初中學生唔肯做功課，去補習社可行嗎？

Meikin

雖然我而家已經開始放手, 唔多理阿仔D功課, 但我會(也要求阿仔) set time limit for his work.  如果見佢温書/做功課過耐, 就會問吓佢係咪有D唔明或唔識, 然後教佢或叫佢睇書睇明先再繼續.  我同佢講我唔想佢一件事明明可以1小時做完, 佢白白花多幾倍時間先做完, 我寧願佢快些完成, 留番D時間做其他更有義意的事.

好似佢之前D數學題拖咗好耐都唔做, 而每做一題都唔多識, 叫佢睇完書+教極佢都差不多.  終於星期五晚我忍唔住, 趁佢入睡後, 攞佢本數學課本出來由頭自己睇, 發覺連我咁數學白痴的人都睇得明, 冇理由阿仔會蠢得過我, 星期六晚抽時間出來同佢由基本睇起, 睇完例題, 再抽exercise來做, 最初都錯得多, 主要是唔小心冇睇清楚或冇諗清楚, 成日先入為主或自己作些計法出來, 每題俾D耐性話佢知做錯那些step, 做吓做吓開始啱番晒, 小心咗也自信心多咗...........昨天佢自己一口氣做番晒拖咗成個月的超多題數學題, 又快又準.  我個心都定咗D, 考試應該合格掛.

hw1115

回復 Meikin 的帖子

只要肯做, 一定會合格既.

Meikin

回復 hw1115 的帖子

唔係一定架.

我自小數學超弱, 轉數慢, 就算唔係太明, 死記死做, 但題目千變萬化, 諗唔到點做就真算諗唔到. 而且中學讀上去, 份卷得幾題俾你選答, 每題好多分, 唔識做一題就失分好多, 危危乎.  要好努力才合格.

希望阿仔撈多D佢爸爸的數學基因, 千祈唔好有過多我的渣豆基因.

黃巴士

我諗樓主侄仔, 真係要有人"管"佢一段時間.

Ivy07

其實未必有效，因為已經是中學生，屋企又無人，如果佢唔去補習，佢基本上無佢辦法

Meikin

回復 花仔媽咪 的帖子

其實孩子都是把玩樂時間放在前段, 做功課放在後段, 先甜後苦.
孩子成績如何?  如OK, 那便不用擔心, 只需提醒佢如果功課多或測驗考試前要多放時間在温習上.
如成績不OK, 那就要"管"吓佢, 或試下去補習班睇吓有否幫助.

杰杰媽媽

所以我同邊個都講孩子既習慣係錢買唔到ga, 出晒去做野冇人管, 如果唔係真係等開飯, 我情願對多d自己仔女,我堅信差極有限。

yaozhil

let s try it, of course

smallfoothk

己打個電話去公文個度問了,學生有不同程度去做,要肯做先,我的太懶了(小學公文)

黃巴士

要搵一間督住F.1生去做功課而有質素的補習社, 相信幾難.  
反而去搵一些專科老師去整理他/她們學業及教導正確學習態度更好.  
如果他們心態上, 對住份功課而已LABEL了自己唔鍾意/唔識做, 自然有厭惡.
先要衝破這份功課, 是他們可駕馭的.  不單是鼓勵他們, 而是幫助搵人/家長自己去幫助他們.

黃巴士

我覺得陣著F.1仍可以"迫"少少/半推半就的.  到了F.1下學期後, 全熟悉了中學生活及模式後, 就真係迫不來.  

cherrieleung722

係學校做晒先返屋企

安格斯媽媽

回復 花仔媽咪 的帖子

咁似我個仔，唔肯參加課外活動、交友，成日打機，在家不聽嫲嫲指令，但佢搵到好既補習社得到老師特別照顧，補習老師才可迫他溫習做功課，成個大ｂｂ，但唔夠只有三天，每天個半鈡，自己返工中學ｄ野又教唔到他

thom1293

山林道近新的華丽酒店有一間好的補中一,一班現有2人.專睇功課.應幫到你.