兼收位老師的態度原來可以相差咁大

BKVIP

回復 methy 的帖子

METHY 請問你係咪都係俾你仔暫託在I位先？ 你間I位學校有几多暫託名額？

暫託都要INTERVIEW嗎？仲有你係搵校長傾定主任傾？

你講個位係咪黃主任？

BKVIP

琴日第一間暫託老師回覆我電話，感覺都好HELPFUL，同接電話個文員好明顯唔同。但可惜學校的支援不足。原來呢間I 位的3T 唔係社署派，同其他 I 位不同，因為佢地話佢地機構同其他機構合作，由其他服務機構派3T黎學校。

但係所講既同其他I 位一樣，ST 每月2次、OT/PT 每3-4個月一次，PST 又係無。仲有一樣係.... 兼收位老師係放平日 所以平日一係放假、一係去TRAINING，留在學校時間可想而知。

所以結論係.... 一定要親自問清楚每間 I 位的服務情況，感受下老師對教學有無熱誠。

雲上太陽

係架，我之前都有咁嘅遭遇,不過而家好好彩，去到間都ok,希望你可以好似我咁好運!

methy

回復 BKVIP 的帖子

過程係..我地當搵普通幼兒園,報左好多間,間間都見哂,,係得呢間無電話喎.,而我又知道呢間好包容( 賣衫sales 姐姐話我知XD)..正想打去問問幾時面試，幼兒園就打黎話要面見(最後一間面見),接見既係主任，我地一如以往一五一十講哂阿仔情況,我當時聽完主任講完野,好想佢收阿仔9月讀,佢亦有意思比機會阿仔,最後安排先暫託(普通位)..9月就正式入學(都係普通位)喇..

well..校長....未接觸過,no comment!

暫託名額印象好似1-2個位..唔太sure。


我係地區版chat.知道有媽媽 10月先入我阿仔間幼兒園.不如你打去問下...一係要求暫託全日...不過就可能要放棄 s位了。不過聽落我阿仔間學校 st 訓練 及社交訓練對你阿仔已經好有幫助。

我阿仔真係適應得好好,未行得穩都肯照顧,亦照顧得好...相信你小朋友都一樣。

BKVIP

回復 methy 的帖子

多謝分享。

請問暫託有無課程或跟班上堂？定或是只係痴下嘢玩架喳？

以前我仔讀呢間時校長好好人，係校長接見我同阿仔，仲係校長親自聽電話架，校長好有愛心。退左學後知道換左校長，唔知間學校變成點。 感覺上管理好左，但校長遙遠左，接電話都已經係老師了。

methy

回復 BKVIP 的帖子

暫託兩小時，入N班．跟大隊上堂．如廁訓練．係唔使買書．．

而家個校長．我覺得係做行政野，似識走動既statue,未開聲同我打過招呼。

主任就非常好，親力親為，我係自己個ｐｏｓｔ　到分享過暫託第一日情況．再ｐｏｓｔ多次：




發表於 12-5-21 19:11

阿仔返左第1日正常幼兒園暫託,好順利。2小時暫託,我就心情緊張得好緊要,怕佢唔適應,怕佢見到人地個個識行,佢唔識,佢會唔開心,發脾四。

接佢時,佢好開心.主任話:
1)我地離開後.佢喊左1分鐘就無喊
2)主任同佢每間房都坐下(等佢認識下間學校)參與下,轉課室時會喊一喊
3)最鐘意睇人跳舞、唱歌
4)主任放低佢比其他老師睇一陣,佢又無咩,好乖好留心老師講課,好反應
5)主任話佢發過d脾氣,抓佢,不過佢撥開佢幾次,佢就get到唔可以咁,就無再做。
6)主任拖阿仔係大廳行,佢自己扶住上sir滑梯,不過唔肯sir落黎,之後抱佢入課室玩。
7)因為第1日,佢未適應.無比佢跟程序飲水食水果,下次會嘗試。
8)阿仔好social.個個老師都打招呼。

夠鐘接阿仔時,佢笑哂口,問佢開唔開心,笑容燦爛地講:開心。其實我以為主任只係將阿仔放入其中一組,間中跟進下,我對主任既細心安排,感到非常感動。

Ryanma925

請問I位e位s位是什麼?
我仔在排期做評估

methy

原帖由 Ryanma925 於 12-10-11 發表
請問I位e位s位是什麼?
我仔在排期做評估

九月，又到莘莘學子開學的時間；不少幼稚園更已在八月中開學。

每年也有不少幼童，因為有不同的特殊學習需要、在衛生署的兒童體能智力測驗中心接受評估後，需要轉介作學前的訓練。

現今，香港主要有三種為學前兒童(即6歲或以下)而設的教育及訓練中心，相信每位有需要的學童家長當知道孩子需要轉介入讀時，除會感到失落之餘，亦會在選擇服務時感到困惑。希望能於今次的文章，就着多年的工作所見，介紹一下各服務的特點、所提供的服務，協助家長作出明智的選擇。




