為何這麼難?

grace_xian

仔今年小五, 從小四開始請英文老師補習, 每週一堂,每堂1.5小時
第一個老師是大學生, 佢好肯教, 堂堂都真係講講講, 不過仔測驗的成績沒有提高反而退步了, 我認為不適合而換了老師。
第二個老師學歷好高, 亦曾是教中學英文的老師,英文科專業畢業, 但她無心教, 教足一堂我係隔離聽, 比較懶散, 成堂課也沒有好好系統地安排。
第三個老師教得好好, 亦肯去教, 仔也適應到, 唯一不好的就是她時時不守時, 亦都不通知我, 我好難同佢夾時間, 我自認好就得佢。有時甚至無法安排到一週一堂, 最後可以離譜到半夜四時半whatapp比我仲要第日改時間, 我真的接受唔到

之所以開呢個話題是想接受大家的意見, 問下是否我太苛刻? 我仔小五真的好想搵一個有心教學, 可以教足二年真至升中的固定老師, 不過目前睇嚟呢個要求好難好難達得到。問問媽咪有無呢啲經驗, 亦都想問問我是否決定錯咗, 而唔應該要求咁高,crying~

胡桃媽

好老師真的很難找，我女兒的大提琴老師都係咁，成日缺課，試過有兩次約咗我，影都冇，事後連電話都冇,就係因為我覺得佢教得幾好,所以忍忍忍，但我開始決定搵琴行，實在無法再忍。

grace_xian

胡桃媽 發表於 12-10-27 11:02
好老師真的很難找，我女兒的大提琴老師都係咁，成日缺課，試過有兩次約咗我，影都冇，事後連電話都冇,就係 ...

但係出面的補習社, 真的不是教佢, 都是一味做做做...

琴行好啲, 我仔都是琴行學長笛, 時間較固定

piagetmum1

好的老師一定多人用，好難就到時間。

smallfoothk

老師可能有事,佢要考試/工作,朋友方法是1-5日用5個不同老師補習,今日老師有事,明日可有老師補番...

花仔媽咪

我亞仔初小時成日比d上門補習老師玩死，又話成日病、又話在大陸塞車、總知諗得出的藉口都會講，之後我怕左，我請上門又去補習社補，那麼就不會被翹起！

grace_xian

smallfoothk 發表於 12-10-27 14:15
老師可能有事,佢要考試/工作,朋友方法是1-5日用5個不同老師補習,今日老師有事,明日可有老師補番... ...

5個不同的老師??小朋友如何適應呀

grace_xian

花仔媽咪 發表於 12-10-27 21:34
我亞仔初小時成日比d上門補習老師玩死，又話成日病、又話在大陸塞車、總知諗得出的藉口都會講，之後我怕左 ...

花仔媽咪:

我也在考慮呢樣, 原本只是因為上門可以慳小小時間,

但係我發現為咗呢小小時間而搞到自己的時間表亂晒真係好唔值得

chumamma

toturgxxxxx.hk 有大把導師揀, 同樣地, 導師會覺得大把客在手, 根本不愁無客。  佢地又點會用心教呢 ?  教得好, 教得唔好, 都有錢收, 所以大多數都係 hea 住教。

我姪女就是其中之一, 佢在直資中學讀中六, hea 住教, 收人$90 一個鐘, 自己會考英文(甲)不合格 (中文中學), 走去教小六英文, 真係誤人子弟。但又時時有客人, 時時換客人。

我覺得搵補習社的私人一對一班係最好的。有人負責睇實。

XYZABC

我哋個鋼琴老師從未試過準時到，遲20-30分鐘，有時早上whatsapp我生病唔到tim.