好緊張 ! 明天報沙田英藝收到信請進 !

sysy474

聽日應該有信收 ~~~ 突然又緊張起黎 !

想借位呻下~~ 好大壓力! 好唔開心 !
我講親學校d 嘢, 我老公就叫我輕鬆d, 佢好似唔知今年真係競爭好大, 我就日日睇, 日日出post 周圍請教人地邊間好?
但每次佢都係個句輕鬆d啦, 真係火都黎埋 ! 報左10間暫時先得3間有得in, 又唔知邊間好, 未收你又無得諗住, 真係人都癲, 佢仲唔多緊張, 只係怕學費太貴會好吃力, 但細B根本無得你揀, 屋邨學校佢(我)都唔想讀, 一見肯收細B 就入form, 有得in 都覺得好開心, 但佢一句輕鬆d, 我真係好嬲, 又覺得間間都好唔就腳, 樓下屋邨你又唔想讀, 貴又話真係會好吃力, 老實講我都唔知報咩學校先啱囉, 有得揀我又好想報學費貴架咩 ! 我報得多, 日日睇post, 又話我走火入魔, 佢無噤多假in, 我有時真係嬲到唔想再睇, 無學校收就算, 再有信都唔in !

但最後都係怕阿b 無得讀, 又再睇返學校 d 嘢 ! 如果真係有多過一間收, 又怕揀錯學校, 揀間老牌d,  但外藉老師又好似唔係鬼婆教, 但有小學Back up , 下年亦可以安心d 揾 (無就原校上K), 但唔近屋企 ! 近屋企個間d 人多數K 轉走, 新校乜都未知.....而家有等信....等個天決定 ! 唔收乜都唔洗諗

聽日有無offer 都好啦 ! 我都祝各位有好既 Offer !!!!

明天見......

hebe2010

點解您會有信心？我由上星期四等，等到星期五見有媽媽收到offer ，到星期六，見已派到pm offer ，當我星期六都係收唔到時已絕望。。。

hebe2010

唔緊要。。。好多爸爸也是不理的，呢排好多媽媽情緒好差

sysy474

我老公其實係好肯幫手湊女, 都好親力親為, 係講學校d 嘢就覺得唔洗噤緊張!!! 我都想輕鬆, 奈何社會係噤! 無辦法唔跟住行 ! 行慢d 都無得你報, 早知報樓下屋邨學校好過無噤煩, 又平又近....做個平凡人......唉.....

Pmother

從何得知沙田英藝今天有信？個老師話11月中(我27／10）in...... 好緊張

KittenKitten

我都希望今日收到信，日日開信箱，好似等派彩

KittenKitten

我第一次in ,想問其實如果唔收會唔會都有信通知？

eva06241980

其實作為家長，緊張是正常，但過份緊張只會將壓力轉介到小朋友身上，父母可以做的就是幫小朋友發揮得最好，所以何不輕鬆D，等小朋友都可以輕鬆D去面試呢?

kissobaby

盡力做自己可以做到既，其他野唔到我地諗。我個女超細b,唔得就下年。你個小朋友会係你身上學到點處理問題，你輕鬆d佢都會。大家加油

Greenhouse009

好明白你心情，我都開始勁緊張，又要等信了

Don_Don

回復 sysy474 的帖子

我都好明白你既感受~
我都好緊張ar~ 搞到自己有d精神恍惚tim~

你老公叫你輕鬆d, 可能真係想你放鬆少少, 其實都係關心(担心)你既表現,,, 所以你唔好唔開心la~ 加油ar~

jjson

回復 sysy474 的帖子

我唸你老公見你緊張所以叫你放鬆，我老公都係唔理申請學校D嘢,但佢就只看result,其他任我發揮，所以我就輕鬆D，你個女是否12月出世、因我的是12月出世的細女，但我又不太擔心，若冇N1讀就出年報K1囉，K1多 Choices, 我自己對阿女有信心，我都知你有壓力，開心D啦，可能下午你就收到zenith offer letter !

Jasmin映

我岩岩收到信啦..AM班..但無寫收國際定主流..打極大埔校電話都唔通...大家留意信箱啦~~

Jasmin映

岩岩打通左電話..係收我個囡國際班..但佢地竟然信唔寫..要打去問=.="""...

vanessayan1107

我想問下沙田英藝係唔係同大埔英藝同一日interview架?

Jasmin映

係呀..同一日..20/10係沙田分校首日Interview!

vanessayan1107

回復 Jasmin映 的帖子

我交表時沙田同埋大埔都有揀...
但而家大埔收左亞女下午
都唔知好唔好呀???

Greenhouse009

收咗就可以慢慢諗

sysy474

好緊張~~~~而家落去睇派彩 !!!!

fanmama

版主, 睇得出妳真係好緊張, 連subject 都打錯左明天, 相信妳指明年
見妳係好多post 都有留言, 知妳對小朋友學業真係好緊張。
其實樂觀d諗細b今年唔得, 出年可以做超大b, 多個機會都唔係完全無著數, 唔好比咁大壓力自己同c6, 順其自然, 只要妳做足準備, 對得住自己同阿b就得喇!