老公著了魔

hohoma16

仔兩歲四個月,為了要醫好他,他每日就是上網看飲食治療,戒了仔牛奶類,小麥類食物都算,配合埋選gluten free,前幾日話戒豆奶類,今天又話要戒牛肉同茄子,又話要帶他針灸,我瘋了,每天要準備飯餐零食已是難事一個甘細小朋友點可以咩都唔食無營養,我個心碎了,老公無諮詢醫生下日日cut食物,點算?他仲準備長期抗戰,頂佢唔順了,大家關係日漸惡劣,唔想見佢。仔有少少脾氣又話某食物影響,要cut,大佬啊,兩歲多咋,想點呀!條路走不下去了

twobirds

開始時, 其實我同你老公的反應及做法一模一樣, 慢慢地, 就沒有那麼緊張了. 請給他一些時間.

free_style

若佢咁信戒口，叫佢俾小朋友睇左醫生先，驗左邊 d 食物敏感。真的，個個敏感的不同，唔驗，會戒得無效率。驗左，咪照單執藥囉。我女，唔食得雞、牛、部份魚，蛋奶小麥就肯定全戒。但朋友個仔就可以食雞，在開菜單及鑽研食物方面已經差好遠。

我覺得你可以交換的，驗左先。你負責開菜單。其實只要定一定心神，開菜單仍然是可以的。我女，只可以食個別種類的魚，及豬肉，咁都戒口足足一年，主餐有佢的至愛，蛋糕、曲奇、雪糕、朱古力、甚至甜品朱古力慕絲一樣不缺，全是無蛋無奶無小麥，無話唔得的，事在人為嘛......見到佢每日都有進步，不斷在學習表達自已，跟我地溝通，努力有回報就好了。

jjcow

hohoma16 發表於 12-10-9 09:02
仔兩歲四個月,為了要醫好他,他每日就是上網看飲食治療,戒了仔牛奶類,小麥類食物都算,配合埋選gluten free, ...

我只會戒奶。講真，仔仔會大，會食街外野，到佢大時，你又可以點阻止佢食野？
而且我仔係學校食飯，我唔想搞到學校好麻煩。

我反而會花時間係行為治療上，呢樣先係可持之以恆做嘅野。

jjcow

hohoma16 發表於 12-10-9 09:02
仔兩歲四個月,為了要醫好他,他每日就是上網看飲食治療,戒了仔牛奶類,小麥類食物都算,配合埋選gluten free, ...

仲有，我所謂戒奶，只係戒個種一日三次，每次幾多安，好似食藥咁食嘅飲法。
其他有些奶類的製品，我都無同佢戒，但唔會俾佢食得多。

hohoma16

一看到你們的留言,給我的鼓勵,我一下子又忍不住淚流滿面了,多謝建議,心真的很痛。今天跟老公吵時,他說在公園仔只會圍著遊樂場外圍跑圈,滑梯都不玩,只在樓梯級上上落落,去接放學,同學個個能告訴父母發生的事,但仔一句沒有回應,老公說看在眼裡很心痛,很著急要醫好仔。我明白,但無方向跟專家建議,或跟人做,我覺得對小孩成長很危險。

kelvin_hmlau

比d 時間老公啦! 當佢發現無用就會收手。

hohoma16

明白有了解過,但人人情況不同,我老公單看網上文獻或所謂專家文章,就進行戒食,我覺得很冒險,也看不清情況。我很想知網上資料的可信性。我知道要試一試,我會看看你說的那本書,謝謝

apple~y

初初得知小朋友有事,頭幾年係最難過
加上番幼稚園,見到其他小朋友,你老公心急係正常
,係過0左火攪,到你0甘大壓力
試多一排無用,你老公會收手
其實種種療法,對唔同小朋友效果都可以好唔同
我會試3個月,看看小朋友有無進步,再考慮做唔做
加油呀

kelvin_hmlau

當初我同太太都係乜都問，乜都試，不需太擔心。到頭來，都係返去行為改善，認知訓練，情緒管理，言語理解和表達等。

myson727

回復 hohoma16 的帖子


如果想正確地戎口，都系果句 -- 找個用"生物療法"e生教你老公。

我個仔十歲，戒小麥及牛奶兩年半，人地比餅及朱古力佢食，唔會say No。

man811231

我仔仔進行生物療治一個半月，仔仔全部肉都敏感，但我同醫生介凊全部十分困難，結果我現在比無噤敏感的豬肉佢吃。我仔仔已經沒有自轉，希望有多些進步，快啲講嘢

annaanna

我仔都做過食物敏感TEST，結果只得一種特別O既木同魚有敏感，即係戒口都冇用？

pinkdoll

hohoma16 發表於 12-10-9 09:02
仔兩歲四個月,為了要醫好他,他每日就是上網看飲食治療,戒了仔牛奶類,小麥類食物都算,配合埋選gluten free, ...

你由得你老公幫仔戒口 你有你努力幫仔仔做training 或者2者是可以共存呢

其實你和你老公都是愛子心切 不要為這些事太過傷害彼此感情 唔值得

我哋作為a仔家長 又边個未試過為個仔呢樣又試個樣又試 其實我覺得某程度上各種方法是可以共存的 最緊要大家有共識  最緊要個仔舒服開心 我哋作為a仔家長千祈唔好固執過a仔 要學習有彈性 隋機應變

goodyma

pipi331 發表於 12-10-9 13:38
跟您C6意見做啦, 養育小朋友始終要二個人..... 您最好都了解下飲食治療的理念.... 其實就算介得清, 其實都 ...

x 2
介得清 is very important.  You may go to library to borrow books about the subject and share with you husband your findings!

hohoma16

請問戒食一般要多久才能慢慢恢復正常？十二歲後定係過了青春期？定成年時？還是。。。。。。戒食幼兒在成長發展上會有不良影響嗎？   我真心謝謝你們開解。生活中不敢跟任何人訴說,怕影響仔。心中又很多結。謝謝你們。

hohoma16

是的,不能比他固執。只是每次有新措施,又不知要多久,心裡很累,又氣餒

hohoma16

有你們的分享,的確令我心靈舒解,少了孤單感覺,強化我接受老公戒食要求。衷心謝謝

free_style

我女，戒左唔夠一個月，眼神接觸已經有改善，每幾個月已有上一個台階 式的進步。當然，中間也有少少停滯不前，但戒口以來，整體是有明顯進步，無固執，關心人，成日叫我分享佢的苦與樂。未達標的是語言未足返哂，理解力仍不及同年紀小朋友。戒口一年，追左咁多，是我努力的動力。