如果學生唔乖， 補習老師應唔應該鬧學生？

manwaimail

我果日家教會同個家長傾開計， 佢話要轉補習， 因為個補習老師鬧佢個仔。我問佢無端端做乜會鬧， 原來佢個仔懶， 老師俾功課佢次次都唔做， 但係個家長又心痛亞仔俾人鬧。
我都明做家長個個都好錫子女， 但自己唔做功課， 俾人鬧好正常。無錯， 補習老師係收左錢教佢， 但小朋友唔鬧點個驚。

我個仔補習果度， D 老師都會鬧架， 如果成日唔做功課， 又唔溫書， 個老師會同家長講， 叫佢停補一個月， 做哂D功課先再黎上堂， 唔想浪費時間同錢，要家長督促返自己仔女。所以係佢度補既學生都好乖， 唔敢唔溫書。

overview

真係有好多家長唔like個仔比人鬧!  如果係合理, 我會接受.

littleflowers

如果不做功課，學校老師都會鬧啦，咁唔通轉校呀

matthewl

這才是盡責的行為。子女真的是外人教的。俾錢就唔鬧得嗎?! 這位家長後果自負。

HIN2003

合理責罵我會接受.
除非字眼帶有侮辱成份.

manwaimail

依家D小朋友， 就係唔鬧得， 俾家長縱慣哂， 我從來都唔縱佢地， 由得佢嘗試， 錯左就自己承擔， 做錯野就要俾人鬧。如果唔係日後出黎做野點算？

yaozhil

sure....the fact

woodgreener

我認為補習老師合理的鬧沒有問題, 這證明老師緊張學生, 唔係Hea做收錢, 想教好小朋友. 如果老師唔緊張, 唔上心的話, 鬧都唔會鬧, 無謂令自己怒氣兼傷身!
但鬧唔係最有效的方法, 我們應該要俾機會小朋友解釋沒有做功課的原因. 例如: 父母在家成日爭吵, 和同學相處有問題, 和男/女 朋友分手, 不喜歡某個老師等等. 好讓我們 為師/為家長的能夠去了解小朋友的真正難處, 不會鬧錯他們, 與學生建立互信. 當然如果有學生經常以 "我唔識做!" 為藉口, 想胡混過去. 我們有責任勸勉他們.

本人係中學接觸好多學生, 自己都有私人補習. 前幾年都做過家教會 老師代表, 明白家長的擔憂和教小朋友時的難處.
老師最終的目的是要教小朋友明白對自己的事要負責任, Assign的功課要盡力完成, 不可馬虎了事. 在遇到沒有完成家課的學生時要先去了解事情的因由, 再以合適的方法去勉勵學生, (每一位學生的接受能力和處理方法不同, 有的要鬧, 有的要傾, 有的要鼓勵) 從而培養出學生的責任心!

woodgreener

thom1293

同意.有愛心的責罵提醒是好的.