TKO播道 or TKO陸慶濤 邊間好呢?

May媽媽

TKO播道 or  TKO陸慶濤 邊間好呢?

兩間都好似好好咁, 如你們會點樣選呢?

karenpsleung

咁你認為佢地雙方分別有什麼優勢和不足之處! 你講到就分析要選邊間了

May媽媽

回復 karenpsleung 的帖子

吾...吾...如果我講到的話, 我就不用在此一問呢?

虛心聽教!

karen55407

兩間都考，收咗先決定

KKY05

我呢排都係諗緊呢個問題，聽聞陸慶濤都好谷吓，而播道就係愉快學習嘅地方，要睇吓自己個小朋友屬於邊類型，不過呢兩間今年都好多人報名，真係等佢肯收先算！

karenpsleung

LHT 星期六放榜了，我都係打算收左先諗，因為真係競爭太大了，而播道要11月底先放榜，仲有排等

karenpsleung

LHT 無呈分試，即係話小朋友一讀就要讀足12年，中學好難跳返出來。 而播道就係happy school, 同樣地，小朋友好難適應官津中學的生活，又係一入無出! 最後，都係睇你小朋友性格和你對佢的期望!

KKY05

karenpsleung 發表於 12-10-16 18:28
LHT 星期六放榜了，我都係打算收左先諗，因為真係競爭太大了，而播道要11月底先放榜，仲有排等



  ...

想問吓如咁好彩 LHT 收左，而我又註左冊的話，係咪代表我已放棄 11 月尾至知嘅自行收生學位?

mokchingyin0910

原帖由 KKY05 於 12-10-16 發表
想問吓如咁好彩 LHT 收左，而我又註左冊的話，係咪代表我已放棄 11 月尾至知嘅自行收生學位?
...

係

Big_Gal

係. 學校就係要你決定左先.

tissuewong

第一間收咗你要註冊咗第一間先，第二間收咗可以寫信攞返個名去第二間註冊放棄第一間，大抽奬後也可以自己叩門津校，叩到又係咁做。

小黑咪

星期六去面LHT面試,聽個主任講都幾多quiz架, 每完一個unit就評估一次. 不過我覺得唔使考呈分試對小朋友黎講可以冇咁大壓力.

cowkingb

回復 tissuewong 的帖子

Sorry,唔係好明。即唔可以同時 hold 多過一間直資？點解我見 BK叫家長放位既？謝謝。

eycyw

我小朋友友是今年入讀 LHT 的小一學生，開咗學個零月，老實講起初非常不慣，要睇好多書，做好多報告，錄音功課，親子朗讀同閱讀寫作，一星期總有一次默書或者 Quiz，頭 2 、 3 個星期我會用癲咗嚟形容我自己。但講到功課就唔係好多，而且 d 功課仲好淺，係額外嘅 project 比較多。不過呢個情形好快我同呀仔都適應咗，呀仔已經撑握得到做功課嘅範疇，基本上每日放學番嚟之後已做完大部份功課，而家居然仲有時間可以落公園玩，而我自己亦都適應咗，因為來來去去都係做果幾樣功課同工作紙，所以一打開手冊就了解今日要做乜，半小時到會完成，輕鬆咗好多。
另外，呀仔開學後，從來都無話過唔鍾意，唔開心。問佢話番學開唔開心，佢話好開心，所以反而我覺得呀仔無問題，係我不適應自己小咗私人時間。
呀仔開心可以體驗到一大班同學一齊食飯，去小賣部，去借圖畫嘅樂趣。
問佢老師有無鬧佢，佢話從來都無 (因為以我所知呀仔好多甩漏) 而呀仔仲比老師點選去參加英文朗誦，由老師全權負責，利用功課堂及小息時間去訓練呀仔，費用全免，呢方面真係直得一讚。因為試過聽朋友講有學校要小朋友參加比賽，由老師訓練，但要比學費，因為老師用咗工餘時間出嚟教小朋友呢。

感覺上呀仔在呢一、二個月改變咗好多，好生性，好肯主動溫習同做功課，識嘅字比以前多出好多，多到有 d 唔信，雖然係比以前玩少咗，但佢自己都非常了解溫習的重要性，相信學校响呢方面下咗唔少功夫，灌輸咗呢方面嘅想法比佢。

總括嚟講，我覺得 LHT 都多嘢做，但唔係多功課，係多 Project，家長有心理準備要多同小朋友一齊做的，會小咗自己私人時間的，起初我都覺得好痛苦，但慢慢適應及撑握到學校嘅『節奏』就 pick up 得好好。而家反而好感謝學校比咁多自訂教材比小朋友，令佢地獲益不少。
我唔知道播道會係點，但只能分享 LHT 呢一、二個月的感受，希望幫到大家。

karenpsleung

好詳細，多謝分享

mirandalpl

請問 LHT 英文水準如何?

cinnamonroll

回復 eycyw 的帖子

Thank you so much

sheffield

陸慶濤能直上羅氏基金，好吸引呢！！

拾仔

羅氏基金係咩??