人不如求己.

Meikin

話時話男仔識做家務識煮飯有著數㗎, 都會是女生考慮之條件之一.  我當年都是討厭煮野, 所以揾咗而家這位愛煮食的老公, 唔洗煩.

Yanamami

今年9月中就無再用工人姐姐..佢都好生性...都主動叫我教佢做家務..分擔我工作..算係咁啦..  
*******************************************************
無工人係易辦事好多.

Snakemama

想自己的仔女唔做港孩好容易，父母要下放權力和責任，同時唔好做「百彈齋主」。

日常

我前天仲想開一個類似咁嘅topic，但偏偏隻右手整親痛咗兩日今日才好些，就比elbar搶先一步，下次手痛都照寫先至得！
我以前係學校又係好鐘意home economics，一上就成個下午不用"上堂"，又可以整嘢食真係好開心，整完又可以攞番屋企，最記得是學整pizza，scone同埋swiss roll，因為學識後時時都在家中整。

我女學校都好似有家政，不過好似分開兩team人，整嘢食都仲未輪到佢team人，佢都識做小小家務，洗碗，煎omelet早餐那些，不過佢一D都唔鐘意做，只喜歡整cakes，因為是她的至愛，佢亦很喜歡做needle work，我這兩天手痛就叫佢幫手洗碗，佢都有d用！
我覺得小朋友一定要學識做一些日常的基本家務，如果唔係第二時都唔知算。

Yanamami

日常 發表於 12-11-5 14:35
我前天仲想開一個類似咁嘅topic，但偏偏隻右手整親痛咗兩日今日才好些，就比elbar搶先一步，下次手痛都照寫 ...

係架. 點都要識做d. 以前我有工人時, 佢都幾忌我. 事關佢知我無左佢都得. 我唔會俾佢吊起踢晒腳. 識做唔洗做, 同完全唔識做係兩回事. 如果有機會出國讀書, 更應識照顧自己.