兼收位幼兒中心 ICCC (Integrated child care centre, 即I位)：

其實是一間一般的幼兒中心，但當中有1-2組有特殊學習需要的幼童 (每組6位)，這些幼童大部分時間與其他同學一起上課 (每班約15-20人，1-2位老師)，但一部分時間則會由I位老師 (即特殊幼兒導師SCCW, special child care worker) 進行加強輔導及訓練。另外，地區言語治療服務的言語治療師會每月兩次到校為幼童進行語言治療，職業治療師及物理治療師亦會隔一段時間(如三個月) 到校為幼童給予訓練建議。

早期教育及訓練中心 EETC (Early education & training centre, 即E位)：

這不是一間幼稚園/ 幼兒中心，而是一間訓練中心，為0至6歲、在主流幼稚園/ 幼兒中心就讀的幼童提供服務，家長需要按導師的安排帶孩子到中心進行訓練。

中心的服務包括：學前教育導師 (preschool teacher)、言語治療師 (ST, speech therapist)、職業治療師 (OT, occupational therapist)及物理治療師 (PT, physiotherapist)。經各導師專業評估後，會安排幼童進行小組或個別訓練，因每位幼童的需要不同，所以訓練的次數及安排亦有所不同。

特殊幼兒中心 SCCC (Special child care child, 即S位)：

這是一所為有特殊學習需要的兒童而設的全日制幼兒中心，中心有不同的專業人員，包括特殊幼兒導師 (即老師)、言語治療師、職業治療師、物理治療師、社工及護士等。約6個學生一組、由一位導師帶領，導師及各治療師亦會按每位幼童的能力，為幼童進行小組及/ 或個別訓練，同時邀請家長出席、學習相關的訓練技巧。有少部分的中心更為有需要兒童提供宿位。

相信不少家長都會為如何選擇感到困擾，怕選擇錯誤會影響孩子的學習。下次再讓我說一說選擇時要注意的地方吧。

Link:http://blog.yahoo.com/_D5POOAYXQCS3Z7PEI7QVZBOO4M/articles/128249

Ryanma925

謝謝，我現在真的一頭霧水

想知評估後，是否政府決定派咩位？本身在䜖2歲班，學校也有i位，我可以直接升k1,原校讀i位嗎？

那是否評估後，因程度而轉介去I E S位？

請指教

methy

回復 Ryanma925 的帖子

CAC醫生評估係,認為係需要 S/E/I位.就會安排你比醫務社工跟進.排服務。

如果醫生認為你小朋友需要既係 I 位服務,而你又覺得而家讀緊間幼稚園既 i位服務適合，你就將佢排係第一位，未派到i位前,繼續原校讀書升班.直至派到個 i位比佢。
比左個i位你.小朋友都可能係stay係自己一班.額外比服務你..e.g.隔個星期有言語治療到校比訓練等。

McDonna

BKVIP 發表於 12-10-8 15:12
打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白 ...

其實樓主你知唔知兼收位(I位)有啲乜, 無啲乜?
兼收位係無3T, 只有ST有定期訓練.
個別導師課亦未必每日
你要求嘅service似乎响S位先達你要求喎!

BKVIP

I位係有3T，只係提供服務的頻密程度與E同S不同，所以選i位前一定要去你想選的學校了解左先，在傾談中i位老師俾你嘅感覺都好重要。

PST 唔係間間i位有，問左3間只有一間有。但3T全部都有，ST 甚至同我仔讀嘅E同S都一樣次數，只係PT OT 少d，可能你小朋友讀緊嘅無3T,但唔係全部i位無.請你了解左先，唔係會誤導左其他人。

methy

想知邊間I位咁小服務，定係你小朋友只需ST一樣，而唔需要3T?

csy1977

回復 methy 的帖子

可否将A校是哪一间PM给我？多谢！

BKVIP

原帖由 methy 於 12-10-20 發表
想知邊間I位咁小服務，定係你小朋友只需ST一樣，而唔需要3T?

我都想知邊間i位得st，資源咁少。

BKVIP

原帖由 methy 於 12-10-20 發表
想知邊間I位咁小服務，定係你小朋友只需ST一樣，而唔需要3T?

我都想知邊間i位得st，資源咁少。

opuyo_kannus

原帖由 BKVIP 於 12-10-08 發表
打左3間兼收位問3T時間分配等資料，3間態度都唔同，真係要親自接觸先好選校呀，真係唔係間間好，我終於明白 ...

Can i know the name of the third school?plz pm me,thx