普教中文

OTTO1092

你地小朋友係咪普教？好似大部分學校都已經係普教，係咪？可以分享普教好或壞處嗎

補充 : 我成日聽人講普教中文好! 但現仲係有小學唔係用普教 , 咁呢D小學生係咪會比較遜色 ? 有無唔係普教中文學生家長過來人分享下
  

Danny3101

我小朋友讀直資.  P1開始巳用普通話教中文.

celiamum

我小朋友都係由P1 開始普通話教中文...我覺得幾好呀...先問併音...再教書...
讀完6年小學... 普通話應該唔會太差..

依家我地係屋企...都間中用普通話對話...有時又會轉 channel 用英文對答...
我會專登講得唔正...搞到好好笑咁....兩姐妹就會糾正我...好似玩遊戲咁...

ppsfung

我囡囡由P.2開始普教中, 可以學多一種語言外,對中文作文很有幫助, 睇書都睇得快咗.

壞處是有時講嘢會用咗書面語,而且有些廣東話讀音會講錯咗...
e.g. 我覺得好"兒"憾 (遺憾), 能幫到你是我的光"容" (光榮)

joyce919

我地P1無普教中，D人叫我有都唔好揀，我雖然無問佢點解，相信係佢小朋友之前學校無普教中，到高年班才用普通話教，佢小朋友上中文堂=無上，唔知老師教乜，返屋企就要阿媽補鑊。

Charlotte_mom

普教中, 最直接好處: 接觸語言多左, 學好左, 將來有用(高小學生好多已經luk luk聲)
不過要留意學校做得好唔好, 用咩師資咩教材? 如果係本地廣東人考張cert, 不如唔好學了, 我聽過有家長話, 默書半班唔合格因為聽唔明, 問題出左o係邊度? 如果係native普通話老師, 學校又夠徹底, 見親佢都係pth時間, 點會攪到咁?
至於"兒"憾問題, 我小朋友都有d, 我仔曾經講"筲"等(稍等), 我覺得家長係要"執"的, 就好似小朋友睇課外書學字, 用廣東話讀一定有讀錯既時候, 4字成語亦有攪錯, 唔通因為咁禁止佢睇課外書?
亦有一派人, 覺得廣東話至歷史悠久發音鏗鏘咩平仄的, 如果你係果一派, 普教中就唔係你杯茶了

OTTO1092

回復 ppsfung 的帖子

咁係咪即好多中文字都唔識廣東話讀音呢 ?

HaYi

我個仔幼稚園已是上普教中, 依家小一, 間學校P1 是廣教中+普通話堂, P2以上是全普教中, 聽說下年的P1都會改為全普教中, 我絕對讚成.  

普教中唯一的問題是我的小朋友都有上面幾貼說的問題: 廣東話某些字會說錯了音, 但我覺得問題不大, 反而PTH 流利長遠更有用.

ppsfung

OTTO1092 發表於 12-10-17 12:39
回復 ppsfung 的帖子

咁係咪即好多中文字都唔識廣東話讀音呢 ?

又唔算好多字....

仲有其實同認字無關, 影響講嘢多D,
佢本身識個"榮"字讀音, 只係佢會將普通話讀音轉少少講成講東話, 佢可能唔知人地口講光榮的"榮"字係點寫, 只人講就跟住講.....

Charlotte_mom

OTTO1092 發表於 12-10-17 12:39
回復 ppsfung 的帖子

咁係咪即好多中文字都唔識廣東話讀音呢 ?

我小朋友多數係d平時廣東話少用既字, 例如睏, 孫悟空個"悟", 呆字.......

k_lego

原帖由 joyce919 於 12-10-17 發表
我地P1無普教中，D人叫我有都唔好揀，我雖然無問佢點解，相信係佢小朋友之前學校無普教中，到高年班才用普 ...

下，咁唔係更加應該盡早適應咩？我女最後叩番門讀的小學有普教中，之前果間要in左先批你入普教中，果時有in但老師話我女唔得，因為我本身普通話太普通，教不到個女，亦無俾佢出去學，幼稚園亦唔係教得多，k3畢業時先識幾句自我介紹。但依家小一普教中無適應問題，仲教番我轉頭，發音都幾好，唔似我咁普通。我係覺得用普通話學中文，文筆會靚d。

momama

普教中大家討論過好多次，各有利弊，我嘅睇法係: 普通話係重要，但唔會以此為條件去揀學校。係普教中嘅，入學之前真係要打個底，否則細路會跟得辛苦又冇自信心。唔係普教中，就要觀察學校嘅普通話教得好唔好，唔夠就出去學。

Charlotte_mom

原帖由 momama 於 12-10-22 發表
普教中大家討論過好多次，各有利弊，我嘅睇法係: 普通話係重要，但唔會以此為條件去揀學校。係普教中嘅，入 ...

Fair enough

anna59

回復 OTTO1092 的帖子

我覺得普教中只可以比佢純粹學同聽多一種語言,但佢既中文都系要搵個廣東話補習老師教佢,因為中文一樣系有grammer同語文運用,佢地好多時未必聽得明,所以要小心,不過如果靜系講學普通話,一定好過唔系普教中既學校,因為佢一個星期有11堂聽普通話而其他學校可能一個星期得一至兩堂,不過,就算普教中都要搵個北京人教佢普通話因為同香港老師相差好遠

karina1217

似乎大家對普教中文有所誤會!!!

本人係香港出世既80年代初產物,當年未有強制性普教時,我已經讀緊普教全科小學,所謂普教,其實唔係要小朋友响語言上真係有好強既發展,重點係...廣東話根本唔係寫文章既好幫手,要寫出真正既文章,必須以普通話作為寫作既根基,正所謂"我手寫我口",將來無論係真係渣筆搵食,定係辦公室書信,其實都非常有用,希望各家長唔好只專注語言上既學習,普教中其實係對小朋友既中文,寫作,表達能力都有著影響

Charlotte_mom

我兩個小朋友都係普教中, 老實講, 屋企係廣東人, 點會擔心小朋友唔識廣東話丫(咪玩啦), 寫作亦一樣, 唔夠北方人地道都十分正常, 所以有個笑話, 話香港人寫既書, 係香港人至睇得明, 都係架(就係唔係用廣東口語寫)
要學寫作, 唔係用咩語言學既問題, 係有無用心去鑽研, 對偶排比四字成語, 文章舖排人物性格描寫故事結構, 關廣東話VS普通話咩事WOR, 我個女SPOKEN普通話LUK LUK聲, 寫出黎D野咪又係一PAT!

446948

我女一年級, 學校係普教中, 問過學校佢地咁細個, 普教中只係教課文, 其他既都會用廣東話解釋同教學, 老師話原因係就算係普教中, 但政府規定既考試聆聽方面都會用廣東話, 所以應該唔存在問題既..........